MSP Hike 2023: ଚାଷୀଙ୍କୁ ବଡ ଉପହାର ଦେଲେ ମୋଦି ସରକାର, କ୍ୟାବିନେଟ ବୈଠକରେ ନିଆଗଲା ବଡ଼ ନିଷ୍ପତ୍ତି

Modi Govt Cabinet Meeting Today: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା କ୍ୟାବିନେଟ ବୈଠକରେ ଏକ ବଡ଼ ନିଷ୍ପତ୍ତି ନେଇଛନ୍ତି ସରକାର। ଜୁନ ୭ ତାରିଖ ବୁଧବାର ଅନୁଷ୍ଠିତ ହୋଇଥିବା କ୍ୟାବିନେଟ ବୈଠକରେ ମୋଦି ସରକାର ଅନେକ ଫସଲର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି କରିଛନ୍ତି। ଏଥର ଫସଲର ସର୍ବନିମ୍ନ ସହାୟତା ମୂଲ୍ୟରେ ଏକ ବଡ଼ ବୃଦ୍ଧି ହୋଇଛି। ଯାହା ଚାଷୀଙ୍କୁ ସିଧାସଳଖ ଉପକୃତ କରିବ। ଆପଣଙ୍କୁ କହିରଖଛୁ ଯେ ଏଥର ଧାନ ଉପରେ ସର୍ବନିମ୍ନ ସହାୟକ ମୂଲ୍ୟରେ ୭ ପ୍ରତିଶତ ବୃଦ୍ଧି କରାଯାଇଛି।

କେଉଁ ଫସଲ ଉପରେ ବଢିଲା କେତେ ପ୍ରତିଶତ ସର୍ବନିମ୍ନ ସହାୟକ ମୂଲ୍ୟ?
କେନ୍ଦ୍ର ମନ୍ତ୍ରୀ ପୀୟୁଷ ଗୋୟଲ କହିଛନ୍ତି ଯେ ଦିଲ୍ଲୀର ମୁଗ ଡାଲିରେ ସର୍ବନିମ୍ନ ସହାୟକ ମୂଲ୍ୟ ୧୦.୪%, ବାଦାମାରେ ୯%, ରାଶିରେ ୧୦.୩%, ଧାନରେ ୭%, ଜୱାର, ବାଜରା, ହରଡ଼ ଡାଲି, ବିରି ଡାଲି, ସୋୟାବିନ, ସୂର୍ଯ୍ୟମୂଖୀ ଭଳି ଫସଲରେ ସର୍ବନିମ୍ନ ସହାୟକ ମୂଲ୍ୟ ୬-୭ ବୃଦ୍ଧି କରାଯାଇଛି। ବର୍ଦ୍ଧିତ ସର୍ବନିମ୍ନ ସହାୟକ ମୂଲ୍ୟ ଚଳିତ ୨୦୨୩-୨୪ ଆର୍ଥିକ ବର୍ଷ ପାଇଁ କାର୍ଯ୍ୟକାରୀ ହେବ। 

୨୧୮୩ ଟଙ୍କା ହେଲା କ୍ୱିଣ୍ଟାଲ ପିଛା ସର୍ବନିମ୍ନ ସହାୟକ ମୂଲ୍ୟ 
ମୋଦି ସରକାର ୨୦୨୩-୨୪ ଫସଲ ବର୍ଷ (ଜୁଲାଇ-ଜୁନ୍) ପାଇଁ ଧାନର ସର୍ବନିମ୍ନ ସହାୟକ ମୂଲ୍ୟ କ୍ୱିଣ୍ଟାଲ ପିଛା ୧୪୩ ଟଙ୍କାରୁ ୨୧୮୩ ଟଙ୍କାକୁ ବୃଦ୍ଧି କରିବାକୁ ଘୋଷଣା କରିଛନ୍ତି। ଏହି ପଦକ୍ଷେପର ଉଦ୍ଦେଶ୍ୟ ହେଉଛି କୃଷକଙ୍କୁ ଧାନ ଚାଷ କରି ଆୟ ବୃଦ୍ଧି ପାଇଁ ସେମାନଙ୍କୁ ଉତ୍ସାହିତ କରିବା। ବୁଧବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ କମିଟି ବୈଠକରେ ୨୦୨୩-୨୪ ଫସଲ ପାଇଁ ସମସ୍ତ ଖରିଫ ଫସଲର ସର୍ବନିମ୍ନ ସହାୟତା ମୂଲ୍ୟ ବୃଦ୍ଧି କରିବାକୁ ଅନୁମୋଦନ କରାଯାଇଛି।

