Maharashtra Politics: ଶିବସେନା ବିଧାୟକ ଅଯୋଗ୍ୟ ଘୋଷଣ ମାମଲାରେ ଆସିବ ରାୟ

Shiv Sena MLA Disqualification Case: ଜାନୁଆରୀ ୧୦ ତାରିଖ ମହାରାଷ୍ଟ୍ର ରାଜନୀତି ପାଇଁ ଏକ ଗୁରୁତ୍ୱପୂର୍ଣ୍ଣ ଦିନ ହେବାକୁ ଯାଉଛି। ଶିବସେନା ବିଧାୟକଙ୍କୁ ଅଯୋଗ୍ୟ ଘୋଷଣା କରିବା ପାଇଁ ଦାଖଲ ହୋଇଥିବା ୩୪ ଆବେଦନ ଉପରେ ମହାରାଷ୍ଟ୍ର ବାଚସ୍ପତି ରାହୁଲ ନାର୍ଭେକର ତାଙ୍କ ରାୟ ପ୍ରକାଶ କରିବେ। ଏହି ପ୍ରସଙ୍ଗକୁ ନେଇ ଆରମ୍ଭ ହୋଇଯାଇଛି ବୟାନବାଜି। ଉଦ୍ଧବ ଠାକରେଙ୍କ ନେତୃତ୍ୱାଧିନ ଶିବସେନା ଗୋଷ୍ଠୀର ନେତା ସଞ୍ଜୟ ରାଉତ ବିଧାନସଭା ବାଚସ୍ପତି ରାହୁଲ ନାର୍ଭେକର ଏବଂ ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କୁ ଟାର୍ଗେଟ କରିଛନ୍ତି। ଉଭୟେ ଏହାର ଜବାବ ମଧ୍ୟ ରଖିଛନ୍ତି ଆପଣଙ୍କୁ କହି ରଖୁଛୁ ଯେ ଗତ ୨୦୨୨ ଜୁନ୍ ମାସରେ ଶିବସେନା ବିଧାୟକ ଦଳ ୨ ଗୋଷ୍ଠୀରେ ବିଭକ୍ତ ହୋଇଯାଇଥିଲା। ଯାହା ପରେ ଉଭୟ ସିନ୍ଦେ-ଠାକରେ ଗୋଷ୍ଠୀ ପରସ୍ପର ବିରୋଧରେ ପିଟିସନ ଦାଖଲ କରିଥିଲେ। ଯେଉଁଥିରେ ସମସ୍ତ ୫୪ ଶିବସେନା ବିଧାୟକଙ୍କୁ ଅଯୋଗ୍ୟ ଘୋଷଣା କରିବାକୁ ଦାବି ହୋଇଛି।

"ଶିବସେନା ବିଧାୟକଙ୍କୁ ଅଯୋଗ୍ୟ ଘୋଷଣା କରିବା ମାମଲାରେ ହୋଇଛି ମ୍ୟାଚ୍ ଫିକ୍ସିଂ"
ଉଦ୍ଧବ ଠାକରେଙ୍କ ନେତୃତ୍ୱାଧିନ ଶିବସେନା ଗୋଷ୍ଠୀର ନେତା ସଞ୍ଜୟ ରାଉତ କହିଛନ୍ତି ଯେ "ଶିବସେନା ବିଧାୟକଙ୍କୁ ଅଯୋଗ୍ୟ ଘୋଷଣା କରିବା ମାମଲାରେ ହୋଇଛି ମ୍ୟାଚ୍ ଫିକ୍ସିଂ ଚାଲିଛି। ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଡାଭୋସ୍ ଯାଉଛନ୍ତି। ଯଦି ବିଧାୟକ ଅଯୋଗ୍ୟ ଘୋଷଣା କରିବା ମାମଲାରେ ମୁଖ୍ୟମନ୍ତ୍ରୀଙ୍କ ବିରୋଧରେ ରାୟ ଯାଏ ତାହେଲେ ସେ ଦୀର୍ଘ ସମୟ ପର୍ଯ୍ୟନ୍ତ ପଦରେ ରହିବେ। ହେଲେ ସେ ଜାଣନ୍ତି ଯେ ଏହି ନିଷ୍ପତ୍ତି ତାଙ୍କ ସପକ୍ଷରେ ଯିବ। ବିଧାନସଭାର ବାଚସ୍ପତି ତାଙ୍କୁ ଏହି ନିଷ୍ପତ୍ତି ସମ୍ପର୍କରେ ଜଣାଇ ଦେଇଛନ୍ତି। ସେଥିପାଇଁ ସେ ଡାଭୋସ ଯାତ୍ରା କରୁଛନ୍ତି।

