Share Market: ରକେଟ୍ ପରି ଆଗକୁ ବଢିଲା ଏହି କମ୍ପାନୀର ଷ୍ଟକ୍, ୬ ମାସରେ ବଡ଼ ଲାଭ

Share Market: ଷ୍ଟକ୍ ମାର୍କେଟରେ ଆପଣ ନିବେଶ କରୁଛନ୍ତି କି? ତେବେ ଆପଣଙ୍କ ପାଇଁ ରହିଛି ଏକ ଖୁସି ଖବର । ସୌର ଶକ୍ତି ଉତ୍ପାଦନକାରୀ କମ୍ପାନୀ (Solar Energy Company) ମାତ୍ର ୬ ମାସ ମଧ୍ୟରେ ବମ୍ପର ରିଟର୍ନ ଦେଇ ନିବେଶକମାନଙ୍କୁ ଧନୀ କରିଛି । ଗତ ୬ମାସ ମଧ୍ୟରେ ସୌର ଶକ୍ତି ଉତ୍ପାଦନକାରୀ କମ୍ପାନୀ ସୁଜଲନ୍ ଏନର୍ଜି ଲିମିଟେଡର ସେୟାରରେ ଚମତ୍କାର ବୃଦ୍ଧି (Amazing growth) ଘଟିଥିବା ଦେଖିବାକୁ ମିଳିଛି । ଚଳିତ ବର୍ଷ ମାର୍ଚ୍ଚ ଶେଷରେ ସୁଜଲନ୍ ସେୟାର ଗୁଡିକ ଦାମ ୭.୦୫ ଟଙ୍କା କମ୍ ଥିଲା। ସେବେଠାରୁ ସୁଜଲନର ସେୟାର ମୂଲ୍ୟ ଆକାଶଛୁଆଁ ହୋଇଆସୁଛି । ୭ ଟଙ୍କା ମୂଲ୍ୟର ପେନି ଷ୍ଟକ୍ ୬ ମାସ ମଧ୍ୟରେ ଏକ ବଡ଼ ପରିବର୍ତ୍ତନ ଘଟିଥିବା ଦେଖିବାକୁ ମିଳିଛି । ବଜାର ବିଶେଷଜ୍ଞଙ୍କ ଅନୁଯାୟୀ, କମ୍ପାନୀ ଋଣ ହ୍ରାସ କରିବାକୁ ଯୋଜନା ଘୋଷଣା କରିବା ଦିନଠାରୁ ସୁଜଲନର ସେୟାରରେ ପରିବର୍ତ୍ତନ ଦେଖାଦେଇଛି ।

ସୌର ଶକ୍ତି ଉତ୍ପାଦନକାରୀ କମ୍ପାନୀ ସୁଜଲନ୍ ନିକଟରେ ନୂଆ ଅର୍ଡର (New order) ଗ୍ରହଣ କରିଥିବା ସୂଚନା ରହିଛି । ଯାହା କମ୍ପାନୀର ଅର୍ଡର ବୁକ୍ ଏବଂ ମୌଳିକତାକୁ ମଜବୁତ କରିଛି । ଗତ ୬ମାସ ମଧ୍ୟରେ କମ୍ପାନୀର ସେୟାର ୩ଶହ ପ୍ରତିଶତ ବୃଦ୍ଧି ପାଇଛି । ଯେଉଁଥିପାଇଁ ଏହି ପେନ୍ ଷ୍ଟକ୍ ମଲ୍ଟିବ୍ୟାଗରର ମାନ୍ୟତା ପାଇଛି । ଏଥିସହ ଉକ୍ତ ସେୟାରରେ ବିନିଯୋଗ କରିଥିବା ନିବେଶକଙ୍କୁ ବଡ଼ ଲାଭ ମିଳିଛି ।

