Sadguru Health: ଅସୁସ୍ଥ ସତ୍ୱେ କାର୍ଯ୍ୟକ୍ରମରେ ଯୋଗ ଦେଇଥିଲେ ସଦଗୁର, ଜାଣନ୍ତୁ କେମିତି ଅଛି ସ୍ୱାସ୍ଥ୍ୟ

Sadguru Health Update: ପ୍ରସିଦ୍ଧ ଆଧ୍ୟାତ୍ମିକ ଗୁରୁ ସଦଗୁରୁ ଜାଗି ବାସୁଦେବଙ୍କ ସ୍ୱାସ୍ଥ୍ୟ ଖରାପ ହେବା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇ ଅସ୍ତ୍ରୋପଚାର କରାଯାଇଥିଲା । ମଥାରୁ ରକ୍ତସ୍ରାବ ହେବା ପରେ ସଦଗୁରୁ ନୂଆଦିଲ୍ଲୀର ଇନ୍ଦ୍ରପ୍ରଥା ଆପୋଲୋ ହସ୍ପିଟାଲରେ ଜରୁରୀକାଳୀନ ଅସ୍ତ୍ରୋପଚାର କରିଥିଲେ । ବର୍ତ୍ତମାନ ସଦଗୁରୁ ସୁସ୍ଥ ଅଛନ୍ତି ବୋଲି ବୁଧବାର ଦିନ ଜଣେ ବରିଷ୍ଠ ଡାକ୍ତର କହିଛନ୍ତି । ଡାକ୍ତରଖାନା ପକ୍ଷରୁ ଏହା ମଧ୍ୟ କୁହାଯାଇଛି ଯେ, ସଦଗୁରୁ ଗତ ଚାରି ସପ୍ତାହ ଧରି ମୁଣ୍ଡବ୍ୟଥାରେ ପୀଡିତ ଥିଲେ । ଯନ୍ତ୍ରଣା ଅଧିକ ହେଉଥିବା ସତ୍ତ୍ୱେ ମଧ୍ୟ ସେ ନିଜର ସାଧାରଣ ଦୈନିକ କାର୍ଯ୍ୟସୂଚୀ ଏବଂ ସାମାଜିକ କାର୍ଯ୍ୟକଳାପ ଜାରି ରଖିଥିଲେ । ମାର୍ଚ୍ଚ ୮ ତାରିଖ ଦିନ ମହାଶିବରାତ୍ରୀ ଉତ୍ସବ ମଧ୍ୟ ପାଳନ କରିଥିଲେ ।

ପ୍ରଧାନମନ୍ତ୍ରୀ ମୋଦୀଙ୍କ ବାର୍ତ୍ତା
ସଦଗୁରୁଙ୍କ ସ୍ୱାସ୍ଥ୍ୟବସ୍ଥା ଖରାପ ହେବା ଜାଣି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋସିଆଲ୍ ମିଡିଆ ପ୍ଲାଟଫର୍ମରେ ଏକ ବାର୍ତ୍ତା ସେୟାର କରିଛନ୍ତି ଯେଉଁଥିରେ ସଦଗୁରୁଙ୍କର ଆଶୁ ଆରୋଗ୍ୟ କାମନା କରିଛନ୍ତି । ମୋଦୀଙ୍କ ବାର୍ତ୍ତାର ଉତ୍ତରରେ ସଦଗୁରୁ କହିଛନ୍ତି ଯେ, ପ୍ରଧାନମନ୍ତ୍ରୀଙ୍କ ଚିନ୍ତା ତାଙ୍କୁ ଅତ୍ୟଧିକ ମାତ୍ରାରେ ପ୍ରଭାବିତ କରିଛି । ସଦଗୁରୁ ଲେଖିଛନ୍ତି ଯେ, "ପ୍ରିୟ ପ୍ରଧାନମନ୍ତ୍ରୀ, ଆପଣ ଦେଶ ଚଳାଉଛନ୍ତି ଆପଣ ମୋ ବିଷୟରେ ଚିନ୍ତା କରନ୍ତୁନି । ମୁଁ ବର୍ତ୍ତମାନ ସୁସ୍ଥତା ଆଡକୁ ଗତି କରୁଛି । ଆପଣଙ୍କୁ ଧନ୍ୟବାଦ ।