ଅପରାହ୍ନରେ ଆସିବ ନିଷ୍ପତ୍ତି
ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ଅନ୍ୟ ଶିବସେନା ବିଧାୟକଙ୍କ ଯୋଗ୍ୟତା ଏବଂ ଅଯୋଗ୍ୟତା ଉପରେ ନିଷ୍ପତ୍ତିସ ବୁଧବାର ଅପରାହ୍ନରେ ଯେକୌଣସି ସମୟରେ ଆସିବାର ସମ୍ଭାବନା ରହିଛି। ଯାହା ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ଉଦ୍ଧବ ଠାକରେଙ୍କ ନେତୃତ୍ୱାଧିନ ଉଭୟ ଦଳର ଭବିଷ୍ୟତର ପଥ ସ୍ଥିର କରିବ। ବିଧାନସଭା ବାଚସ୍ପତିଙ୍କ ନିଷ୍ପତ୍ତି ମହାରାଷ୍ଟ୍ର ବିଧାନସଭାର ୟୁଟ୍ୟୁବ୍ ଚ୍ୟାନେଲ୍ ମାଧ୍ୟମରେ ଦେଖିହେବ।

"ଆଶା କରୁଛି ନିଷ୍ପତ୍ତି ଆମ ସପକ୍ଷରେ ଆସିବ" 
ଅଯୋଗ୍ୟତା ଆବେଦନ ଉପରେ ରାୟ ଘୋଷଣା ହେବା ପୂର୍ବରୁ ମୁଖ୍ୟମନ୍ତ୍ରୀ ଏକନାଥ ସିନ୍ଦେ କହିଛନ୍ତି ଯେ ନିର୍ବାଚନ ଆୟୋଗ ସେମାନଙ୍କୁ ଔପଚାରିକ ଶିବସେନା ଭାବେ ସ୍ୱୀକୃତି ପ୍ରଦାନ କରିଛନ୍ତି। ଧାୟକ ଅଯୋଗ୍ୟ ଘୋଷଣ କରିବା ମାମଲାରେ ନିଷ୍ପତ୍ତି ଆସିବା ପରେ ମୁଁ କହିବି। ହେଲେ ମୋତେ ଗୋଟିଏ କଥା କହିବାକୁ ହେବ ଯେ ଲୋକସଭା ତଥା ବିଧାନସଭାରେ ସଂଖ୍ୟାଗରିଷ୍ଠତା ଆଧାରରେ ନିର୍ବାଚନ ଆୟୋଗ ଆମକୁ ଔପଚାରିକ ଶିବସେନା ଭାବରେ ମାନ୍ୟତା ଦେଇଛନ୍ତି। ନିର୍ବାଚନ ଆୟୋଗ ମଧ୍ୟ ଆମକୁ ଶିବସେନା ନିର୍ବାଚନ ପ୍ରତୀକ ଧନୁ-ତୀର ପ୍ରଦାନ କରିଛନ୍ତି। ଆମେ ଆଶା କରୁଛୁ ଯେ ବାଚସ୍ପତି ଯୋଗ୍ୟତା ଅନୁଯାୟୀ ଆମ ସପକ୍ଷରେ ନିଷ୍ପତ୍ତି ନେବେ।

