IMD ନିର୍ଦ୍ଦେଶକ କହିଲେ-ପାଣିପାଗର ପୂର୍ବାନୁମାନ କରିବା କଷ୍ଟସାଧ୍ୟ, ଦେଲେ ଏହି କାରଣ

Weather Department Alert: ଜଳବାୟୁ ପରିବର୍ତ୍ତନ (Climate change) ଯୋଗୁଁ ପାଣିପାଗକୁ ନେଇ ଭୟଙ୍କର ଘଟଣାଗୁଡ଼ିକର ସଠିକ୍ ପୂର୍ବାନୁମାନ କରିବାର ଏଜେନ୍ସିଗୁଡିକର ମଧ୍ୟ ବିଫଳ ହେଉଛି । ଭାରତ ପାଣିପାଗ ବିଭାଗ (India Meteorological Department) ମହାନିର୍ଦ୍ଦେଶକ ଶ୍ରୀ ମୃତ୍ୟୁଞ୍ଜୟ ମହାପାତ୍ର (Mrityunjay Mohapatra) ଏହି ସୂଚନା ଦେଇଛନ୍ତି । ସେ କହିଛନ୍ତି ଯେ ବିଶ୍ୱର ପାଣିପାଗ ଏଜେନ୍ସିଗୁଡିକ ସେମାନଙ୍କର ମନିଟରିଂ ନେଟୱାର୍କ ଓ ପାଣିପାଗ ପୂର୍ବାନୁମାନ ମଡେଲଗୁଡିକର ଉନ୍ନତି ଉପରେ ଧ୍ୟାନ ଦେଉଛନ୍ତି ।

IMD ନିର୍ଦ୍ଦେଶକ କହିଛନ୍ତି ଯେ ଦେଶରେ ମୌସୁମୀ ବର୍ଷା ହେବାକୁ ନେଇ କୌଣସି ସ୍ପଷ୍ଟ ସଂଜ୍ଞାନ ଦେଖିବାକୁ ମିଳୁନାହିଁ, କିନ୍ତୁ ଜଳବାୟୁ ପରିବର୍ତ୍ତନ ଯୋଗୁଁ ପ୍ରବଳ ବର୍ଷା ହେବା ବୃଦ୍ଧି ଘଟିଥିବାବେଳେ, ହାଲୁକା ବର୍ଷା ହ୍ରାସ ପାଇଛି । ଭାରତରେ ମୌସୁମୀ ଉପରେ ଜଳବାୟୁ ପରିବର୍ତ୍ତନର ପ୍ରଭାବ ବିଷୟରେ ପଚରାଯିବାରୁ ସେ କହିଥିଲେ, ୧୯୦୧ ରୁ ବର୍ତ୍ତମାନ ପର୍ଯ୍ୟନ୍ତ ଆମର ମୌସୁମୀ ବର୍ଷା ତଥ୍ୟ ରହିଛି । ଏହା ଅଧୀନରେ ଉତ୍ତର, ପୂର୍ବ ଏବଂ ଉତ୍ତର ପୂର୍ବ ଭାରତର କେତେକ ଅଞ୍ଚଳରେ ବୃଷ୍ଟିପାତ ହ୍ରାସ ପାଇଥିବାବେଳେ, ପଶ୍ଚିମ ରାଜସ୍ଥାନ ଭଳି କେତେକ ଅଞ୍ଚଳରେ ବର୍ଷା ବୃଦ୍ଧି ପାଇଛି ।

ମହାପାତ୍ର କହିଛନ୍ତି ଯେ ଯଦି ଆମେ ସମଗ୍ର ଦେଶକୁ ଦେଖିବା, ତେବେ ମୌସୁମୀ ବର୍ଷାର କୌଣସି ସ୍ପଷ୍ଟ ଧାରା ନାହିଁ । ମୌସୁମୀ ଅନିୟମିତ ଓ ବ୍ୟାପକ ଭାବରେ ପରିବର୍ତ୍ତନ ହୁଏ  । ଜୁଲାଇ ୨୭ ରେ କେନ୍ଦ୍ର ସରକାର ସଂସଦକୁ କହିଛନ୍ତି ଯେ ଉତ୍ତରପ୍ରଦେଶ, ବିହାର, ପଶ୍ଚିମବଙ୍ଗ, ମେଘାଳୟ ଓ ନାଗାଲାଣ୍ଡରେ ଗତ ୩୦ ବର୍ଷ ମଧ୍ୟରେ ଦକ୍ଷିଣ-ପଶ୍ଚିମ ମୌସୁମୀ ବର୍ଷା (୧୯୮୯ ରୁ ୨୦୧୮) ଠାରୁ ହ୍ରାସ ଘଟିଛି । କେନ୍ଦ୍ର କହିଛି ଯେ ଏହି ପାଞ୍ଚଟି ରାଜ୍ୟ ସମେତ ଅରୁଣାଚଳ ପ୍ରଦେଶ ଓ ହିମାଚଳ ପ୍ରଦେଶରେ ମଧ୍ୟ ବାର୍ଷିକ ହାରାହାରି ବୃଷ୍ଟିପାତରେ ଉଲ୍ଲେଖନୀୟ ହ୍ରାସ ଘଟିଛି ।

ମୃତ୍ୟୁଞ୍ଜୟ ମହାପାତ୍ର କହିଛନ୍ତି ଯେ ୧୯୭୦ ରୁ ଦୈନିକ ବୃଷ୍ଟିପାତ ତଥ୍ୟର ବିଶ୍ଳେଷଣରୁ ଜଣାପଡିଛି ଯେ ଦେଶରେ ପ୍ରବଳ ବର୍ଷା ଦିନରେ ବୃଦ୍ଧି ଘଟିଛି, ଯେତେବେଳେ କି ହାଲୁକା କିମ୍ବା ମଧ୍ୟମ ବର୍ଷା ଦିନରେ କମିଛି ।

ସେ କହିଛନ୍ତି, 'ଏହାର ଅର୍ଥ ଯଦି ବର୍ଷା ନହୁଏ ତେବେ ଏହା ଆଦୌ ହେଉନାହିଁ । ଏବଂ ଯଦି ବର୍ଷା ହେଉଛି, ତେବେ ଅଧିକ ବର୍ଷା ହେଉଛି  । ନିମ୍ନ ଚାପର ଏକ କ୍ଷେତ୍ର ସୃଷ୍ଟି ହେଲେ ବର୍ଷା ଅଧିକ ତୀବ୍ର ହୁଏ  । ଭାରତ ସମେତ ଟ୍ରପିକାଲ୍ ବେଲ୍ଟରେ ଦେଖାଯାଇଥିବା ଏହା ହେଉଛି ଏକ ଗୁରୁତ୍ୱପୂର୍ଣ୍ଣ ଧାରା । ଜଳବାୟୁ ପରିବର୍ତ୍ତନର ଫଳାଫଳ ଗବେଷଣାରୁ ପ୍ରମାଣିତ ହୋଇଛି ଯେ ପ୍ରବଳ ବର୍ଷାର ବୃଦ୍ଧି ଓ ହାଲୁକା ବୃଷ୍ଟିପାତ ଦିନରେ ହ୍ରାସ ହେଉଛି ।

ଏହା ବି ପଢ଼ନ୍ତୁ: ଝଟକା! ବର୍ତ୍ତମାନ ଟ୍ରେନ୍ ଓ ହୋଟେଲ ବୁକିଂ ବାତିଲ୍ ପାଇଁ ଦେବାକୁ ପଡିବ ଅଧିକ ଚାର୍ଜ