Puri New Delhi Neelachal Express: ରେଳ ଲାଇନ ହୋଇଗଲା ବଙ୍କା; ଉପରେ ଚଢି ଚାଲିଗଲା ଟ୍ରେନ୍! କିପରି ଘଟିଲା ଏଭଳି ଘଟଣା?

Nigohan Railway Station: ନିକଟରେ ଓଡ଼ିଶାର ବାଲେଶ୍ୱର ଜିଲ୍ଲାର ବାହାନାଗା ରେଳ ଷ୍ଟେସନ ଠାରେ କରମଣ୍ଡଳ ଏକ୍ସପ୍ରେସ ଦୁର୍ଘଟଣାର ଭୟାବହତା ଲୋକଙ୍କ ମନରୁ ଯାଇନାହିଁ। ହେଲେ ଏହି ଲୋମହର୍ଷଣକାରୀ ଘଟଣାର ପୁନରାବୃତ୍ତି ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌସ୍ଥିତ ନିଗୋହାଁ ରେଳ ଷ୍ଟେସନ ଠାରେ ଦେଖିବାକୁ ମିଳିଛି। ମାତ୍ର ଟ୍ରେନ ଚାଳକଙ୍କ ସତର୍କତା କାରଣରୁ ଏକ ବଡ଼ ଦୁର୍ଘଟଣାକୁ ରୋକାଯାଇ ପାରିଛି।  

କରମଣ୍ଡଳ ଏକ୍ସପ୍ରେସ ଦୁର୍ଘଟଣା (Coromandel Express Accident 2023) ପରେ ଭାରତୀୟ ରେଳବାଇ (Indian Railway) ପକ୍ଷରୁ କୁହାଯାଇଛି ଯେ ସମଗ୍ର ଦେଶରେ ରେଳ ନେଟୱାର୍କ ରକ୍ଷଣାବେକ୍ଷଣ କାର୍ଯ୍ୟ (Railway Network Maintenance Work) ଉପରେ ଅଧିକ ଧ୍ୟାନ ଦିଆଯାଉଛି। ଏହା ସହିତ ସମଗ୍ର ଦେଶରେ କବଚ ସୁରକ୍ଷା ବ୍ୟବସ୍ଥା (Kavach Security System) ଯଥାଶୀଘ୍ର ଲାଗୁ କରିବା ଉପରେ କାର୍ଯ୍ୟ କରାଯାଉଛି। ହେଲେ ଏହା ମଧ୍ୟରେ ଲକ୍ଷ୍ନୌ ରେଳ ମଣ୍ଡଳରୁ (Lucknow Railway Division) ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି। ଏନେଇ ମିଳିଥିବା ଖବର ଅନୁଯାୟୀ ଏଠାରେ ଏକ ବଡ଼ ଟ୍ରେନ୍ ଦୁର୍ଘଟଣାକୁ କୌଣସି ପ୍ରକାରେ ଏଡାଇ ଦିଆଯାଇଥିଲା।

ଲକ୍ଷ୍ନୌ ରେଳମଣ୍ଡଳରେ ହୋଇଥାନ୍ତା ବଡ଼ ଧରଣର ଟ୍ରେନ୍ ଦୁର୍ଘଟଣା
ଏହି ଖବର ଲକ୍ଷ୍ନୌ ରେଳ ମଣ୍ଡଳ ଅଧିନସ୍ଥ ନିଗୋହାଁ ରେଳ ଷ୍ଟେସନ (Nigohan Railway Station) ଠାରୁ ଆସିଛି। ଏନେଇ ମିଳିଥିବା ଖବର ଅନୁସାରେ ଜୁନ ୧୭ ତାରିଖ ଶନିବାର ଅପରାହ୍ନ ପାଞ୍ଚଟା ସମୟରେ ଘଟିଥିଲା। ନୀଳାଞ୍ଚଳ ଏକ୍ସପ୍ରେସ (Puri New Delhi Neelachal Express) ଲକ୍ଷ୍ନୌ ଆଡକୁ ଯାଉଥିଲା। ଏହି ଟ୍ରେନ୍ ନୂଆଦିଲ୍ଲୀ ଠାରୁ ଓଡ଼ିଶାର ପୁରୀ ଅଭିମୁଖେ ଯାତ୍ରା କରିଥାଏ। ଯେତେବେଳେ ଏହି ଟ୍ରେନ୍ ନିଗୋହାଁ ରେଳ ଷ୍ଟେସନ ଅତିକ୍ରମ କରୁଥିଲା, ସେତେବେଳେ ଏହାକୁ ଲୁପ୍ ଲାଇନ ଆଡକୁ ପଠାଇ ଦିଆଯାଇଥିଲା। କାରଣ ଅନ୍ୟ ଏକ ଟ୍ରେନ୍ ମୁଖ୍ୟ ଲାଇନ ଠାରେ ଛିଡା ହୋଇଥିଲା। ଏହା ପ୍ରାୟତଃ ଯେକୌଣସି ରେଳ ଷ୍ଟେସନ ଠାରେ ହୋଇଥାଏ।

