T20 World Cup IndvsPak: ପାକିସ୍ତାନୀ କ୍ରିକେଟ ପ୍ରଶଂସକଙ୍କୁ ଟ୍ରୋଲ କଲେ ସେହଓ୍ୱାଗ, କହିଲେ ଏଭଳି କିଛି

T20 World Cup: ନୂଆଦିଲ୍ଲୀ: ଭାରତ ଟି-୨୦ ବିଶ୍ୱକପର ପ୍ରଥମ ମ୍ୟାଚରେ ବାବର ଆଜାମଙ୍କ ନେତୃତ୍ୱାଧୀନ ପାକିସ୍ତାନକୁ ୪ ୱିକେଟରେ ପରାସ୍ତ ଅଭିଯାନ ଆରମ୍ଭ କରିଛି। ଭାରତୀୟ ଦଳକୁ ପ୍ରତିନିଧିତ୍ୱ କରିଥିବା ପ୍ରଶଂସକ ତଥା ଭେଟେରାନ କ୍ରିକେଟରମାନେ ସୋସିଆଲ ମିଡିଆରେ ଏହି ଅବିଶ୍ୱାସନୀୟ ବିଜୟରେ ଖୁସି ବ୍ୟକ୍ତ କରିଛନ୍ତି। ଭାରତର ବିଜୟରେ ଖୁସି ଥିବା ଭାରତର ପୂର୍ବତନ ଓପନର୍ ବିରେନ୍ଦର ସେହୱାଗ ସୋସିଆଲ ମିଡିଆରେ ଏକ ସମ୍ପାଦିତ ପୁରୁଣା ଭିଡିଓ ସେୟାର କରିଛନ୍ତି ଯେଉଁଥିରେ ମ୍ୟାଚ୍ ସମୟରେ ଜଣେ ବ୍ୟକ୍ତି ଟିଭି ଭାଙ୍ଗୁଥିବା ନଜର ଆସିଛନ୍ତି। ଏହି ଭିଡିଓ ମାଧ୍ୟମରେ ସେହୱାଗ ପାକିସ୍ତାନୀ ପ୍ରଶଂସକଙ୍କୁ ଟ୍ରୋଲ କରିବାକୁ ଚେଷ୍ଟା କରୁଥିବା ଦେଖିବାକୁ ମିଳିଥିଲା।

ପାକିସ୍ତାନର ପରାଜୟ ପରେ ଭାରତର ପୂର୍ବତନ ବିସ୍ଫୋରକ ବ୍ୟାଟ୍ସମ୍ୟାନ୍ ବିରେନ୍ଦର ସେହୱାଗ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି ଯେଉଁଥିରେ ଜଣେ ପ୍ରଶଂସକ ଟିଭି ଭାଙ୍ଗୁଥିବାର ନଜର ଆସିଛନ୍ତି। ଯଦିଓ ଏହି ଭିଡିଓ ଭାରତ-ପାକିସ୍ତାନ ମ୍ୟାଚ୍ ସମୟରେ ନୁହେଁ। ଏହି ଭିଡିଓକୁ ପ୍ରାୟ ୬ ବର୍ଷ ପୁରୁଣା ବୋଲି ଦାବି କରାଯାଉଛି। ରିପୋର୍ଟ ଅନୁଯାୟୀ, ଏହାର ପ୍ରକୃତ ଫୁଟେଜ୍ ବିଷୟରେ ଆଲୋଚନା କରୁଥିବା ବ୍ୟକ୍ତି ଏଥିରେ ଏକ ଫୁଟବଲ୍ ମ୍ୟାଚ୍ ଦେଖୁଥିଲେ ଏବଂ ଏହି ଖେଳ ସମୟରେ ତାଙ୍କ ଗର୍ଲଫ୍ରେଣ୍ଡ ମୋବାଇଲ୍ ଜରିଆରେ ଟିଭି ବନ୍ଦ କରିଦେଇଥିଲେ। ଯାହା ପରେ କ୍ରୋଧରେ ସେ ତାଙ୍କ ଲାପଟପ୍ ଏବଂ ଗୋଡରେ ଟିଭି ଭାଙ୍ଗି ଦେଇଥିଲେ। ଭେଟେରାନ ବ୍ୟାଟସମ୍ୟାନ ସୋସିଆଲ ମିଡିଆରୁ ଏହି ଭିଡିଓ ଉଠାଇ ନିଜ ଆକାଉଣ୍ଟରେ ସେୟାର କରିଥିଲେ ଯାହା ପରେ ଏହି ଏଡିଟେଡ଼ ହୋଇଥିବା ଭିଡିଓଟି ଭାଇରାଲ ହୋଇଥିଲା।

ଟିଭିରେ ଫୁଟବଲ ପରିବର୍ତ୍ତେ ଭାରତ-ପାକିସ୍ତାନ ମ୍ୟାଚ ଦେଖାଇବା ପାଇଁ ଭାରତୀୟ ଭେଟେରାନ ବିରେନ୍ଦର ସେହୱାଗଙ୍କ ଦ୍ୱାରା ସେୟାର କରାଯାଇଥିବା ଭିଡିଓକୁ ଏଡିଟ୍ କରାଯାଇଛି। ଏହି ସମ୍ପାଦିତ ଭିଡିଓକୁ ତାଙ୍କ ସୋସିଆଲ ମିଡିଆ ଆକାଉଣ୍ଟରୁ ସେୟାର କରି ସେହୱାଗ କ୍ୟାପସନରେ ଲେଖିଛନ୍ତି, ଶାନ୍ତ ହୁଅ ପଡ଼ୋଶୀ! ଏହା କେବଳ ଏକ ଖେଳ। ଆମର ଏଠାରେ ଦୀପାବଳି ପାଳନ କରାଯାଉଛି। ସେଥିପାଇଁ ଏଠାରେ ବାଣ ଫୁଟାଉଛୁ। ଆପଣ ଅନାବଶ୍ୟକ ଭାବରେ ଟିଭି ଭାଙ୍ଗୁଛନ୍ତି। ଏହା ଭଲ ନୁହେଁ ବନ୍ଧୁ ବୋଲି ସେହଓ୍ୱାଗ ତାଙ୍କ ସୋସିଆଲ ମିଡ଼ିଆ ଆକାଉଣ୍ଟରେ ଉଲ୍ଲେଖ କରିଛନ୍ତି। 

