Black Coffee Side Effects: ਜਿਮ ਜਾਣ ਤੋਂ ਪਹਿਲਾਂ ਭੁੱਲਕੇ ਵੀ ਨਾ ਪੀਓ ਬਲੈਕ ਕੌਫੀ! ਫਾਇਦੇ ਦੀ ਬਜਾਏ ਹੋਣਗੇ ਵੱਡੇ ਨੁਕਸਾਨ

Black Coffee Side Effects: ਸਵੇਰੇ ਉੱਠਦੇ ਹੀ ਇੱਕ ਕੱਪ ਕੌਫੀ ਪੀਣ ਨਾਲ ਨਾ ਸਿਰਫ਼ ਤੁਹਾਡੀ ਨੀਂਦ ਗਾਇਬ ਹੋ ਜਾਂਦੀ ਹੈ ਬਲਕਿ ਤੁਹਾਨੂੰ ਦਿਨ ਭਰ ਤਰੋਤਾਜ਼ਾ ਰਹਿਣ ਲਈ ਊਰਜਾ ਵੀ ਮਿਲਦੀ ਹੈ। ਸਿਹਤ ਲਈ ਬਲੈਕ ਕੌਫੀ ਦੇ ਫਾਇਦੇ ਦੇਖ ਕੇ ਕਈ ਲੋਕ ਵਰਕਆਊਟ ਤੋਂ ਪਹਿਲਾਂ ਕੌਫੀ ਪੀਂਦੇ ਹਨ। ਬਲੈਕ ਕੌਫੀ ਉਹਨਾਂ ਲਈ ਇੱਕ ਮਸ਼ਹੂਰ ਪ੍ਰੀ ਵਰਕਆਊਟ ਸਪਲੀਮੈਂਟ ਬਣ ਗਈ ਹੈ। ਅਸਲ 'ਚ ਕੌਫੀ 'ਚ ਕੈਫੀਨ ਪਾਇਆ ਜਾਂਦਾ ਹੈ, ਜੋ ਸਰੀਰ ਦੀ ਊਰਜਾ ਵਧਾਉਣ ਦਾ ਕੰਮ ਕਰਦਾ ਹੈ। ਜਿਸ ਕਾਰਨ ਵਰਕਆਊਟ ਦੀ ਪਰਫਾਰਮੈਂਸ ਬਿਹਤਰ ਹੁੰਦੀ ਹੈ। ਇਸ ਨੂੰ ਪ੍ਰੀ-ਵਰਕਆਉਟ ਸਪਲੀਮੈਂਟ ਦੇ ਤੌਰ 'ਤੇ ਲੈਣ ਨਾਲ ਚਰਬੀ ਅਤੇ ਕੈਲਰੀ ਬਿਹਤਰ ਢੰਗ ਨਾਲ ਬਰਨ ਹੁੰਦੀ ਹੈ। ਕੌਫੀ ਵਿੱਚ ਮੌਜੂਦ ਕੈਫੀਨ ਮਾਸਪੇਸ਼ੀਆਂ ਦੇ ਦਰਦ ਨੂੰ ਘੱਟ ਕਰਨ ਵਿੱਚ ਵੀ ਮਦਦ ਕਰਦਾ ਹੈ।

ਵਰਕਆਊਟ ਦੇ ਲਈ ਬਲੈਕ ਕੌਫੀ ਦੇ ਬਹੁਤ ਸਾਰੇ ਫਾਇਦੇ ਹੋਣ ਦੇ ਬਾਵਜੂਦ, ਹਰ ਕੋਈ ਇਸ ਦਾ ਸੇਵਨ ਨਹੀਂ ਕਰ ਸਕਦਾ। ਜੇਕਰ ਕੌਫੀ ਦਾ ਸੇਵਨ ਬਿਨਾਂ ਸੋਚੇ-ਸਮਝੇ ਕੀਤਾ ਜਾਵੇ ਤਾਂ ਇਹ ਤੁਹਾਡੀ ਸਰੀਰਕ ਸਿਹਤ ਦੇ ਨਾਲ-ਨਾਲ ਤੁਹਾਡੀ ਮਾਨਸਿਕ ਸਿਹਤ ਨੂੰ ਵੀ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕਰ ਸਕਦੀ ਹੈ। ਆਓ ਜਾਣਦੇ ਹਾਂ ਕਿ ਕਿਹੜੇ ਲੋਕਾਂ ਨੂੰ ਵਰਕਆਊਟ ਤੋਂ ਪਹਿਲਾਂ ਬਲੈਕ ਕੌਫੀ ਨਹੀਂ ਪੀਣੀ ਚਾਹੀਦੀ।