ଏମଏସପି ମୂଲ୍ୟ ବୃଦ୍ଧି ସମ୍ପର୍କରେ ଜଣାଇଲେ କେନ୍ଦ୍ରମନ୍ତ୍ରୀ ପୀୟୂଷ ଗୋଏଲ
କେନ୍ଦ୍ର ଖାଦ୍ୟ ଯୋଗାଣ ଏବଂ ଉପଭୋକ୍ତା ବ୍ୟାପାର ମନ୍ତ୍ରୀ ପୀୟୁଷ ଗୋୟଲ କ୍ୟାବିନେଟ କମିଟି ବୈଠକ ପରେ ଗଣମାଧ୍ୟମକୁ କହିଛନ୍ତି ଯେ କୃଷି କ୍ଷେତ୍ରରେ ଆମେ କୃଷି ମୂଲ୍ୟ ଏବଂ ମୂଲ୍ୟ ଆୟୋଗ ପକ୍ଷରୁ କରାଯାଇଥିବା  ସୁପାରିଶ ଆଧାରରେ ଏମଏସପି ସମୟ ସୀମା ମଧ୍ୟରେ ଠିକ୍ କରୁଛୁ। ପୂର୍ବ ବର୍ଷ ତୁଳନାରେ ଚଳିତ ବର୍ଷ ସର୍ବନିମ୍ନ ସହାୟକ ମୂଲ୍ୟକୁ ଅଧିକ ବୃଦ୍ଧି କରାଯାଇଛି।

ହ୍ରାସ ପାଉଛି ଖୁଚୁରା ମୁଦ୍ରାସ୍ଫୀତି 
କେନ୍ଦ୍ରମନ୍ତ୍ରୀ ପୀୟୂଷ ଗୋଏଲ କହିଛନ୍ତି ଯେ ଯେଉଁ ସମୟରେ ଖୁଚୁରା ମୁଦ୍ରାସ୍ଫୀତି ହ୍ରାସ ପାଉଛି, ସେହି ସମୟରେ ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି ଦ୍ୱାରା କୃଷକ ଉପକୃତ ହେବେ। କେନ୍ଦ୍ରମନ୍ତ୍ରୀ କହିଛନ୍ତି ଯେ ସାଧାରଣ ଗ୍ରେଡ୍ ଧାନର ସର୍ବନିମ୍ନ ସହାୟକ ମୂଲ୍ୟ ୧୪୩ ଟଙ୍କା ବୃଦ୍ଧି କରି ୨୦୨୪୦ ଟଙ୍କାରୁ କ୍ୱିଣ୍ଟାଲ ପିଛା ୨୧୮୩ ଟଙ୍କାକୁ ବୃଦ୍ଧି କରାଯାଇଛି। ଏ ଗ୍ରେଡ୍ ଧାନର ଏମଏସପି ୧୪୩ ଟଙ୍କା ବୃଦ୍ଧି କରାଯାଇ କ୍ୱିଣ୍ଟାଲ ପିଛା ୨୨୦୩ ଟଙ୍କା କରାଯାଇଛି।

ଖରିଫ ଋତୁର ମୁଖ୍ୟ ଫସଲ ହେଉଛି ଧାନ
ସର୍ବନିମ୍ନ ସହାୟକ ମୂଲ୍ୟରେ ସର୍ବାଧିକ ୧୦.୪ ପ୍ରତିଶତ ବୃଦ୍ଧି ମୁଗରେ କରାଯାଇଛି। ମୁଗର ଏମଏସପି ବର୍ତ୍ତମାନ କ୍ୱିଣ୍ଟାଲ ପିଛା ୮୫୫୮ ଟଙ୍କାକୁ ବୃଦ୍ଧି ପାଇଛି। ଗତ ବର୍ଷ ଏହାର କ୍ୱିଣ୍ଟାଲ ପିଛା ମୂଲ୍ୟ ୭୭୫୫ ଟଙ୍କା ଥିଲା। ଧାନ ହେଉଛି ମୁଖ୍ୟ ଖରିଫ ଋତୁର ଫସଲ। ଯାହାର ଚାଷ ସାଧାରଣତ ଦକ୍ଷିଣ-ପଶ୍ଚିମ ମୌସୁମୀ ଆରମ୍ଭ ସମୟରୁ କରାଯାଇଥାଏ। ଭାରତୀୟ ପାଣିପାଗ ବିଭାଗ ଆକଳନ କରିଛି ଯେ ଏଲ୍ ନିନୋ ପ୍ରଭାବ ସତ୍ତ୍ୱେ ଚଳିତ ବର୍ଷ ଜୁନ୍-ସେପ୍ଟେମ୍ବର ମଧ୍ୟରେ ମୌସୁମୀ ସ୍ୱାଭାବିକ ରହିବ।