ସୂଚନଯୋଗ୍ୟ ମେଲବର୍ଣ୍ଣରେ ଖେଳାଯାଇଥିବା ରୋମାଞ୍ଚ ଭରା ମ୍ୟାଚରେ ଟିମ୍ ଇଣ୍ଡିଆ ପାକିସ୍ତାନକୁ ୪ ୱିକେଟରେ ପରାସ୍ତ କରିଥିଲା। ବିରାଟ କୋହଲି ଭାରତର ଏହି ବିଜୟର ହିରୋ ଥିଲେ । କିଙ୍ଗ କୋହଲି ମାତ୍ର ୫୩ ବଲରେ ଅପରାଜିତ ୮୨ ସ୍କୋର କରି ଟିମ୍ ଇଣ୍ଡିଆକୁ ହରାହୁଆ ମ୍ୟାଚ ଜିତାଇଛନ୍ତି । କହିରଖୁଛୁ ଯେ ପ୍ରଥମେ ବ୍ୟାଟିଂ କରି ପାକିସ୍ତାନ ୨୦ ଓଭରରେ ୮ ୱିକେଟ୍ ହରାଇ ୧୫୯ ରନ୍ ସଂଗ୍ରହ କରିଥିଲା । ଏହାର ଜବାବରେ ଭାରତ ଶେଷ ବଲରେ ଟାର୍ଗେଟକୁ ପିଛାକରି ହାସଲ କରି ନେଇଥିଲା ।

ଟାର୍ଗେଟକୁ ପିଛାକରି ଭାରତୀୟ ଦଳର ଆରମ୍ଭ ଏତେ ଭଲ ହୋଇ ନଥିଲା । ଦ୍ୱିତୀୟ ଓଭରରେ କେଏଲ ରାହୁଲ ୮ ଟି ବଲରୁ ୪ ରନ୍ ସଂଗ୍ରହ କରି ନସିମ ଶାହାଙ୍କ ଦ୍ୱାରା ଆଉଟ ହୋଇ ଯାଇଥିଲେ । ଏହା ପରେ ହରିସ୍ ରାଉଫ ରୋହିତଙ୍କ ରୂପରେ ଭାରତକୁ ଦ୍ୱିତୀୟ ବଡ଼ ଝଟକା ଦେଇଥିଲେ । ୭ ଟି ବଲରୁ ୪ ରନ୍ ସ୍କୋର କରିବା ପରେ ରୋହିତ ସ୍ଲିପ୍ସରେ କ୍ୟାଚ ଆଉଟ ହୋଇଥିଲେ । ଏଥିସହିତ ସୂର୍ଯ୍ୟକୁମାର ଯାଦବ ୧୦ ଟି ବଲରେ ୧୫ ରନ୍ ସ୍କୋରକରି ୱିକେଟ୍ କିପର ରିଜୱାନ ହାତରେ କ୍ୟାଚ୍ ଆଉଟ ହୋଇଥିଲେ । ଏହା ପରେ ଅକ୍ଷର ପଟେଲ ୩ ଟି ବଲରୁ ୨ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ । ତେବେ ତାଙ୍କ ୱିକେଟ୍ ନେଇ ବିବାଦ ଲାଗି ରହିଛି ।

୧୫ତମ ଓଭରରେ ଭାରତର ନିଜର ୧୦୦ ରନ୍ ଛୁଇଁଥିଲା । ଏହାପରେ ଦଳ ଜିତିବାକୁ ୩୦ ବଲରେ ୬୦ ରନ୍ ସ୍କୋର ଦରକାର ଥିଲା । ରାଉଫ ୧୬ ତମ ଓଭରରେ ବୋଲିଂ କରିଥିଲେ । ସେ ନିଜ ଓଭରରେ ମାତ୍ର ୬ ରନ୍ ଖର୍ଚ୍ଚ କରିଥିଲେ । ୧୭ ତମ ଓଭରରେ ନାସିମ ମଧ୍ୟ ୬ ରନ୍ ଦେଇଥିଲେ । ଏହାପରେ ୧୮ ବଲରୁ ୪୮ ରନ୍ ଆବଶ୍ୟକ ଥିଲା । ଶାହିନ୍ ଆଫ୍ରିଦି ୧୮ ତମ ଓଭରରେ ବୋଲିଂ କରିଥିଲେ । କୋହଲି ଏହି ଓଭରରେ ତାଙ୍କୁ ୩ଟି ଚୌକା ମାରିଥିଲେ । ସେ ନିଜ ଓଭରରେ ୧୭ ରନ୍ ଦେଇଥିଲେ । ଏହାପରେ ଭାରତକୁ ୧୨ ବଲରୁ ୩୧ ରନ୍ ଆବଶ୍ୟକ ଥିଲା ।