Jalandhar News: ਜਲੰਧਰ 'ਚ ਬਜ਼ੁਰਗ ਔਰਤ 'ਤੇ ਕੁੱਤਿਆਂ ਨੇ ਕੀਤਾ ਹਮਲਾ, CCTV ਆਈ ਸਾਹਮਣੇ

Jalandhar News/ਸੁਨੀਲ ਮਹਿੰਦਰੂ: ਪੰਜਾਬ ਵਿੱਚ ਅਵਾਰਾ ਕੁੱਤਿਆ ਦਾ ਕਹਿਰ ਜਾਰੀ ਹੈ। ਅੱਝ ਤਾਜਾ ਮਾਮਲਾ ਪੰਜਾਬ ਦੇ ਜ਼ਿਲ੍ਹੇ ਜਲੰਧਰ ਤੋਂ ਸਾਹਮਣੇ ਆਇਆ ਹੈ ਜਿੱਥੇ ਇਕ ਬਜ਼ੁਰਗ ਔਰਤ 'ਤੇ 4 ਕੁੱਤਿਆਂ ਨੇ ਹਮਲਾ ਕਰ ਦਿੱਤਾ। ਔਰਤ ਗਲੀ ਵਿਚ ਪੈਦਲ ਆ ਰਹੀ ਸੀ। ਅਚਾਨਕ ਚਾਰੋਂ ਕੁੱਤੇ ਉਸ 'ਤੇ ਝਪਟ ਪਏ। ਔਰਤ ਗਲੀ 'ਚ ਹੀ ਜ਼ਮੀਨ 'ਤੇ ਡਿੱਗ ਗਈ। ਜਦੋਂ ਔਰਤ ਨੇ ਆਪਣਾ ਬਚਾਅ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਕੁੱਤੇ ਉਥੋਂ ਚਲੇ ਗਏ।

ਔਰਤ ਦੀ ਚੀਕ ਸੁਣ ਕੇ ਇੱਕ ਵਿਅਕਤੀ ਘਰੋਂ ਬਾਹਰ ਆਇਆ ਅਤੇ ਉਸ ਨੂੰ ਸੰਭਾਲਿਆ। ਸਾਰੀ ਘਟਨਾ ਦਾ ਸੀਸੀਟੀਵੀ ਵੀਡੀਓ ਸਾਹਮਣੇ ਆਇਆ ਹੈ। ਬਜ਼ੁਰਗ ਔਰਤ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਲਿਜਾਇਆ ਗਿਆ। ਡਾਕਟਰਾਂ ਨੇ ਉਸ ਨੂੰ ਰੇਬੀਜ਼ ਦਾ ਟੀਕਾ ਲਗਾ ਕੇ ਘਰ ਭੇਜ ਦਿੱਤਾ। ਉਸ ਦੀ ਲੱਤ 'ਤੇ ਕੁੱਤਿਆਂ ਨੇ ਵੱਢਿਆ ਸੀ।

ਇਹ ਵੀ ਪੜ੍ਹੋ: Amritsar News: ਅੰਮ੍ਰਿਤਸਰ ਹੈਰੀਟੇਜ ਸਟਰੀਟ 'ਤੇ ਹੁਣ ਪ੍ਰੀ-ਵੈਡਿੰਗ ਸ਼ੂਟ ਤੇ ਰੀਲਾਂ ਬਣਾਉਣ 'ਤੇ ਲੱਗੀ ਪਾਬੰਦੀ 

ਇਹ ਘਟਨਾ ਅਸ਼ੋਕ ਨਗਰ ਸਥਿਤ ਸ਼ਹਿਨਾਈ ਪੈਲੇਸ ਦੇ ਪਿੱਛੇ ਵਾਪਰੀ। ਉਥੇ ਰਹਿੰਦੇ ਕੱਪੜਾ ਵਪਾਰੀ ਸੰਜੀਵ ਕੁਮਾਰ ਅਰੋੜਾ ਨੇ ਦੱਸਿਆ ਕਿ 65 ਸਾਲਾ ਔਰਤ ਆਪਣੀਆਂ ਦੋ ਧੀਆਂ ਸਮੇਤ ਘਰ ਦਾ ਕੰਮ ਕਰਦੀ ਹੈ। ਸ਼ਨੀਵਾਰ ਨੂੰ ਔਰਤ ਘਰ ਤੋਂ ਕੰਮ 'ਤੇ ਜਾ ਰਹੀ ਸੀ। ਸਵੇਰੇ ਕਰੀਬ 11.30 ਵਜੇ ਔਰਤ ਅਸ਼ੋਕ ਨਗਰ ਮੋੜ ਤੋਂ ਹੌਲੀ-ਹੌਲੀ ਆ ਰਹੀ ਸੀ।

ਜਦੋਂ ਉਹ ਟੀ-ਪੁਆਇੰਟ 'ਤੇ ਪਹੁੰਚੀ ਤਾਂ ਇਕ ਕੁੱਤਾ ਉਸ ਦੇ ਨੇੜੇ ਆਇਆ ਅਤੇ ਭੌਂਕਣ ਲੱਗਾ। ਇਸ ਤੋਂ ਬਾਅਦ 3 ਹੋਰ ਕੁੱਤੇ ਉੱਥੇ ਆਏ ਅਤੇ ਔਰਤ 'ਤੇ ਹਮਲਾ ਕਰ ਦਿੱਤਾ। ਬਜ਼ੁਰਗ ਔਰਤ ਨੇ ਹੱਥ-ਪੈਰ ਮਾਰ ਕੇ ਕਿਸੇ ਤਰ੍ਹਾਂ ਕੁੱਤਿਆਂ ਨੂੰ ਆਪਣੇ ਤੋਂ ਦੂਰ ਕਰਨ ਦੀ ਕੋਸ਼ਿਸ਼ ਕਰਨੀ ਸ਼ੁਰੂ ਕਰ ਦਿੱਤੀ। ਜਦੋਂ ਉਹ ਬਚਾਅ ਲਈ ਭੱਜੀ ਤਾਂ ਉਹ ਜ਼ਮੀਨ 'ਤੇ ਡਿੱਗ ਪਈ। ਇਸ ਤੋਂ ਬਾਅਦ ਕੁੱਤਿਆਂ ਨੇ ਉਸ ਦੀ ਲੱਤ ਵੱਢ ਲਈ। ਇਹ ਪੂਰੀ ਘਟਨਾ CCTV ਵਿੱਚ ਰਿਕਾਰਡ ਹੋਈ ਹੈ।

ਇਹ ਵੀ ਪੜ੍ਹੋ:  Sikh Turbans: ਸਿਰ 'ਚ ਹੋਣ ਵਾਲੇ ਫ੍ਰੈਕਚਰ ਦੇ ਖਤਰੇ ਨੂੰ ਘੱਟ ਕਰਨ 'ਚ ਮਦਦ ਕਰਦੀ ਹੈ ਪੱਗ, ਹੋਇਆ ਵੱਡਾ ਖ਼ੁਲਾਸਾ

ਔਰਤ ਦੀ ਆਵਾਜ਼ ਸੁਣ ਕੇ ਜਦੋਂ ਵਿਅਕਤੀ ਘਰੋਂ ਬਾਹਰ ਆਇਆ ਤਾਂ ਕੁੱਤੇ ਉਥੋਂ ਚਲੇ ਗਏ ਸਨ। ਇਸ ਤੋਂ ਬਾਅਦ ਇਲਾਕੇ ਦੇ ਲੋਕ ਇਕੱਠੇ ਹੋ ਗਏ। ਔਰਤ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਲਿਜਾਇਆ ਗਿਆ।