ୟୁକ୍ରେନକୁ ବିଶ୍ୱ ମାନଚିତ୍ରରୁ ପୋଛି ଦେବାକୁ ଧମକ ଦେଇଥିବା କମାଣ୍ଡରଙ୍କ ହେଲା କିଡନୀ ଖରାପ

Russia Ukraine War: ଋଷର ରାଷ୍ଟ୍ରପତି (Russian President) ଭ୍ଲାଦିମିର ପୁଟିନ (Vladmiri Putin) ଙ୍କ ପ୍ରତି ଅତ୍ୟନ୍ତ ବିଶ୍ୱସ୍ତ ବୋଲି କୁହାଯାଉଥିବା ଚେଚେନ୍ୟା ନେତା (Chechnya Leader) ରମଜାନ କାଦିରୋଭ (Ramzan Kadyrov) ବହୁତ ଅସୁସ୍ଥ ଅଛନ୍ତି । ସେ କିଡନୀ ଜନିତ ସମସ୍ୟାରେ ପୀଡିତ ଥିବା କୁହାଯାଉଛି । ତାଙ୍କର ନିକଟ ସମ୍ପର୍କୀୟମାନେ ସନ୍ଦେହ କରୁଛନ୍ତି ଯେ ତାଙ୍କୁ ବିଷ ଦିଆଯାଇଛି । ଯେଉଁଥିପାଇଁ ତାଙ୍କ ଅବସ୍ଥା ଅତ୍ୟନ୍ତ ଗୁରୁତର ହୋଇପଡିଛି । ଆପଣଙ୍କୁ କହି ରଖୁଛୁ ଯେ, ନିକଟ ଅତୀତରେ ରମଜାନ କାଦିରୋଭ (Ramzan Kadyrov) ୟୁକ୍ରେନ ବିରୁଦ୍ଧରେ ଯୁଦ୍ଧ (Russia Ukraine War) ରେ ଋଷ ତରଫରୁ ନିଜର ତିନି ନାବାଳକ ପୁଅଙ୍କୁ ପଠାଇବେ ବୋଲି ଘୋଷଣା କରି ଚର୍ଚ୍ଚାରେ ଆସିଥିଲେ । 

ଋଷର ରାଷ୍ଟ୍ରପତି (Russian President) ପୁଟିନ (Putin) ଙ୍କ ନିକଟତର ମନେ କରାଯାଉଥିବା ରମଜାନ କାଦିରୋଭ  (Ramzan Kadyrov) ଙ୍କ ବିଷୟରେ ଆଉ ଏକ ଆଲୋଚନା ହେଉଛି । ପ୍ରକୃତରେ, ସେ ମସ୍କୋରେ ଡାକ୍ତରଙ୍କ ଉପରେ ବିଶ୍ୱାସ କରୁ ନ ଥିବାରୁ ସେ ଆରବ ଏମିରେଟ୍ସର ଜଣେ ଡାକ୍ତରଙ୍କୁ ତାଙ୍କ ଚିକିତ୍ସା ପାଇଁ ଡାକିଛନ୍ତି ବୋଲି ଅଭିଯୋଗ ହୋଇଛି । ତେବେ ଏହି ଗୁଜବରେ କେତେ ସତ ଅଛି, ଏପର୍ଯ୍ୟନ୍ତ ଏହି କଥାର ଖୁଲାସା ହୋଇପାରି ନାହିଁ । ଗଣମାଧ୍ୟମର ରିପୋର୍ଟ ଅନୁଯାୟୀ, ଗତ କିଛି ଦିନ ହେବ ରାମଜାନ କାଦିରୋଭ ଅସୁସ୍ଥତା ହେତୁ ସର୍ବସାଧାରଣ କାର୍ଯ୍ୟକ୍ରମରେ ଅଂଶଗ୍ରହଣ କରୁନଥିଲେ । ପୁଟିନଙ୍କ ସହ ପ୍ରାୟତଃ ଦେଖାଯାଉଥିବା ଚେଚନ୍ୟା ନେତା ଗତ ମାସରେ ପୁଟିନଙ୍କ ଷ୍ଟେଟ ଅଫ୍ ଦି ନ୍ୟାସନ ଭାଷଣ ସମୟରେ ଉପସ୍ଥିତ ନଥିଲେ । ଏହାପୂର୍ବରୁ ମଧ୍ୟ ସେ ଏକ ସଭାରେ ଅସୁସ୍ଥ ଥିବା ଦେଖାଯାଇଥିଲା ।