ସୂଚନାଯୋଗ୍ୟ, ମାର୍ଚ୍ଚ ୧୫ ତାରିଖରେ, ସଦଗୁରୁଙ୍କ ଭୀଷଣ ମୁଣ୍ଡବିନ୍ଧା ହେବା କାରଣରୁ ରାତି ପ୍ରାୟ ୩.୪୫ରେ ଦିଲ୍ଲୀର ଇନ୍ଦ୍ରପ୍ରସ୍ଥ ଆପୋଲୋ ହସ୍ପିଟାଲର ବରିଷ୍ଠ ପରାମର୍ଶଦାତା ତଥା ସ୍ନାୟୁବିଜ୍ଞାନୀ ଡ ଭିନିତ ସୌରୀଙ୍କ ସହିତ ପରାମର୍ଶ କରାଯାଇଥିଲା । ଡାକ୍ତର ତୁରନ୍ତ ଏମଆରଆଇ କରାଇବାକୁ ପରାମର୍ଶ ଦେଇଥିଲେ । ସଦଗୁରୁ ସେହି ଦିନ ଅପରାହ୍ନ ୪.୩୦ରେ ମସ୍ତିଷ୍କର ଏମଆରଆଇ କରାଯାଇଥିଲା । ଯାହାଦ୍ୱାରା ଜଣାପଡିଥିଲା ଯେ, ମସ୍ତିଷ୍କରେ ବ୍ୟାପକ ରକ୍ତସ୍ରାବ ହୋଇଥିଲା।

ଏହି ରିପୋର୍ଟରେ କୁହାଯାଇଛି ଯେ, ସେଠାରେ ୩ରୁ ୪ ସପ୍ତାହ କ୍ରନିକ୍ ରକ୍ତସ୍ରାବ ହେବା ସହିତ ୨୪ରୁ ୪୮ ଘଣ୍ଟା ସମୟରେ ପୁଣି ରକ୍ତସ୍ରାବ ହୋଇଥିଲା । ସଦଗୁରୁଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରିବାକୁ ପରାମର୍ଶ ଦିଆଯାଇଥିଲା । କିନ୍ତୁ ମାର୍ଚ୍ଚ ୧୫ ତାରିଖ ସନ୍ଧ୍ୟା ୬ ଟାରେ ତାଙ୍କର ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା । ଡାକ୍ତର ସୌରୀଙ୍କ କହିବା ଅନୁଯାୟୀ, ସଦଗୁରୁ କହିଛନ୍ତି ଯେ, ମୋର ଗତ ୪୦ ବର୍ଷ ମଧ୍ୟରେ ମୁଁ କୌଣସି ବୈଠକରୁ ନିଜକୁ ବଞ୍ଚିତ କରିନାହିଁ । ଗୁରୁତର ତଥା ଯନ୍ତ୍ରଣାଦାୟକ ଲକ୍ଷଣ ସତ୍ତ୍ୱେ ମଧ୍ୟ ସମସ୍ତ ସଭାରେ ଯୋଗ ଦେଇଥିଲେ ସଦଗୁରୁ ।

Also Read- Top 10 News Today: ସଂକ୍ଷେପରେ ପଢନ୍ତୁ ସକାଳର ୧୦ଟି ପ୍ରମୁଖ ଖବର

Also Read- Ayodhya Ram Mandir: ପ୍ରଭୁ ଶ୍ରୀରାମଙ୍କ ଦର୍ଶନ କଲେ ବଲିଉଡ ଅଭିନେତ୍ରୀ ପ୍ରିୟଙ୍କା ଚୋପ୍ରା