ଆମେ ନୀତିଶ କୁମାରଙ୍କୁ ସିଏମ୍ କରିଛୁ, ବିହାର ଏନଡିଏ ସାଂସଦଙ୍କ ସହ ବୈଠକରେ ଏମିତି କହିଲେ ପିଏମ୍ ମୋଦୀ

Bihar Politics: ବିହାର ଏନଡିଏ ସାଂସଦଙ୍କ ସହ ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ (pm narendra modi) ଏନଡିଏ ମିଳିତ ମଞ୍ଚର ଏକତା, ବଳିଦାନ ଏବଂ ସ୍ଥିରତା ଉପରେ ଗୁରୁତ୍ୱାରୋପ କରି କହିଛନ୍ତି ଯେ ବିଜେପି ଏକ ବଡ଼ କାରଣ ପାଇଁ ଅନେକ ଥର ତ୍ୟାଗ କରିଛି ଓ ଅନେକ ଥର ବଡ ବଳିଦାନ ମଧ୍ୟ ଦେଇଛି । ବିଜେପି (bjp)ର ତ୍ୟାଗ ଓ ବଳିଦାନକୁ ଗୁରୁତ୍ୱ ଦେଇ ପ୍ରଧାନମନ୍ତ୍ରୀ ମୋଦି ବିହାରର ଏନଡିଏ ସାଂସଦମାନଙ୍କୁ କହିଛନ୍ତି ଯେ ରାଜନୀତିରେ ଅନେକ ଥର ବଡ଼ କାରଣ ପାଇଁ ବଳିଦାନ ଦେବାକୁ ପଡ଼ିବ ଏବଂ ବିଜେପି ସର୍ବଦା ଏଥିରେ ଆଗରେ ରହି ଆସିଛି।

ପ୍ରଧାନମନ୍ତ୍ରୀଙ୍କ ଭାଷଣ ନୀତିଶ କୁମାର (cm nitish kumar)ଙ୍କ ପାଇଁ ଅପମାନଜନକ ବୋଲି କୁହାଯାଉଛି, କାରଣ ଏହା ପୂର୍ବରୁ ଏନଡିଏ ସାଂସଦ (NDA MP)ଙ୍କ ଅନ୍ୟ ଏକ କ୍ଲଷ୍ଟରର ଏକ ବୈଠକକୁ ସମ୍ବୋଧିତ କରିବାବେଳେ ପ୍ରଧାନମନ୍ତ୍ରୀ କହିଥିଲେ ଯେ, ବିଧାୟକଙ୍କ ସଂଖ୍ୟା କମ୍ ଥାଇ ମଧ୍ୟ ବଳିଦାନ ଦେଇ ବିଜେପି ନୀତୀଶ କୁମାରଙ୍କୁ ମୁଖ୍ୟମନ୍ତ୍ରୀ (Chief Minister) କରିଛି। ଏନଡିଏ ଗଠନ ପୂର୍ବରୁ ଦେଶର ରାଜନୈତିକ ପରିବେଶ ସମ୍ପର୍କରେ ପ୍ରଧାନମନ୍ତ୍ରୀ କହିଛନ୍ତି ଯେ, ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ (atal bihari vajpayee)ଙ୍କ ନେତୃତ୍ୱରେ ୨୫ ବର୍ଷ ପୂର୍ବେ ଏନଡିଏ ମିଳିତ ମଞ୍ଚ ଗଠନ କରାଯାଇଥିଲା। ସେତେବେଳେ ଦେଶରେ ରାଜନୈତିକ ଅସ୍ଥିରତାର ବାତାବରଣ ସୃଷ୍ଟି ହୋଇଥିଲା, ଯାହା ଅଟଳ ବିହାରୀ ବାଜପେୟୀଙ୍କ ନେତୃତ୍ୱରେ ଏନଡିଏ ଦ୍ୱାରା ଶେଷ ହୋଇ ଦେଶର ରାଜନୀତିରେ ସ୍ଥିରତା ଆସିଥିଲା। ସେ କହିଛନ୍ତି ଯେ ଏନଡିଏ ଅର୍ଥ- stability ଅର୍ଥାତ୍ ସ୍ଥାୟିତ୍ଵ ଏବଂ ସ୍ଥିରତା ।

Also Read- Ollywood News: ପ୍ରଥମ ଦିନରେ ହାଉସଫୁଲ ନୂଆ ସିନେମା 'ମହର୍ଷି'

Also Read- Seema Haider: ଏହି ଦଳରୁ ନିର୍ବାଚନ ଲଢିପାରିବେ ସୀମା ହାଇଦର, ମହିଳା ୱିଙ୍ଗ ଅଧ୍ୟକ୍ଷ ପାଇଁ ଅଫର

୨୦୨୪ ରେ ହେବାକୁ ଥିବା ଲୋକସଭା ନିର୍ବାଚନ (Lok Sabha Elections) ପାଇଁ ପ୍ରସ୍ତୁତି ଆରମ୍ଭ କରିବାକୁ ସମସ୍ତ ସାଂସଦଙ୍କୁ ଆହ୍ୱାନ ଦେଇ ସେ କହିଛନ୍ତି ଯେ ଅଧିକ ସମୟ ବାକି ନାହିଁ, ନିଜ ନିଜ ସଂସଦ ନିର୍ବାଚନମଣ୍ଡଳୀ (Constituency)କୁ ଯାଇ କାର୍ଯ୍ୟରେ ଜଡିତ ହୁଅନ୍ତୁ, ଏନଡିଏ ସହ ୟୁନିଟ୍ ଭାବରେ କାର୍ଯ୍ୟ କରନ୍ତୁ। ଏହା ଉପରେ, ସୋସିଆଲ ମିଡିଆ (Social media)ରେ ସକ୍ରିୟତାକୁ ଯଥା ସମ୍ଭବ ବୃଦ୍ଧି କରନ୍ତୁ ଏବଂ ଏହା ସହିତ ଲୋକଙ୍କ ସହ ସିଧାସଳଖ ଯୋଗାଯୋଗ କର ।  ସରକାରଙ୍କ ସଫଳତା (Success of Govt) ବିଷୟରେ ସେମାନଙ୍କୁ ଅବଗତ କର । ନୂତନ ଚିନ୍ତାଧାରା ଏବଂ କାର୍ଯ୍ୟକ୍ରମ ମାଧ୍ୟମରେ ଲୋକଙ୍କ ସହ ଏକ ଦୃଢ଼ ତଥା ନିବିଡ଼ ସମ୍ପର୍କ ସ୍ଥାପନ କରିବାକୁ ବିହାରର ସାଂସଦମାନଙ୍କୁ ମଧ୍ୟ ପ୍ରଧାନମନ୍ତ୍ରୀ ନିର୍ଦ୍ଦେଶ ଦେଇଛନ୍ତି।

Also Read- Business Tips: ଘରେ ବସିଥିବା ମହିଳାଙ୍କ ପାଇଁ ରୋଜଗାର ସୁଯୋଗ, କରନ୍ତୁ ଏହି କାମ

Also Read- Gratuity Benefits: ପୂର୍ବ କମ୍ପାନୀ ଦେଉନି କି ଗ୍ରାଚ୍ୟୁଇଟି? ଏହି ଉପାୟରେ ପାଇବେ ମୂଳ ଓ ସୁଧ