Antim Panghal: ਅੰਤਿਮ ਪੰਘਾਲ ਓਲੰਪਿਕ ਤੋਂ ਬਾਹਰ; ਪੈਰਿਸ ਛੱਡਣ ਦੇ ਦਿੱਤੇ ਹੁਕਮ

Antim Panghal: ਪਹਿਲਵਾਨ ਵਿਨੇਸ਼ ਫੋਗਾਟ ਦੇ ਫਾਈਨਲ ਤੋਂ ਬਾਹਰ ਹੋਣ ਤੋਂ ਬਾਅਦ ਭਾਰਤ ਨੂੰ ਇੱਕ ਹੋਰ ਝਟਕਾ ਲੱਗਾ ਹੈ। ਦਰਅਸਲ  ਵਿੱਚ ਰੈਸਲਰ ਅੰਤਿਮ ਪੰਘਾਲ ਨੂੰ ਪੈਰਿਸ ਛੱਡਣ ਦੇ ਹੁਕਮ ਦਿੱਤੇ ਗਏ ਹਨ। ਪੰਘਾਲ ਉਪਰ ਦੋਸ਼ ਲੱਗੇ ਹਨ ਕਿ ਉਸ ਨੇ ਆਈ ਆਈਡੀ ਛੋਟੀ ਭੈਣ ਨੂੰ ਦਿੱਤੀ ਹੈ ਅਤੇ ਉਸ ਦੀ ਭੈਣ ਨੂੰ ਖੇਡ ਪਿੰਡ ਵਿੱਚ ਸੁਰੱਖਿਆ ਮੁਲਾਜ਼ਮਾਂ ਨੇ ਫੜਿਆ ਹੈ।

ਭਾਰਤੀ ਪਹਿਲਵਾਨ ਅੰਤਿਮ ਪੰਘਾਲ ਦੀ ਪੈਰਿਸ ਓਲੰਪਿਕ ਪਿੰਡ ਦੀ ਮਾਨਤਾ ਰੱਦ ਕਰ ਦਿੱਤੀ ਗਈ ਹੈ ਅਤੇ ਉਸ ਨੂੰ ਪੈਰਿਸ ਛੱਡਣ ਦਾ ਹੁਕਮ ਦਿੱਤਾ ਗਿਆ ਹੈ। ਸੁਰੱਖਿਆ ਅਧਿਕਾਰੀਆਂ ਨੇ ਗਲਤ ਐਕਰੀਡੇਸ਼ਨ ਕਾਰਡ ਦੀ ਵਰਤੋਂ ਕਰਕੇ ਕੈਂਪਸ ਵਿਚ ਦਾਖਲ ਹੋਣ ਉਤੇ ਪੰਘਾਲ ਦੀ ਭੈਣ ਨੂੰ ਫੜ ਲਿਆ ਸੀ।

ਅੰਤਿਮ ਦੀ ਭੈਣ ਨਿਸ਼ਾ ਪੰਘਾਲ ਨੂੰ ਉਸ ਦੇ ਅਪਰਾਧ ਲਈ ਪੈਰਿਸ ਪੁਲਿਸ ਨੇ ਥੋੜ੍ਹੇ ਸਮੇਂ ਲਈ ਹਿਰਾਸਤ ਵਿੱਚ ਲਿਆ ਸੀ ਪਰ ਬਾਅਦ ਵਿੱਚ ਭਾਰਤੀ ਓਲੰਪਿਕ ਸੰਘ (IOA) ਦੇ ਦਖ਼ਲ ਤੋਂ ਬਾਅਦ ਇੱਕ ਚਿਤਾਵਨੀ ਦੇ ਨਾਲ ਛੱਡ ਦਿੱਤਾ ਗਿਆ ਸੀ। ਹਾਲਾਂਕਿ ਇਸ ਘਟਨਾ ਤੋਂ ਬਾਅਦ, IOA ਨੇ ਬਾਅਦ ਵਾਲੇ ਨੂੰ ਉਸਦੇ ਕੋਚ, ਭਰਾ ਅਤੇ ਭੈਣ ਸਮੇਤ ਪੈਰਿਸ ਛੱਡਣ ਦਾ ਨਿਰਦੇਸ਼ ਦਿੱਤਾ ਹੈ।

ਪੰਘਾਲ ਲਈ 7 ਅਗਸਤ ਦਾ ਦਿਨ ਚੰਗਾ ਨਹੀਂ ਰਿਹਾ ਕਿਉਂਕਿ ਪੈਰਿਸ 2024 ਵਿੱਚ ਉਸ ਦੀ ਬਹੁਤ ਉਡੀਕੀ ਜਾ ਰਹੀ ਓਲੰਪਿਕ ਸ਼ੁਰੂਆਤ ਬੁੱਧਵਾਰ ਨੂੰ ਚੈਂਪ-ਡੀ-ਮਾਰਸ ਅਰੇਨਾ ਵਿੱਚ ਮਹਿਲਾ 53 ਕਿਲੋਗ੍ਰਾਮ ਕੁਸ਼ਤੀ ਮੁਕਾਬਲੇ ਦੇ ਪਹਿਲੇ ਦੌਰ ਵਿੱਚ ਹਾਰ ਨਾਲ ਖਤਮ ਹੋ ਗਈ।

ਇਹ ਵੀ ਪੜ੍ਹੋ : Punjab Breaking News Live Updates: ਪੰਜਾਬ ਦੀਆਂ ਹੁਣ ਤੱਕ ਦੀਆਂ ਵੱਡੀਆਂ ਖ਼ਬਰਾਂ, ਦੇਖੋ ਇੱਥੇ ਇੱਕ ਲਿੰਕ ਵਿੱਚ

ਆਖਿਰਕਾਰ ਪੰਘਾਲ ਨੂੰ ਮਹਿਲਾ ਫ੍ਰੀਸਟਾਈਲ 53 ਕਿਲੋਗ੍ਰਾਮ ਦੇ ਸ਼ੁਰੂਆਤੀ ਦੌਰ ਵਿੱਚ 0-10 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਫਾਈਨਲ ਮੁਕਾਬਲਾ ਤੁਰਕੀ ਦੇ ਯੇਨੇਪ ਯੇਤਗਿਲ ਨਾਲ ਸੀ। ਹੁਣ ਉਸਦੀ ਭੈਣ ਨੂੰ ਪੈਰਿਸ ਪੁਲਿਸ ਨੇ ਤਲਬ ਕੀਤਾ ਹੈ। ਇਸ 19 ਸਾਲਾ ਖਿਡਾਰਨ ਦੀਆਂ ਰੀਪੇਚੇਜ ਰਾਹੀਂ ਕਾਂਸੀ ਦੇ ਤਗਮੇ ਦੀ ਦੌੜ ਵਿੱਚ ਬਣੇ ਰਹਿਣ ਦੀਆਂ ਉਮੀਦਾਂ ਉਤੇ ਵੀ ਪਾਣੀ ਫਿਰ ਗਿਆ। 

ਇਹ ਵੀ ਪੜ੍ਹੋ : Punjab High Court: ਪੈਂਡਿੰਗ ਸ਼ਿਕਾਇਤਾਂ ਨੂੰ ਲੈ ਕੇ ਹਾਈ ਕੋਰਟ ਨੇ ਤਿੰਨ ਸੂਬਿਆਂ ਦੇ ਡੀਜੀਪੀ ਨੂੰ ਲਗਾਈ ਤਾੜਨਾ