Vande Bharat Accident: ବନ୍ଦେ ଭାରତ ଟ୍ରେନ୍ ଦୁର୍ଘଟଣାରେ ମାଆ ଏବଂ ଦୁଇ ଝିଅଙ୍କର ମୃତ୍ୟୁ

Vande Bharat Accident: ଉତ୍ତର ପ୍ରଦେଶ ମେରଟରେ ଏକ ଦୁଃଖଦ ଘଟଣା ସାମ୍ନାକୁ ଆସିଛି । ଦୃତ୍ତଗାମୀ ଏକ୍ସପ୍ରେସ୍ ବନ୍ଦେ ଭାରତ ଦୁର୍ଘଟଣାର ସମ୍ମୁଖିନ ହୋଇଛି । ତରବରିଆ ଭାବରେ ରେଳ ଫାଟକ ପାର୍ ହେଉଥିବା ସମୟରେ ଜଣେ ମାଆ ଏବଂ ତାଙ୍କ ଦୁଇ ଝିଅଙ୍କ ସହିତ ଟ୍ରେନ୍ ଧକ୍କା ହୋଇଛି । ଦୁର୍ଘଟଣା ଫଳରେ ଘଟଣାସ୍ଥଳରେ ହିଁ ୩ଜଣଙ୍କର ମୃତ୍ୟୁ ହୋଇଛି । ସ୍ୱାମୀଙ୍କ ଆଖି ସାମ୍ନାରେ ତାଙ୍କ ପତ୍ନୀ ଏବଂ ଦୁଇ ଝିଅ ରେଳ ଲାଇନରେ ଖଣ୍ଡ ଖଣ୍ଡ ହୋଇଯାଇଥିଲେ । ସ୍ୱାମୀ ଅଳ୍ପକେ ଦୁର୍ଘଟଣାରୁ ରକ୍ଷା ପାଇଥିଲେ।

ରବିବାର ସନ୍ଧ୍ୟାରେ ନୂଆଦିଲ୍ଲୀର ଆନନ୍ଦ ବିହାର ଷ୍ଟେଶନରୁ ଦେହରାଡୁନ୍ ଅଭିମୁଖେ ଯାଉଥିବା ବେଳେ କାନକରଖଡା ଅଞ୍ଚଳର କାସାମପୁର ଫାଟକ ନିକଟରେ ବନ୍ଦେ ଭାରତ ଟ୍ରେନ୍ ଏହି ଦୁର୍ଘଟଣାର ସମ୍ମୁଖିନ ହୋଇଥିଲା । ଏହି ସମୟରେ ନରେଶ ନାମକ ଜଣେ ବ୍ୟକ୍ତି ତାଙ୍କ ପତ୍ନୀ ଏବଂ ଦୁଇ ଝିଅଙ୍କ ସହ ରେଲୱେ ଫାଟକ ଅତିକ୍ରମ କରୁଥିଲେ । କିଛି ବୁଝିବା ପୂର୍ବରୁ ଦୃତ୍ତଗାମୀ ଟ୍ରେନ୍ ଧକ୍କାର ଶିକାର ହୋଇଥିଲେ ।

ସୂଚନା ମୁତାବକ, ନରେଶ ନାମକ ବ୍ୟକ୍ତି ଜଣକ କ୍ୟାଣ୍ଟନମେଣ୍ଟର ରାଜବାନର ବାସିନ୍ଦା । ସେ ବ୍ୟବସାୟ କରି ନିଜର ଗୁଜୁରାଣ ମେଣ୍ଟାଉଥିଲେ । ରବିବାର ଦିନ ନରେଶ ତାଙ୍କ ପତ୍ନୀ ମୋନା ଏବଂ ଦୁଇ ଝିଅ ମନୀଷା (୧୪) ଏବଂ ଚାରୁ (୭) ଙ୍କୁ ନେଇ ଭଉଣୀଙ୍କ ଘରକୁ ଯାଉଥିଲେ । ତାଙ୍କ ଭଉଣୀ ମେରୁଟର କାକଣ୍ଡକେଡାଠାରେ ଅଞ୍ଚଳରେ ରୁହନ୍ତି। ନରେଶ ଏକ ରେକ୍ସା ଚଳାଉଥିଲେ ଏବଂ ତାଙ୍କ ପତ୍ନୀ ଏବଂ ଦୁଇ ଝିଅ ରେକ୍ସା ପଛରେ ବସିଥିଲେ।

ନରେଶ କାସାମପୁର ରେଳ ଫାଟକ ନିକଟରେ ପହଞ୍ଚିବା ପରେ ଫାଟକ ବନ୍ଦ ହୋଇଯାଇଥିଲା କାରଣ ସେହି ଟ୍ରାକ୍ ରେ ବନ୍ଦେ ଭାରତ ଟ୍ରେନ୍ ଆସିବାର ଥିଲା । କିନ୍ତୁ ଟ୍ରେନ୍ ଆସିବା ପୂର୍ବରୁ ସେ ରେଳ ଧାରଣା ପାର୍ ହୋଇଯିବେ ବୋଲି ଭାବିଥିଲେ । କିନ୍ତୁ ନିୟମ ଭାଙ୍ଗିବା ତାଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇପଡିଲା । ବନ୍ଦେ ଭାରତ ଟ୍ରେନ୍ ପହଞ୍ଚି ରେକ୍ସାର ପଛ ଭାଗରେ ଧକ୍କା ହୋଇଥିଲା । ପଛରେ ବସିଥିବା ପତ୍ନୀ ଏବଂ ଦୁଇ ଝିଅ ଟ୍ରେନ୍ ଧକ୍କାର ଶିକାର ହୋଇ କ୍ଷଣକରେ ଜୀବନ ହାରିଥିଲେ ।

ଘଟଣା ସମ୍ପର୍କରେ ଖବର ପାଇବା ମାତ୍ରେ GRP ଟିମ୍ ଘଟଣାସ୍ଥଳରେ ପହଞ୍ଚିଥିଲେ । ମୃତଦେହକୁ ଟ୍ରାକରୁ ବାହାର କରିବା ସହିତ ଶବ ବ୍ୟବଚ୍ଛେଦ ପାଇଁ ପଠାଇଥିଲେ ।

Also Read- IAS Chai Wala: ପରିବା ଓ ଫଳରେ ଚା’ ବନେଇଲେ ଯୁବକ, ଲୋକେ କହିଲେ...