"ଆଇନ ଅନୁସାରେ ନିଆଯିବ ନିଷ୍ପତ୍ତି" 
ମହାରାଷ୍ଟ୍ର ବିଧାନସଭା ବାଚସ୍ପତି ରାହୁଲ ନାର୍ଭେକର କହିଛନ୍ତି ଯେ ଆଇନ ଅନୁସାରେ  ଶିବସେନା ବିଧାୟକଙ୍କୁ ଅଯୋଗ୍ୟ ଘୋଷଣ କରିବା ମାମଲାରେ ନିଷ୍ପତ୍ତି ନିଆଯିବ। ଯାହା ସମସ୍ତ ପକ୍ଷଙ୍କୁ ନ୍ୟାୟ ପ୍ରଦାନ କରିବ। ଏହା ଏକ ମାନଦଣ୍ଡ ନିଷ୍ପତ୍ତି ହେବ ବୋଲି କହିଛନ୍ତି ବାଚସ୍ପତି ନାର୍ଭେକର।'

ଏହି ନିର୍ଦ୍ଦେଶନାମା ଶିନ୍ଦେ ନେତୃତ୍ୱାଧୀନ ସେନା ବିଧାୟକମାନଙ୍କୁ ଦିଆଯାଇଥିଲା
ସିଏମ୍ ଏକନାଥ ସିନ୍ଦେଙ୍କ ନେତୃତ୍ୱରେ ଶିବସେନାର ସମସ୍ତ ବିଧାୟକଙ୍କୁ ଅପରାହ୍ନ ତିନିଟା ସୁଦ୍ଧା ମୁମ୍ବାଇର ଦଳର କେନ୍ଦ୍ରୀୟ କାର୍ଯ୍ୟାଳୟ ବାଲାସାହେବ ଭବନରେ ପହଞ୍ଚିବାକୁ କୁହାଯାଇଛି। ସିଏମ୍ ଏକନାଥ ସିନ୍ଦେଙ୍କ ନେତୃତ୍ୱରେ ମନ୍ତ୍ରୀ ତଥା ସେନାର ନେତା ଦୀପକ କେସରକାର ବୁଧବାର କହିଛନ୍ତି ଯେ ଆଜି ବାଚସ୍ପତି ଯେଉଁ ନିଷ୍ପତ୍ତି ଘୋଷଣା କରିବେ ତାହା ଗ୍ରହଣ କରିବାକୁ ଆମେ ପ୍ରସ୍ତୁତ।
 
ସିନ୍ଦେ ଗୋଷ୍ଠୀର ବିଧାୟକଙ୍କୁ ମିଳିଲା ନିର୍ଦ୍ଦେଶ
ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ନେତୃତ୍ୱାଧିନ ଶିବସେନା ଦଳର ସମସ୍ତ ବିଧାୟକଙ୍କୁ ଅପରାହ୍ନ ତିନିଟା ପର୍ଯ୍ୟନ୍ତ ମୁମ୍ବାଇ ସ୍ଥିତ ଦଳୀୟ କେନ୍ଦ୍ରୀୟ କାର୍ଯ୍ୟାଳୟ ବାଲାସାହେବ ଭବନ ଠାରେ ପହଞ୍ଚିବାକୁ କୁହାଯାଇଛି। ଶିବସେନା ସିନ୍ଦେ ଗୋଷ୍ଠୀର ନେତା ଦୀପକ କେସରକାର ବୁଧବାର କହିଛନ୍ତି ଯେ ବୁଧବାର ବାଚସ୍ପତି ଯେଉଁ ନିଷ୍ପତ୍ତି ଘୋଷଣା କରିବେ ତାହାକୁ ଗ୍ରହଣ କରିବାକୁ ଆମେ ପ୍ରସ୍ତୁତ।