Ram Mandir: ରାମ ଦରବାର ଶ୍ରୀବିଗ୍ରହ ଉଚ୍ଚତା ହେବ ୪.୫ ଫୁଟ, ଜାଣନ୍ତୁ କେବେ ସରିବ ନିର୍ମାଣ କାର୍ଯ୍ୟ

Ayodhya Ram Mandir: ରାମ ନଗରୀ ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ମନ୍ଦିର ନିର୍ମାଣ ଅତି ଦ୍ରୁତ ଗତିରେ ଆଗେଇ ଚାଲିଛି । ରାମ ମନ୍ଦିରର ପ୍ରଥମ ମହଲାରେ କାମ ପ୍ରାୟତଃ ଶେଷ ହେବାକୁ ଲାଗିଛି  । ଦ୍ୱିତୀୟ ମହଲାର କାମ ବର୍ତ୍ତମାନ ଜୋରସୋରରେ ଚାଲିଛି । ରାମ ଦରବାରର ଶ୍ରୀ ବିଗ୍ରହ ରାମ ମନ୍ଦିରର ପ୍ରଥମ ମହଲାରେ ପ୍ରତିଷ୍ଠା କରାଯିବ ଯାହାର କାର୍ଯ୍ୟ ଏବେ ମଧ୍ୟ ଜାରି ରହିଛି । ରାଜସ୍ଥାନର ଜୟପୁରର ଧଳା ମାର୍ବଲ ବ୍ୟବହାର କରାଯାଇ ଏହି ପ୍ରତିମା ଗୁଡିକ ନିର୍ମାଣ କରାଯାଉଛି । ସୂଚନାନୁସାରେ, ରାମ ଦରବାର ପାଇଁ ନିର୍ମିତ ମୂର୍ତ୍ତିର ଉଚ୍ଚତା ୪.୫ ଫୁଟ ହେବା ନେଇ ସ୍ଥିର କରାଯାଇଛି । ରାମଭକ୍ତ ହନୁମାନଙ୍କ ବ୍ୟତୀତ ତିନି ଭାଇ ଭରତ, ଶତୃଘ୍ନ ଏବଂ ଲକ୍ଷ୍ମଣଙ୍କ ପ୍ରତିମା ଅଲଗା ପଥରରେ ତିଆରି କରାଯାଉଛି।

ଆପଣଙ୍କୁ କହିରଖୁଛୁ ଯେ, ଶ୍ରାରାମ ମନ୍ଦିରରେ ବିଗ୍ରହ ନିର୍ମାଣ ଦାୟିତ୍ୱ ଟ୍ରଷ୍ଟ ପକ୍ଷରୁ ରାଜସ୍ଥାନରୁ ଆସିଥିବା ବିଶିଷ୍ଟ ଶିଳ୍ପୀମାନଙ୍କୁ ଦିଆଯାଇଛି । ନଭେମ୍ୱର ମାସ ସୁଦ୍ଧା ମୂର୍ତ୍ତି ନିର୍ମାଣ ସାରିବା ପାଇଁ କୁହାଯାଇଛି । ଶିଳ୍ପୀମାନେ କହିଛନ୍ତି ଯେ, ନିର୍ଦ୍ଧାରିତ ସମୟ ପୂର୍ବରୁ ନିର୍ମାଣ କାର୍ଯ୍ୟ ଶେଷ କରିବା ଆମର ପ୍ରୟାସ । ୯ ସେପ୍ଟେମ୍ବରରେ ଆଉଜଣେ ମୂର୍ତ୍ତି ଶିଳ୍ପୀ ଅଯୋଧ୍ୟାକୁ ଆସିବେ ବୋଲି ସୂଚନା ମିଳିଛି ।

ରାମ ମନ୍ଦିରର ପ୍ରଥମ ମହଲାରେ ରାମ ଦରବାର ପ୍ରତିଷ୍ଠା କରାଯିବ ବୋଲି ଶ୍ରୀ ରାମ ଜନ୍ମଭୂମୀ ତିର୍ଥ କ୍ଷେତ୍ର ଟ୍ରଷ୍ଟର ସାଧାରଣ ସମ୍ପାଦକ ଚମ୍ପତ ରାୟ ସୂଚନା ଦେଇଛନ୍ତି । ରାମ ଦାରବାରରେ ମୋଟ ୨ଟି ମୂର୍ତ୍ତି ସ୍ଥାପନା କରାଯିବ । ସେମଧ୍ୟରୁ ଗୋଟିଏ ଚଳନ୍ତି ପ୍ରତିମା ରହିଛି । ଗୋଟିଏ ପ୍ରତିମୂର୍ତ୍ତି ମାର୍ବଲରେ ନିର୍ମିତ ହୋଇଥିବାବେଳେ ଚଳନ୍ତି ପ୍ରତିମାକୁ ଟାଇଟାନିୟମ ଧାତୁରେ ନିର୍ମିତ ହେବ । ଡିସେମ୍ବର ମାସ ଶେଷ ସୁଧା ସମସ୍ତ କାମ ଶେଷ କରିବାକୁ ଲକ୍ଷ ରଖାଯାଇଛି ।

Also Read- Grah Gochar 2024: ଷଡାଷ୍ଟକ ଯୋଗ ପ୍ରଭାବ, ୧୧ ସେପ୍ଟେମ୍ୱରରୁ ୩ ରାଶିକୁ ଆର୍ଥିକ ଲାଭ

Also Read- Weekly Horoscope: ସେପ୍ଟେମ୍ୱର ୯ରୁ ୧୫ କେମିତି କଟିବ ଆଗାମି ସପ୍ତାହ ? ଜାଣନ୍ତୁ ଆପଣଙ୍କ ରାଶିଫଳ