ଷ୍ଟକ୍ ବୃଦ୍ଧିର କାରଣ

ବୋନଜା ପୋର୍ଟଫୋଲିଓର ରାଜେଶ ସିହ୍ନାଙ୍କ ସୂଚନା ଅନୁଯାୟୀ କମ୍ପାନୀ ଗତ ୬ ମାସ ମଧ୍ୟରେ ପୋଜିସନାଲ ନିବେଶକଙ୍କୁ ୨୩୮ ପ୍ରତିଶତ ରିଟର୍ଣ୍ଣ (238 percent return) ଦେଇଛି । ଋଣ ହ୍ରାସ କରିବାକୁ କମ୍ପାନୀ ପକ୍ଷରୁ ସୂଚନା ଜାରୀ କରାଯିବା ପରେ ଏପରି ଅବିବୃଦ୍ଧି ଘଟିଥିବା କୁହାଯାଉଛି । ଅନେକ ବ୍ରୋକରେଜ୍ ସଂସ୍ଥା ଗୁଡ଼ିକରୁ ଅର୍ଡର ପାଇବା ପରେ ସେମାନେ ଏହି ଷ୍ଟକ୍ କିଣିବାକୁ ପରାମର୍ଶ ଦେଉଛନ୍ତି । ବର୍ତ୍ତମାନ ଅନେକ ନିବେଶକ ଏହି ସେୟାର ଉପରେ ଭରଷା କରି କିଣୁଥିବା ଦେଖିବାକୁ ମିଳିଛି ।

ଆହୁରୀ ବୃଦ୍ଧି ହୋଇପାରେ

ସୁଜଲନ୍ ଏନର୍ଜି କମ୍ପାନୀର ସେୟାରରେ ଆଗକୁ ମଧ୍ୟ ପରିବର୍ତ୍ତନ ହୋଇପାରେ । ସେୟାର ଖୁବ ଶୀଘ୍ର ୪୦ ଟଙ୍କା ଅତିକ୍ରମ କରିପାରେ । ୨୫ ଟଙ୍କା ମୂଲ୍ୟର ଷ୍ଟପ୍ କ୍ଷତି ସହିତ ଆପଣ ଏହି ଅଂଶଧନକୁ ୪୦ ଟଙ୍କା ଧାର୍ଯ୍ୟ କରିପାରିବେ। ଗତ ବାଣିଜ୍ୟ ସପ୍ତାହର ଶେଷ ଦିନରେ, ସୁଜଲନ୍ ଏନର୍ଜି ସେୟାର ୧.୮୫ ପ୍ରତିଶତ କିମ୍ବା ୦.୫୫ ଟଙ୍କା ହ୍ରାସ ପାଇ ୨୯.୧୪ ଟଙ୍କାରେ ବନ୍ଦ ହୋଇଯାଇଥିଲା। ଏହି ଅଂଶର ୫୨ ସପ୍ତାହରେ ସର୍ବାଧିକ ୨୯.୮୨ ଟଙ୍କା ଏବଂ କମରେ ୬.୬୦ ଟଙ୍କା ରହିଥିଲା । ସୁଜଲନ୍ ଏନର୍ଜିର ବଜାର କ୍ୟାପ୍ ହେଉଛି ୩୯,୫୫୩.୫୫ କୋଟି ଟଙ୍କା ।

Also Read- ପରିବାରକୁ ହରାଇବାର ୬ ଦିନ ପରେ ଘରେ ପହଞ୍ଚିଲେ ସତ୍ୟ ପ୍ରକାଶ ଦୁବେଙ୍କ ପୁଅ, କହିଲେ ଏବେ କାହିଁକି ବଞ୍ଚିବି?

Also Read- ଇନଷ୍ଟାଗ୍ରାମ ଏବଂ ଫେସବୁକ୍ ପାଇଁ ପ୍ରତି ମାସରେ ଦେବାକୁ ପଡିବ ୧୬୬୫? ମେଟାର ନୂଆ ପ୍ଲାନ କଣ ଜାଣନ୍ତୁ...