Onion India News: ପୁଣି ଥରେ କନ୍ଦାଇ ପାରେ ପିଆଜ! ଜାଣନ୍ତୁ କିପରି

Onion Export From India: ପିଆଜ ମୂଲ୍ୟ ବୃଦ୍ଧିକୁ ନିୟନ୍ତ୍ରଣ କରିବା ପାଇଁ ସରକାର ଏହାର ରପ୍ତାନୀ ଉପରେ ପ୍ରତିବନ୍ଧକ ଲଗାଇ ଦେଇଥିଲେ। ଗତ ବର୍ଷ ଡିସେମ୍ବର ୮ ତାରିଖରୁ ଭାରତରୁ ପିଆଜ ରପ୍ତାନୀ ଉପରେ କଟକଣା ଲଗାଯାଇଥିଲା। ହେଲେ ବର୍ତ୍ତମାନ ସରକାର ପିଆଜ ରପ୍ତାନୀ ଉପରେ ଲଗାଯାଇଥିବା ପ୍ରତିବନ୍ଧକକୁ ଏକ ପ୍ରକାର ହଟାଇ ଦେଇଛନ୍ତି। ବିଦେଶକୁ ପିଆଜ ରପ୍ତାନୀ କରିବା ପାଇଁ ସରକାର ଅନୁମତି ଦେଇଛନ୍ତି। ଭାରତ ବର୍ତ୍ତମାନ ଏହାର ୬ ପଡୋଶୀ ଦେଶକୁ ପିଆଜ ରପ୍ତାନୀ କରିବ। ଏହା ପୂର୍ବରୁ ସରକାର ମଧ୍ୟ ପୂର୍ବ ଏବଂ କିଛି ୟୁରୋପୀୟ ଦେଶକୁ ୨୦୦୦ ଟନ୍ ଧଳା ପିଆଜ ରପ୍ତାନୀ କରିବାକୁ ଅନୁମତି ଦେଇଥିଲେ।
 
ବିଦେଶକୁ ପିଆଜ ପଠାଇବ ଭାରତ 
ପିଆଜ ମୂଲ୍ୟକୁ ନିୟନ୍ତ୍ରଣ କରିବା ପାଇଁ ସରକାର ବିଗତ କିଛି ମାସ ଧରି ପିଆଜ ରପ୍ତାନୀ ବନ୍ଦ କରିଦେଇଥିଲେ। ଦେଶରେ ପିଆଜର ମୂଲ୍ୟ ବୃଦ୍ଧିରୁ ଜନସାଧାରଣଙ୍କୁ ଆଶ୍ୱସ୍ତି ପ୍ରଦାନ କରିବା ପାଇଁ ସରକାର ପିଆଜ ରପ୍ତାନୀ ବନ୍ଦ କରିଦେଇଥିଲେ। ହେଲେ ବର୍ତ୍ତମାନ ପିଆଜ ରପ୍ତାନୀ ପାଇଁ ପ୍ରସ୍ତୁତି କରାଯାଉଛି। ୬ ପଡୋଶୀ ଦେଶକୁ ୯୯, ୫୦୦ ଟନ୍ ପିଆଜ ରପ୍ତାନୀ କରିବାକୁ ଭାରତ ନିଷ୍ପତ୍ତି ନେଇଛି।

Also Read: Onion Price: ଚଳିତ ବର୍ଷ କନ୍ଦାଇବ ନାହିଁ ପିଆଜ; ମୂଲ୍ୟ ନିୟନ୍ତ୍ରଣ କରିବା ପାଇଁ ସରକାର ନେଲେ ବଡ଼ ନିଷ୍ପତ୍ତି

୬ ଦେଶକୁ ପିଆଜ ରପ୍ତାନୀ କରିବ ଭାରତ 
ଉପଭୋକ୍ତା ବ୍ୟାପାର, ଖାଦ୍ୟ ଏବଂ ସାଧାରଣ ବଣ୍ଟନ ମନ୍ତ୍ରଣାଳୟ ପକ୍ଷରୁ କୁହାଯାଇଥିଲା ଭାରତ ବାଂଲାଦେଶ, ୟୁଏଇ, ଭୂଟାନ, ବାହାରୀନ୍, ମରିସସ୍ ଏବଂ ଶ୍ରୀଲଙ୍କା ଆଦି ୬ ଦେଶକୁ ୯୯, ୫୦୦ ଟନ୍ ପିଆଜ ରପ୍ତାନୀ କରିବ। ଏହି ପିଆଜ ମୁଖ୍ୟତ ମହାରାଷ୍ଟ୍ରର ବୋଲି କୁହାଯାଉଛି। ଗତ ବର୍ଷ କମ୍ ଉତ୍ପାଦନର ଆକଳନ ହେତୁ ଘରୋଇ ଉପଲବ୍ଧତାକୁ ସୁନିଶ୍ଚିତ କରିବା ପାଇଁ ଭାରତରୁ ପିଆଜ ରପ୍ତାନୀ ଉପରେ ପ୍ରତିବନ୍ଧକ ଲଗାଯାଇଥିଲା। ଗତ ବର୍ଷ କମ୍ ଉତ୍ପାଦନ ହେତୁ ପିଆଜ ମୂଲ୍ୟ କ୍ରମାଗତ ଭାବେ ବୃଦ୍ଧି ପାଇଥିଲା। 

ପିଆଜ ଉତ୍ପାଦନ 
ଗତ ମାସରେ କୃଷି ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ ଚଳିତ ବର୍ଷ ପ୍ରାୟ ୨୫୪.୭୩ ଲକ୍ଷ ଟନ୍ ପିଆଜ ଉତ୍ପାଦନ ହେବ ବୋଲି ଆଶା କରାଯାଉଛି। ଗତ ବର୍ଷ ଏହାର ପରିମାଣ ୩୦୨.୦୮ ଲକ୍ଷ ଟନ୍ ରହିଥିଲା। ଭାରତରେ ପିଆଜ ମୁଖ୍ୟତଃ ମହାରାଷ୍ଟ୍ର, କର୍ଣ୍ଣାଟକ, ଆନ୍ଧ୍ରପ୍ରଦେଶ ଏବଂ ରାଜସ୍ଥାନରେ ଚାଷ ହୋଇଥାଏ। ପିଆଜ ସଂରକ୍ଷଣରେ ମଧ୍ୟ ସରକାର ଉନ୍ନତି କରିଛନ୍ତି। ପିଆଜ ସଂରକ୍ଷଣ କ୍ଷମତା ୧୨୦୦ ଟନ ଠାରୁ ୫୦୦ ଟନ କରିବାକୁ ନିଷ୍ପତ୍ତି ନିଆଯାଇଛି। ଯାହା ଦ୍ୱାରା ପିଆଜର ଅପଚୟ କମିଯିବ ବୋଲି ସରକାର ଆଶା କରୁଛନ୍ତି।