ଯେଉଁମାନେ ତାଙ୍କୁ ଦେଖିଥିଲେ ସେମାନେ ସ୍ଥାନୀୟ ଗଣମାଧ୍ୟମ ସହିତ କଥାବାର୍ତ୍ତା ସମୟରେ କହିଥିଲେ ଯେ ତାଙ୍କ  (Ramzan Kadyrov) ଶରୀର ଫୁଲିଯାଇଛି । ସେ ସଂପୂର୍ଣ୍ଣ ଫିଟ୍ ଦେଖାଯାଉ ନଥିଲେ । ତାଙ୍କୁ ଦେଖି ଲାଗୁଥିଲା ଯେ ସେ ଭିତରୁ ବହୁତ ଅସୁସ୍ଥ ଥିଲେ । ଗଣମାଧ୍ୟମ ରିପୋର୍ଟ ଅନୁଯାୟୀ, ୟୁଏଇର ଅଗ୍ରଣୀ ନେଫ୍ରୋଲୋଜିଷ୍ଟ ଡକ୍ଟର ୟାସିନ ଇବ୍ରାହିମ ଚିକିତ୍ସା ଆରମ୍ଭ କରିଛନ୍ତି । ଏହା କୁହାଯାଉଛି ଯେ ନେଫ୍ରୋଲୋଜି, ଡାୟଲିସିସ୍, କିଡନୀ ପ୍ରତିରୋପଣ କ୍ଷେତ୍ରରେ ଡକ୍ଟର ୟାସିନଙ୍କର ୩୦ ବର୍ଷରୁ ଅଧିକ ଅଭିଜ୍ଞତା ରହିଛି ।

ଅଧିକ ପଢ଼ନ୍ତୁ:-ଅହମ୍ମଦାବାଦ ପିଚ୍‌ର ଫଟୋ ସୃଷ୍ଟି କଲା ହଇଚଇ, କ'ଣ ଟିମ୍ ଇଣ୍ଡିଆକୁ ଦେଲା କୌଣସି ନିର୍ଦ୍ଦେଶ?

ଅଧିକ ପଢ଼ନ୍ତୁ:-ରୋହିତ ଶର୍ମାଙ୍କ ଦଳକୁ ଲାଗିଲା ଜୋରଦାର ଧକ୍କା, ଆହତ କାରଣରୁ ଜସପ୍ରୀତ ବୁମ୍ରାଙ୍କ ପରେ ଏହି ଘାତକ ଖେଳାଳି ବି ହେଲେ ବାହାର!

ଅଧିକ ପଢ଼ନ୍ତୁ:-ହୋଲିରେ ଚାଷୀଙ୍କ ପାଇଁ ଖୁସି ଖବର! କୃଷି ମନ୍ତ୍ରୀ ନରେନ୍ଦ୍ର ତୋମାର କଲେ ଏହି ଘୋଷଣା

ଋଷରେ ପୁଟିନଙ୍କ କ୍ଷମତା ସମୟରେ ୨୦୦୭ରେ ସେ କାଦିରୋଭଙ୍କୁ ଚେଚନ୍ୟାର ମୁଖ୍ୟ କରିଥିଲେ । ସେ ୧୫ ବର୍ଷରୁ ଅଧିକ ସମୟ ଧରି କ୍ଷମତାରେ ଅଛନ୍ତି । ମାନବିକ ଅଧିକାରର ଉଲ୍ଲଂଘନ ଅଭିଯୋଗରେ କାଦିରୋଭ ଅନେକ ଅଭିଯୋଗର ସମ୍ମୁଖୀନ ହୋଇଛନ୍ତି । କାଦିରୋଭ ୟୁକ୍ରେନକୁ ଆତ୍ମସମର୍ପଣ କରିବାକୁ ଧମକ ଦେଇଥିଲେ ଓ କହିଥିଲେ କି ନଚେତ୍ ୟୁକ୍ରେନକୁ ବିଶ୍ୱ ମାନଚିତ୍ରରୁ ପୋଛି ଦିଆଯିବ । କାଦିରୋଭଙ୍କ ବିଷୟରେ କୁହାଯାଏ ଯେ ସେ ପୁଟିନଙ୍କର ଅତି ପ୍ରିୟ ଓ ଖାସ୍ କମାଣ୍ଡର । ପୁଟିନ କାଦିରୋଭଙ୍କୁ ବହୁତ ବିଶ୍ୱାସ କରନ୍ତି । କାଦିରୋଭ ଅନେକ ଥର ପୁଟିନଙ୍କ ବିଶ୍ୱାସକୁ ପୂରଣ କରିଛନ୍ତି । କାଦିରୋଭ ଜଣେ ମୁସଲମାନ କମାଣ୍ଡର । ସେ ଏକ ସମୟରେ ଋଷ ବିରୋଧରେ ଯୁଦ୍ଧ କରିଥିଲେ । ଏହା ପରେ ସେ ପୁଟିନଙ୍କ ଖାସ୍ ହୋଇଥିଲେ । ୟୁକ୍ରେନ ବିରୋଧରେ ଯୁଦ୍ଧରେ କାଦିରୋଭ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି ।