ଏହିପରି ଆଉଟ୍ ହେଲେ ବିରାଟ କୋହଲି, ବିଶ୍ଵାସ କରିପାରିଲେନି ଅନୁଷ୍କା, ବଡ ପରଦାରେ ଦେଖାଗଲେ ନିରାଶା

IND Vs AUS World Cup 2023:  ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ବିଶ୍ୱକପ ୨୦୨୪ ର ଅନ୍ତିମ ମ୍ୟାଚ୍ ଖେଳାଯାଉଛି । ଏହି ମ୍ୟାଚ୍‌ରେ ଅଷ୍ଟ୍ରେଲୀୟ ଅଧିନାୟକ ପ୍ୟାଟ୍ କମିନ୍ସ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି ଏବଂ ଅଷ୍ଟ୍ରେଲିଆ ଦଳ ଏହି ନିଷ୍ପତ୍ତିକୁ ଠିକ୍ ପ୍ରମାଣିତ କରି ଟିମ୍ ଇଣ୍ଡିଆ (Team india) ଉପରେ କାଉଣ୍ଟର ଆଟାକ କରିଛି। ଯଦିଓ ବିରାଟ କୋହଲି (Virat Kohli) ଓ କେ.ଏଲ୍ ରାହୁଲ ସାହସର ସହିତ କଙ୍ଗାରୁ ବୋଲିଂର ଦୃଢ଼ ଭାବେ ସାମ୍ନା କରିଥିଲେ, ସେମାନଙ୍କ ଉଦ୍ୟମ ପର୍ଯ୍ୟାପ୍ତ ନଥିଲା ଏବଂ ଟିମ୍ ଇଣ୍ଡିଆ ଚାପରେ ରହିଥିଲା। ଅଷ୍ଟ୍ରେଲିଆ ବିପକ୍ଷ ଫାଇନାଲ ମ୍ୟାଚରେ କୋହଲି ୫୪ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ସେ ଯେଉଁ ଭଳି ଆଉଟ୍ ହେଲେ ନା ତାଙ୍କର ବିଶ୍ଵାସ ହେଲା ନା ଷ୍ଟାଡିୟମରେ ବସିଥିବା ମ୍ୟାଚ୍ ଦେଖୁଥିବା ଅନୁଷ୍କା ଶର୍ମାଙ୍କର ବିଶ୍ୱାସ ହେଲା। ଆଉ ତାଙ୍କର ପ୍ରତିକ୍ରିୟା ଭାଇରାଲ ହୋଇଗଲା।

ବାସ୍ତବରେ, ଭାରତୀୟ ଇନିଂସ ସମୟରେ ୨୯ ତମ ଓଭରର ତୃତୀୟ ବଲରେ ଅଷ୍ଟ୍ରେଲୀୟ ଅଧିନାୟକ ପାଟ କମିନ୍ସ ତାଙ୍କୁ ବୋଲ୍ଡ କରିଥିଲେ। ପ୍ଲେଡ୍ ଅନ ହୋଇଗଲା, ଅର୍ଥାତ୍ ବ୍ୟାଟ୍ ମାରିବା ପରେ ବଲ୍ ଷ୍ଟମ୍ପକୁ ଧକ୍କା ଦେଇଥିଲା ଏବଂ ସେ ବୋଲ୍ଡ ହୋଇଗଲେ। ଆଉଟ୍ ହେବା ପରେ କୋହଲି ବହୁତ ନିରାଶ ଦେଖା ଯାଉଥିବାବେଳେ ଅନୁଷ୍କା ମଧ୍ୟ ନିରାଶ ହୋଇଥିଲେ। ଅନୁଷ୍କା ଶର୍ମା (Anushka sharma)ଙ୍କ ଏହି ପ୍ରତିକ୍ରିୟା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏଥି ସହିତ, ଯେତେବେଳେ କୋହଲି ଆଉଟ୍ ହୋଇଥିଲେ, ସେ ଏହାକୁ ବିଶ୍ୱାସ କରିପାରିନଥିଲେ। ସେ ହଠାତ୍ ଆଶ୍ଚର୍ଯ୍ୟ ହୋଇଗଲେ ଆଉ ପାଟିରେ ହାତଦେଇ ପ୍ରତିକ୍ରିୟା ଦେବାର ନଜର ଆସିଲେ।