Acid Reflux Problem
ਜੇਕਰ ਤੁਹਾਨੂੰ ਪਹਿਲਾਂ ਤੋਂ ਹੀ ਐਸਿਡ ਰਿਫਲਕਸ ਦੀ ਸਮੱਸਿਆ ਹੈ ਤਾਂ ਵਰਕਆਊਟ ਤੋਂ ਪਹਿਲਾਂ ਬਲੈਕ ਕੌਫੀ ਪੀਣ ਦੀ ਗਲਤੀ ਨਾ ਕਰੋ। ਬਲੈਕ ਕੌਫੀ esophageal sphincter ਨੂੰ ਆਰਾਮ ਦਿੰਦੀ ਹੈ, ਜੋ ਕਿ ਐਸਿਡ ਰਿਫਲਕਸ ਦਾ ਇੱਕ ਆਮ ਕਾਰਨ ਹੈ। ਕੌਫੀ ਵਿੱਚ ਮੌਜੂਦ ਕੈਫੀਨ ਪੇਟ ਨੂੰ ਹੋਰ ਤੇਜ਼ਾਬ ਪੈਦਾ ਕਰਨ ਲਈ ਉਤੇਜਿਤ ਕਰ ਸਕਦੀ ਹੈ। ਜੇਕਰ ਅਜਿਹੇ ਲੋਕ ਵਰਕਆਊਟ ਤੋਂ ਪਹਿਲਾਂ ਕੌਫੀ ਪੀਂਦੇ ਹਨ ਤਾਂ ਉਨ੍ਹਾਂ ਨੂੰ ਦਿਲ ਵਿੱਚ ਜਲਨ, ਉਲਟੀ ਅਤੇ ਬੇਚੈਨੀ ਆਦਿ ਦੀ ਸ਼ਿਕਾਇਤ ਹੋ ਸਕਦੀ ਹੈ।

Heart Related Problem
ਜੇਕਰ ਤੁਹਾਨੂੰ ਦਿਲ ਨਾਲ ਜੁੜੀ ਕੋਈ ਸਮੱਸਿਆ ਹੈ ਤਾਂ ਬਲੈਕ ਕੌਫੀ ਨੂੰ ਆਪਣੀ ਪ੍ਰੀ-ਵਰਕਆਊਟ ਰੁਟੀਨ ਤੋਂ ਹਟਾ ਦਿਓ। ਅਸਲ ਵਿੱਚ, ਕੈਫੀਨ ਬਲੱਡ ਪ੍ਰੈਸ਼ਰ ਅਤੇ ਦਿਲ ਦੀ ਧੜਕਣ ਵਿੱਚ ਅਸਥਾਈ ਵਾਧਾ ਦਾ ਕਾਰਨ ਬਣ ਸਕਦੀ ਹੈ। ਜੇਕਰ ਹਾਈ ਬਲੱਡ ਪ੍ਰੈਸ਼ਰ ਜਾਂ ਦਿਲ ਦੇ ਮਰੀਜ਼ ਵਰਕਆਊਟ ਦੌਰਾਨ ਬਲੈਕ ਕੌਫੀ ਦਾ ਸੇਵਨ ਕਰਦੇ ਹਨ ਤਾਂ ਉਨ੍ਹਾਂ ਨੂੰ ਦਿਲ ਦੀ ਧੜਕਣ ਵਧਣ ਅਤੇ ਬੀਪੀ ਨਾਲ ਜੁੜੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

Insomnia Problem
ਜੇਕਰ ਤੁਸੀਂ ਪਹਿਲਾਂ ਹੀ ਰਾਤ ਨੂੰ ਚੰਗੀ ਨੀਂਦ ਨਹੀਂ ਲੈ ਪਾ ਰਹੇ ਹੋ ਤਾਂ ਸ਼ਾਮ ਨੂੰ ਕਸਰਤ ਤੋਂ ਪਹਿਲਾਂ ਬਲੈਕ ਕੌਫੀ ਦਾ ਸੇਵਨ ਨਾ ਕਰੋ। ਕੈਫੀਨ ਤੁਹਾਡੇ ਸਰੀਰ ਵਿੱਚ ਲੰਬੇ ਸਮੇਂ ਤੱਕ ਬਣੀ ਰਹਿੰਦੀ ਹੈ, ਜੋ ਨੀਂਦ ਦੇ ਪੈਟਰਨ ਵਿੱਚ ਵਿਘਨ ਪਾ ਸਕਦੀ ਹੈ ਅਤੇ ਵਿਅਕਤੀ ਨੂੰ ਚੰਗੀ ਤਰ੍ਹਾਂ ਸੌਣ ਵਿੱਚ ਅਸਮਰੱਥ ਬਣਾ ਸਕਦੀ ਹੈ। ਚੰਗੀ ਨੀਂਦ ਨਾ ਆਉਣ ਨਾਲ ਵਿਅਕਤੀ ਦੀ ਸਮੁੱਚੀ ਸਿਹਤ 'ਤੇ ਮਾੜਾ ਅਸਰ ਪੈਂਦਾ ਹੈ।