SBI ଆଣିଲା 'Har Ghar Lakhpati Scheme' ସହ ଆଉ ଏକ ପ୍ଲାନ

୨ଟି ଯୋଜନା ମଧ୍ୟରୁ ଗୋଟିଏ 'ହର ଘର ଲକ୍ଷପତି' ଏବଂ ଅନ୍ୟଟି 'ଏସବିଆଇ ପାଟ୍ରନ୍ସ'। ଏସବିଆଇ ଅନୁଯାୟୀ, 'ହର ଘର ଲକ୍ଷପତି' ହେଉଛି ଏକ ପୂର୍ବ-ଗଣିତ ବାରମ୍ବାର ଜମା ଯୋଜନା, ଯାହା ଗ୍ରାହକଙ୍କୁ ୧ ଲକ୍ଷ ଟଙ୍କା କିମ୍ବା ଏହାଠୁ ଅଧିକ ସଞ୍ଚୟ କରିବାରେ ସାହାଯ୍ୟ କରିଥାଏ।

ନୂତନ ଯୋଜନାଗୁଡିକ ଆପଣଙ୍କର ଆର୍ଥିକ ଲକ୍ଷ୍ୟ ହାସଲ କରିବାରେ ସାହାଯ୍ୟ କରିବ । ଯାହା ଦ୍ୱାରା ଗ୍ରାହକମାନେ ଏକ ଉତ୍ତମ ଉପାୟରେ ଯୋଜନା ଏବଂ ସଞ୍ଚୟ କରିପାରିବେ। ଏସବିଆଇର ଏହି ପ୍ଲାନ ଗୁଡ଼ିକ ନାବାଳିକାମାନଙ୍କ ପାଇଁ ମଧ୍ୟ ଉପଲବ୍ଧ, ଯାହା ପିଲାମାନଙ୍କ ଆର୍ଥିକ ଆର୍ଥିକ ଯୋଜନା ଏବଂ ସଞ୍ଚୟ ଅଭ୍ୟାସକୁ ଉତ୍ସାହିତ କରିଥାଏ । 

ଏହା ବ୍ୟତୀତ ବରିଷ୍ଠ ନାଗରିକଙ୍କ ପାଇଁ 'ଏସବିଆଇ ପାଟ୍ରନ୍ସ' ସ୍ୱତନ୍ତ୍ର ଏଫଡି ଯୋଜନା ଆରମ୍ଭ କରିଛି। ଏହି ଯୋଜନା ୮୦ ବର୍ଷ ଏବଂ ତଦୁର୍ଦ୍ଧ୍ୱ ବୟସ୍କ ନାଗରିକଙ୍କ ପାଇଁ ପ୍ରସ୍ତୁତ କରାଯାଇଛି । ନୂତନ ସ୍କିମ୍ 'ଏସବିଆଇ ପାଟ୍ରନ୍ସ' ଅଧୀନରେ ସାଧାରଣ ଅପେକ୍ଷା ଅଧିକ ଲାଭ ମିଳିଥାଏ । ଏହା ଉଭୟ ପୁରୁଣା ଏବଂ ନୂତନ FD ନିବେଶକମାନଙ୍କ ପାଇଁ ଉପଲବ୍ଧ । 

ଏସବିଆଇ ଅନୁଯାୟୀ, ନୂତନ ଯୋଜନାରୁ ଏହା ସ୍ପଷ୍ଟ ହୋଇଛି ଯେ, ବ୍ୟାଙ୍କ 'ନୂତନ କାର୍ଯ୍ୟ କରିବା' ଉପରେ ଅଧିକ ଗୁରୁତ୍ୱ ଦେଉଛି। ଟଙ୍କା ଜମା କରିବା କ୍ଷେତ୍ରରେ ବ୍ୟାଙ୍କ ଆଗରେ ରହିବାକୁ ଚେଷ୍ଟା କରୁଛି। ଏସବିଆଇ ଚେୟାରମ୍ୟାନ୍ ସିଏସ୍ ସେଟ୍ଟୀ କହିଛନ୍ତି, 'ଆମର ଉଦ୍ଦେଶ୍ୟ ହେଉଛି ଏପରି ସଞ୍ଚୟ ପ୍ଲାନ ତିଆରି କରିବା ଯାହା କେବଳ ଭଲ ରିଟର୍ଣ୍ଣ ଦେଇନଥାଏ ବରଂ ଗ୍ରାହକଙ୍କ ଇଚ୍ଛା ଏବଂ ସେମାନଙ୍କର ଆର୍ଥିକ ଲକ୍ଷ୍ୟ ସହିତ ମଧ୍ୟ ମେଳ ଖାଏ।

ଗ୍ରାହକଙ୍କ ପାଇଁ ଅଧିକ ସୁଧ ହାର ସହିତ ଏସବିଆଇ ଅନ୍ୟ ଜମା ଯୋଜନା ମଧ୍ୟ ଆରମ୍ଭ କରିଛି। ଉଦାହରଣ ସ୍ୱରୂପ, ଏସବିଆଇ ଭି-କେୟାର ଜମା ଯୋଜନା ବରିଷ୍ଠ ନାଗରିକମାନଙ୍କୁ ୫ ରୁ ୧୦ ବର୍ଷର ଅବଧି ପାଇଁ ୭.୫୦% ସୁଧ ପ୍ରଦାନ କରିଥାଏ । 

ସେହିଭଳି,  ଏସବିଆଇର ୪୪୪ ଦିନିଆ ଏଫଡି ସ୍କିମ୍ (ଅମୃତ ବୃଷ୍ଟି) ସିନିୟର ସିଟିଜେନଙ୍କୁ ୭.୭୫% ପ୍ରତିଶତ ସୁଧ ପ୍ରଦାନ କରୁଛି । ଏହି ପ୍ଲାନର ଶେଷ ତାରିଖ ମାର୍ଚ୍ଚ ୩୧, ୨୦୨୫ ପର୍ଯ୍ୟନ୍ତ ବୃଦ୍ଧି କରାଯାଇଛି ।