IND vs WI: ଭାରତୀୟ ଦଳର ଲଜ୍ଜାଜନକ ପ୍ରଦର୍ଶନ ଜାରି; ଦ୍ୱିତୀୟ ଟି-୨୦ ମୁକାବିଲାରେ ମାରିଲା ଚିତପଟାଙ୍ଗ

India vs West Indies 2nd T20 Highlights: ରବିବାର ଅନୁଷ୍ଠିତ ହୋଇଥିବା ଦ୍ୱିତୀୟ ଟି-୨୦ ମୁକାବିଲାରେ ୱେଷ୍ଟ ଇଣ୍ଡିଜ ପାଖରୁ ଧୂଳି ଚାଟିଛି ଟିମ ଇଣ୍ଡିଆ। ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱରେ ଟି-୨୦ ସିରିଜ ଖେଳୁଥିବା ଭାରତୀୟ ଦଳର ଲଜ୍ଜାଜନକ ପ୍ରଦର୍ଶନ ଜାରି ରହିଛି। ରବିବାର ଗାୟନା ଠାରେ ଆୟୋଜିତ ହୋଇଥିବା ୱେଷ୍ଟଇଣ୍ଡିଜ୍ ବିପକ୍ଷ ଦ୍ୱିତୀୟ ଟି-୨୦ ମୁକାବିଲାରେ ଭାରତୀୟ ଦଳ ୨ ୱିକେଟ୍ ରେ ପରାସ୍ତ ହୋଇଛି। ଏହା ସହିତ ୱେଷ୍ଟଇଣ୍ଡିଜ୍ ୫ ମ୍ୟାଚ୍ ବିଶିଷ୍ଟ ସିରିଜ୍ ରେ ୨-୦ ବ୍ୟବଧାନନରେ ଅଗ୍ରଣୀ ରହିଛି। ପ୍ରଥମେ ବ୍ୟାଟିଂ କରି ଧାର୍ଯ୍ୟ ୨୦ ଓଭରରେ ଭାରତ ୭ ୱିକେଟ୍ ହରାଇ ୧୫୧ ରନ୍ ସଂଗ୍ରହ କରିଥିଲା। ଏହାର ଜବାବରେ ୱେଷ୍ଟଇଣ୍ଡିଜ୍ ଦଳ ୭ ବଲ ବାକି ଥାଇ ୮ ୱିକେଟ ହରାଇ ୧୫୫ ରନ୍ ସଂଗ୍ରହ କରିଥିଲା।

କମାଲ କରି ଦେଖାଇଲେ ନିକୋଲାସ ପୁରନ
୧୫୩ ରନ୍ ବିଜୟ ଲକ୍ଷ୍ୟକୁ ପିଛା କରୁଥିବା ୱେଷ୍ଟଇଣ୍ଡିଜ୍ ଦଳ ୩୨ ରନ୍ ସଂଗ୍ରହ କରିବା ବେଳକୁ ୩ ୱିକେଟ୍ ହରାଇ ସାରିଥିଲା। ବ୍ରେଣ୍ଡନ୍ କିଙ୍ଗ (୦), ଜନସନ ଚାର୍ଲ୍ସ (୨) ଏବଂ କାଇଲି ମାୟର୍ସ (୧୫) ଯଥାଶୀଘ୍ର ପାଭିଲିୟନ  ଫେରି ଯାଇଥିଲେ। ଚତୁର୍ଥ ସ୍ଥାନରେ ବ୍ୟାଟି କରୁଥିବା ଆସିଥିବା ନିକୋଲାସ୍ ପୁରୁନ୍ ୬୭ ରନ୍ ର ଏକ ଅର୍ଦ୍ଧଶତକୀୟ ଇନିଂସ ଖେଳିଥିଲେ। ପୁରନ ତାଙ୍କ ୪୦ ବଲ ପାଳିରେ ୬ ଚୌକା ଏବଂ ୪ ଛକା ମାରିଥିଲେ। କ୍ୟାପ୍ଟେନ ରୋଭମାନ ପାୱେଲ ୨୧  ଏବଂ ଶିମରନ ହେଟମିୟର ୨୨ ରନ ସ୍କୋର କରିଥିଲେ। ଏକ ସମୟରେ ୱିଣ୍ଡିଜ୍ ଦଳ ଏକ ଦୃଢ ସ୍ଥିତିରେ ରହିଥିଲା। ମାତ୍ର ୧୨୬ ରୁ ୧୨୯ ରନ୍ ସ୍କୋର କରିବା ମଧ୍ୟରେ ଦଳ ୪ ୱିକେଟ୍ ହରାଇ ଅସୁବିଧାର ସାମ୍ନା କରିଥିଲା। ଯଦିଓ ଅକିଲ ହୁସୈନଙ୍କ ଅପରାଜିତ ୧୬ ଏବଂ ଅଲଜାରୀ ଜୋସେଫଙ୍କ ଅପରାଜିତ ୧୦ ରନ୍ ବଳରେ ୱେଷ୍ଟଇଣ୍ଡିଜ ବିଜୟ ମୁକୁଟ ପିନ୍ଧିଥିଲା।  ଭାରତୀୟ ଦଳ ପକ୍ଷରୁ କ୍ୟାପ୍ଟେନ ହାର୍ଦ୍ଦିକ ପାଣ୍ଡ୍ୟା ୩ ଏବଂ ଯୁଜବେନ୍ଦ୍ର ଚହଲ ୨ ୱିକେଟ୍ ନେଇଥିଲେ। ସେହିପରି ଅର୍ଶଦୀପ ସିଂହ ଏବଂ ମୁକେଶ କୁମାର ଗୋଟିଏ ଲେଖାଁଏ ୱିକେଟ ପାଇଥିଲେ।