ଅନୁଷ୍କାଙ୍କ ଏହି ଫଟୋ ଭାଇରାଲ ହୋଇଥିଲା। ତେବେ କେବଳ ଅନୁଷ୍କା ନୁହଁନ୍ତି ବିରାଟ କୋହଲି ଆଉଟ୍ ବୋଲି ଦର୍ଶକଙ୍କ ମଧ୍ୟରୁ କେହି ବି ବିଶ୍ୱାସ କରିପାରି ନଥିଲେ। ଡଗ ଆଉଟ୍ ରେ ବସିଥିବା  ଷ୍ଟାର ସ୍ପିନର ଆର ଅଶ୍ୱିନ ମଧ୍ୟ ଏହାକୁ ବିଶ୍ବାସ କରିପାରି ନଥିଲେ। ବିଶ୍ୱକପ ଆରମ୍ଭରେ ଅଷ୍ଟ୍ରେଲିଆ ଦଳ ବହୁତ ଫିକା ଦେଖାଯାଉଥିଲା କିନ୍ତୁ ପରେ ଯେତେବେଳେ ଧାରା ପାଇଲା, ସେତେବେଳେ ସିଧାସଳଖ ଫାଇନାଲରେ ଦେଖା ଦେଇଥିଲା। ଏବେ ଫାଇନାଲରେ ଅଷ୍ଟ୍ରେଲିଆ ଦଳ ଟିମ୍ ଇଣ୍ଡିଆ ଉପରେ ଜୋରଦାର କାଉଣ୍ଟର ଆଟାକ୍ କରିଛି । ଲିଗ୍ ମ୍ୟାଚ୍ ଠାରୁ ଫାଇନାଲ୍ ପର୍ଯ୍ୟନ୍ତ ବଡ ବଡ଼ ଦଳକୁ ପରାସ୍ତ କରିଥିବା ଟିମ୍ ଇଣ୍ଡିଆ ଉପରେ ଅଷ୍ଟ୍ରେଲିଆ ଭାରି ପଡ଼ୁଥିବା ଦେଖିବାକୁ ମିଳିଛି।

ବର୍ତ୍ତମାନ ବିରାଟ କୋହଲିଙ୍କ ସମେତ ବଡ ବଡ଼ ଖେଳାଳୀ ଆଉଟ୍ ହୋଇ ପାଭିଲିୟନକୁ ଫେରିଛନ୍ତି। ତେବେ ଭାରତର ବୋଲିଂ ଏପର୍ଯ୍ୟନ୍ତ ହୋଇ ନାହିଁ। ଫାଇନାଲରେ ପ୍ରବେଶ କରିଥିବା ଉଭୟ ଦଳ ଉତ୍କୃଷ୍ଟ ଫର୍ମରେ ଅଛନ୍ତି। ଲଗାତାର ୧୦ ଟି ମ୍ୟାଚ ଜିତି ଭାରତ ଫାଇନାଲରେ ପ୍ରବେଶ କରିଛି। ୨୦୦୩ ରେ ୨୦ ବର୍ଷ ପୂର୍ବେ ଦୁଇ ଦଳ ମଧ୍ୟରେ ବିଶ୍ୱକପ ଫାଇନାଲ ମଧ୍ୟ ଖେଳାଯାଇଥିଲା। ଯେଉଁଠାରେ ଅଷ୍ଟ୍ରେଲିଆ ଏହି ମ୍ୟାଚ୍ ଜିତିଥିଲା ​​। ବର୍ତ୍ତମାନ ଦେଖିବାକୁ ବାକି ରହିଲା ଏହି ଫାଇନାଲରେ ଫଳାଫଳ କ’ଣ ହେବ?

Also Read- IND Vs AUS: ସଲମାନ ଖାନଙ୍କ ବଡ଼ ବିବୃତ୍ତି 'ଭାରତ ହାରିବାର ଚାନ୍ସ୍ ନାହିଁ'

Also Read- Sad News: ସଡ଼କ ଦୁର୍ଘଟଣାରେ, ଏଏସଆଇଙ୍କ ସମେତ ୫ ଜଣ ପୋଲିସ କର୍ମଚାରୀଙ୍କ ମୃତ୍ୟୁ