NEET UG 2023 Result: ਪ੍ਰੀਖਿਆ ਦੇ ਨਤੀਜੇ ਜਾਰੀ; ਬੋਰਾ ਵਰੁਣ ਚੱਕਰਵਰਤੀ ਅਤੇ ਪ੍ਰਭੰਜਨ ਜੇ ਨੇ ਕੀਤਾ ਟਾਪ

NEET UG 2023 Result Update: ਨੈਸ਼ਨਲ ਟੈਸਟਿੰਗ ਏਜੰਸੀ ਨੇ ਅੱਜ NEET UG ਪ੍ਰੀਖਿਆ ਦਾ ਨਤੀਜਾ ਜਾਰੀ ਕੀਤਾ ਹੈ। ਜਿਹੜੇ ਵਿਦਿਆਰਥੀ NEET ਪ੍ਰੀਖਿਆ ਵਿੱਚ ਸ਼ਾਮਲ ਹੋਏ ਹਨ, ਉਹ ਅਧਿਕਾਰਤ ਵੈੱਬਸਾਈਟ ਤੋਂ ਨਤੀਜਾ ਦੇਖ ਸਕਦੇ ਹਨ। ਉਮੀਦਵਾਰ ਅਧਿਕਾਰਤ ਵੈੱਬਸਾਈਟ https://cnr.nic.in/resultservices ਤੋਂ NEET ਦਾ ਨਤੀਜਾ ਦੇਖ ਸਕਦੇ ਹਨ।  NEET 2023 ਵਿੱਚ ਆਲ ਇੰਡੀਆ ਟਾਪਰ ਆਂਧਰਾ ਪ੍ਰਦੇਸ਼ ਦੇ ਬੋਰਾ ਵਰੁਣ ਚੱਕਰਵਰਤੀ ਅਤੇ ਤਾਮਿਲਨਾਡੂ ਦੇ ਪ੍ਰਭੰਜਨ ਜੇ ਰਹੇ ਹਨ।

NEET UG ਨਤੀਜਾ 2023 ਦੇਖਣ ਲਈ, ਵਿਦਿਆਰਥਣਾਂ ਨੂੰ ਅਰਜ਼ੀ ਨੰਬਰ ਅਤੇ ਜਨਮ ਮਿਤੀ ਦੀ ਵਰਤੋਂ ਕਰਨੀ ਪਵੇਗੀ। ਨੈਸ਼ਨਲ ਟੈਸਟਿੰਗ ਏਜੰਸੀ ਨੇ 7 ਮਈ ਨੂੰ NEET ਪ੍ਰੀਖਿਆ ਕਰਵਾਈ ਸੀ, ਜਿਸ ਵਿੱਚ 20 ਲੱਖ ਤੋਂ ਵੱਧ ਉਮੀਦਵਾਰ ਬੈਠੇ ਸਨ। 9,02,936 ਪੁਰਸ਼ ਉਮੀਦਵਾਰਾਂ, 11,84,513 ਮਹਿਲਾ ਉਮੀਦਵਾਰਾਂ ਅਤੇ 13 ਟ੍ਰਾਂਸਜੈਂਡਰ ਵਿਦਿਆਰਥੀਆਂ ਸਮੇਤ ਕੁੱਲ 20,87,462 ਉਮੀਦਵਾਰਾਂ ਨੇ ਸਾਲ 2023 ਲਈ NEET UG ਪ੍ਰੀਖਿਆ ਲਈ ਰਜਿਸਟਰ ਕੀਤਾ ਸੀ।

ਇਹ ਵੀ ਪੜ੍ਹੋ: Mika Singh News: ਮੀਕਾ ਸਿੰਘ ਨੇ ਸਿੱਧੂ ਮੂਸੇਵਾਲਾ ਨੂੰ ਦਿੱਤੀ ਸ਼ਰਧਾਂਜਲੀ, ਸ਼ੋਅ ਦੌਰਾਨ ਹੋਏ ਭਾਵੁਕ; ਵੇਖੋ ਵੀਡੀਓ

ਨੈਸ਼ਨਲ ਟੈਸਟਿੰਗ ਏਜੰਸੀ ਨੇ 7 ਮਈ 2023 (ਐਤਵਾਰ) ਨੂੰ ਦੁਪਹਿਰ 02:00 ਵਜੇ ਤੋਂ ਭਾਰਤ ਤੋਂ ਬਾਹਰ ਦੇ 14 ਸ਼ਹਿਰਾਂ ਸਮੇਤ ਦੇਸ਼ ਭਰ ਦੇ 499 ਸ਼ਹਿਰਾਂ ਵਿੱਚ ਸਥਿਤ 4,097 ਵੱਖ-ਵੱਖ ਕੇਂਦਰਾਂ 'ਤੇ 20,87,462 ਉਮੀਦਵਾਰਾਂ ਲਈ ਰਾਸ਼ਟਰੀ ਯੋਗਤਾ ਕਮ ਦਾਖਲਾ ਪ੍ਰੀਖਿਆ (UG) ਕਰਵਾਈ। 

ਇਹ ਪ੍ਰੀਖਿਆ 13 ਭਾਸ਼ਾਵਾਂ (ਅਸਾਮੀ, ਬੰਗਾਲੀ, ਅੰਗਰੇਜ਼ੀ, ਗੁਜਰਾਤੀ, ਹਿੰਦੀ, ਕੰਨੜ, ਮਲਿਆਲਮ, ਮਰਾਠੀ, ਉੜੀਆ, ਪੰਜਾਬੀ, ਤਾਮਿਲ, ਤੇਲਗੂ ਅਤੇ ਉਰਦੂ) ਵਿੱਚ ਆਯੋਜਿਤ ਕੀਤੀ ਗਈ ਸੀ। ਪ੍ਰੀਖਿਆ ਭਾਰਤ ਤੋਂ ਬਾਹਰ ਅਬੂ ਧਾਬੀ, ਬੈਂਕਾਕ, ਕੋਲੰਬੋ, ਦੋਹਾ, ਕਾਠਮੰਡੂ, ਕੁਆਲਾਲੰਪੁਰ, ਲਾਗੋਸ, ਮਨਾਮਾ, ਮਸਕਟ, ਰਿਆਦ, ਸ਼ਾਰਜਾਹ, ਸਿੰਗਾਪੁਰ, ਦੁਬਈ ਅਤੇ ਕੁਵੈਤ ਸਿਟੀ ਵਿੱਚ ਵੀ ਆਯੋਜਿਤ ਕੀਤੀ ਗਈ ਸੀ।