ଅର୍ଦ୍ଧଶତକ ହାସଲ କରିଥିଲେ ତିଲକ ବର୍ମା
ଉତ୍କୃଷ୍ଟ ବୋଲିଂ ର ସାମ୍ନା କରି ତିଲକ ବର୍ମା ଟି-୨୦ କ୍ରିକେଟ ଫର୍ମାଟ ରେ ତାଙ୍କର ପ୍ରଥମ ଅର୍ଦ୍ଧଶତକ ହାସଲ କରିଥିଲେ। ନିର୍ଭୟରେ ବ୍ୟାଟିଂ କରି ସେ ୪୧ ବଲ ଖେଳି ୫୧ ରନ୍ ସ୍କୋର କରିବା ସହ ଟି-୨୦ ମ୍ୟାଚ୍ ରେ ଅର୍ଦ୍ଧଶତକ ହାସଲ କରିବାରେ ସର୍ବକନିଷ୍ଠ ଭାରତୀୟ କ୍ରିକେଟର ହୋଇଥିଲେ। ପ୍ରଥମ ଟି-୨୦ ମ୍ୟାଚ୍‌ ରେ ସେ ୩୯ ରନ୍ ସ୍କୋର କରିଥିଲେ ମଧ୍ୟ ଭାରତୀୟ ଦଳ ପରାଜୟ ବରଣ କରିଥିଲା। ଭାରତୀୟ ୧୮ ରନ୍ ସ୍କୋର କରିବା ବେଳକୁ ୨ ୱିକେଟ୍ ହରାଇ ସାରିଥିଲା। ସେତେ ବେଳେ ବ୍ୟାଟିଂ କରିବାକୁ ଆସିଥିଲେ ତିଲକ ବର୍ମା। ସେ ଇଶାନ କିଶନଙ୍କ (୨୭) ସହ ୪୨ ଏବଂ ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ସହ ୩୮ ରନ୍ ଭାଗିଦାରୀ କରିଥିଲେ। କ୍ୟାପ୍ଟେନ ହାର୍ଦ୍ଦିକ ହାର୍ଦ୍ଦିକ ପାଣ୍ଡ୍ୟା ୨ ଛକା ମାରି ଦଳୀୟ ସ୍କୋର ବଢାଇବାକୁ ଚେଷ୍ଟା କରିଥିଲେ। ହେଲେ ଅଲଜାରି ଜୋସେଫଙ୍କ ୟର୍କର ତାଙ୍କ ୱିକେଟ୍  ଦଖଲ କରିଥିଲା।

ନିୟମିତ ବ୍ୟବଧାନରେ ୱିକେଟ୍ ହରାଇଥିଲା ଭାରତ
ଟସ୍ ଜିତିବା ପରେ ପ୍ରଥମେ ବ୍ୟାଟିଂ କରିବାକୁ ଭାରତୀୟ ଦଳ ନେଇଥିବା ନିଷ୍ପତ୍ତି ଭୁଲ ବୋଲି ପ୍ରମାଣିତ ହୋଇଥିଲା। କାରଣ ଦଳର ୱିକେଟ୍ ନିୟମିତ ବ୍ୟବଧାନରେ ଖସି ଆସୁଥିଲା। ୱେଷ୍ଟଇଣ୍ଡିଜ୍ ଅଧିନାୟକ ରୋଭମାନ ପାୱେଲ ତାଙ୍କର ବୋଲିଂ ଲାଇନ ସଠିକ୍ ଭାବରେ ବ୍ୟବହାର କରିଥିଲେ। ଓପନର୍ ଇଶାନ୍ କିଶାନ୍ ମଧ୍ୟ ୨୩ ବଲ ପାଳିରେ ଅକିଲ ହୁସେନ୍ ଙ୍କ ବଲ୍ ରେ  ଗୋଟିଏ ଛକା ମାରିଥିଲେ। ହେଲେ ରୋମାରିଓ ଶେଫର୍ ତାଙ୍କ ୱିକେଟ ଦଖଲ କରିଥିଲେ। ଶୁଭମାନ ଗିଲ (୭) ପୁଣି ଥରେ ବିଫଳ ହୋଇଥିଲେ। ଏହା ସହିତ ଉପ-ଅଧିନାୟକ ସୂର୍ଯ୍ୟକୁମାର ଯାଦବ ମଧ୍ୟ ଗୋଟିଏ ରନ୍ ସ୍କୋର କରିବା ପରେ ଆଉଟ୍ ହୋଇ ଯାଇଥିଲେ।  କାଇଲ୍ ମାୟର୍ସ ତାଙ୍କୁ ବରଖାସ୍ତ କରିଥିଲେ। ସେହିପରି ସଞ୍ଜୁ ସାମସନ୍ (୭) ମଧ୍ୟ କିଛି ବିଶେଷ କରିପାରି ନଥିଲେ। ସେ ଏକ ବଡ଼ ଶଟ୍ ଖେଳିବାର ପ୍ରୟାସକୁ ହାତଛଡ଼ା କରିଥିଲେ। ୱେଷ୍ଟ ଇଣ୍ଡିଜ ପକ୍ଷରୁ ଅକିଲ ହୁସୈନ୍, ଅଲଜାରୀ ଜୋସେଫ ଏବଂ ଶେଫର୍ଡର ଦୁଇଟି ଲେଖାଁଏ ୱିକେଟ୍ ନେଇଥିଲେ।