ନୀଳାଞ୍ଚଳ ଏକ୍ସପ୍ରେସ ଲୁପ୍ ଲାଇନ ଉପରେ ଗତି କରୁଥିବା ବେଳେ ଲୋକ ପାଇଲଟ୍ ଟ୍ରେନ ସ୍ପୀଡ ହ୍ରାସ କରି ଦେଇଥିଲା। ମାତ୍ରା ଯାତ୍ରା କରିବା ସମୟରେ ଲୋକୋ ପାଇଲଟ୍ ଏକ ଝଟକା ପାଇଥିଲେ। ହେଲେ ତତକ୍ଷଣାତ ସେ ବୁଝି ପାରିଥିଲେ ରେଲୱେ ଟ୍ରାକ ବଙ୍କା (Railway Track Curved) ହୋଇଯାଇଛି। ଏକଥା ଜାଣିବା ପରେ ସେ କାଳ ବିଳମ୍ବ ନ କରି ଟ୍ରେନ ଅଟକାଇ ଦେଇଥିଲେ। ଯଦିଓ ଟ୍ରେନ ସ୍ପୀଡ କମ୍ ରହିଥିଲା, ହେଲେ ଏହା ଦ୍ୱାରା କୌଣସି ଅସୁବିଧା ହୋଇନଥିଲା। 

ରିପୋର୍ଟ ଅନୁଯାୟୀ, ଅନେକ ଲୋକ କହିଥିଲେ ଯେ ପ୍ରବଳ ଉତ୍ତାପ କାରଣରୁ ରେଳ ଧାରଣା ବଙ୍କା ହୋଇଯାଇଛି। ହେଲେ ବିଶେଷଜ୍ଞଙ୍କ କହିବା ଅନୁଯାୟୀ ଖରାପ ରକ୍ଷଣାବେକ୍ଷଣ ପାଇଁ ରେଲୱେ ଟ୍ରାକ ବଙ୍କା ହୋଇଯାଇଛି। ଏହି ଘଟଣା ସାମ୍ନାକୁ ଆସିବା ପରେ ଲକ୍ଷ୍ନୌ ରେଳମଣ୍ଡଳ ମହାପ୍ରବନ୍ଧକ ସୁରେଶ ସାପ୍ରା ଏହାର ତଦନ୍ତ ନିର୍ଦ୍ଦେଶ ଦେଇଛନ୍ତି।

ଯେତେବେଳେ ଲୋକୋ ପାଇଲଟ ଟ୍ରେନ ସହ ଲକ୍ଷ୍ନୌ ଠାରେ ପହଞ୍ଚିଥିଲେ, ସେତେବେଳେ ସେ ନିଜେ ପକ୍ଷରୁ ଅଭିଯୋଗ କରିଥିଲେ। ଏହା ପରେ ରେଳ ବିଭାଗର ବରିଷ୍ଠ ଅଧିକାରୀ ଏବଂ କର୍ମଚାରୀ ନିଗୋହାଁ ରେଳ ଷ୍ଟେସନ ଠାରେ ପହଞ୍ଚି ଘଟଣାସ୍ଥଳରେ ଯାଞ୍ଚ କରିଥିଲେ। ଏହାର କିଛି ସମୟ ପରେ ରେଳ ଟ୍ରାକ୍ ମରାମତି କାର୍ଯ୍ୟ ଆରମ୍ଭ ହୋଇଥିଲା। ଷ୍ଟେସନ ମାଷ୍ଟର ଙ୍କୁ ମଧ୍ୟ ଏହି ଘଟଣା ବାବଦରେ ଅବଗତ କରାଯାଇଥିଲା। କୌଣସି ଟ୍ରେନ ଲୁପ୍ ଲାଇନ ଯାତ୍ରା କରିବାକୁ ଅଟକାଇ ଦିଆଯାଇଥିଲା। ମରାମତି କରାଯିବା ପରେ ରେଳ ଲାଇନ ସ୍ୱାଭାବିକ ହୋଇଥିଲା। ଏହି ଘଟଣାର ତଦନ୍ତ ଏବେ ମଧ୍ୟ ଚାଲିଛି। ଯାହାର ଲକ୍ଷ୍ନୌ ରେଳମଣ୍ଡଳ ମହାପ୍ରବନ୍ଧକଙ୍କ (Lucknow Divisional Railway Manager) ନିକଟରେ ଦାଖଲ ହେବ।