Bard ଓ ChatGPT କେତେ ଅଲଗା, ସର୍ଚ୍ଚ ଇଞ୍ଜିନ୍ ପାଇଁ ଏଗୁଡିକ କେତେ ବିପଜ୍ଜନକ?

Bard Vs ChatGPT: ଗୁଗୁଲର ନୂତନ ଏଆଇ ଚାଟବଟ୍ ସର୍ଭିସ ଗୁଗୁଲ୍ ବାର୍ଡ (Google Bard) ଘୋଷଣା ପରେ ଆର୍ଟିଫିସିଆଲ ଇଣ୍ଟେଲିଜେନ୍ସ ଚାଟବଟ୍ ଓ ଟେକ୍ କମ୍ପାନୀଗୁଡିକ ମଧ୍ୟରେ କିଏ ଭଲ ତାକୁ ନେଇ ରେସ୍ ଆରମ୍ଭ ହୋଇଛି । ନିଜ ୟୁଜର୍ସଙ୍କ ମତାମତ ନେବା ପାଇଁ ଗୁଗୁଲ୍ ବର୍ତ୍ତମାନ ଏହାର ନୂତନ ଏକ୍ସପେରିମେଣ୍ଟାଲ କନଭରସେସନାଲ AI ସର୍ଭିସ (Experimental Conversational AI service) ବାର୍ଡକୁ ରିଲିଜ କରିଛି । ଅର୍ଥାତ୍ କମ୍ପାନୀ ଏପର୍ଯ୍ୟନ୍ତ ବାର୍ଡର ସାର୍ବଜନୀନ ରିଲିଜ କରିନାହିଁ । କିନ୍ତୁ ବର୍ତ୍ତମାନ AI କୁ ନେଇ ମାଇକ୍ରୋସଫ୍ଟ ଓ ଗୁଗୁଲ (Microsoft and Google) ମଧ୍ୟରେ ତୀବ୍ର ଲଢେଇ ଆରମ୍ଭ ହୋଇଛି । ଏଭଳି ପରିସ୍ଥିତିରେ ବାର୍ଡ ବନାମ ଚାଟଜିପିଟି ଲଢେଇ ସହିତ ଏହା ମଧ୍ୟ ପ୍ରଶ୍ନ ଉଠିଛି ଯେ ଗୁଗୁଲ ପରି ସର୍ଚ୍ଚ ଇଞ୍ଜିନ୍ ଶୀଘ୍ର ବନ୍ଦ ହୋଇଯିବ କି? ଯଦି ଆପଣ ମଧ୍ୟ ଏହି ସମାନ ପ୍ରଶ୍ନର ଉତ୍ତର ଜାଣିବାକୁ ଚାହାଁନ୍ତି, ତେବେ ଏହି ରିପୋର୍ଟ ଆପଣଙ୍କ ପାଇଁ ଅଟେ । ଏହି ରିପୋର୍ଟରେ, ଆମେ ଆପଣଙ୍କୁ କହିବୁ ଯେ ଉଭୟ AI ଚାଟବଟ୍ ବାର୍ଡ ଓ ଚାଟ୍ ଜିପିଟି ପରସ୍ପରଠାରୁ କିପରି ଭିନ୍ନ । ଏହା ସହିତ ଆମେ ସର୍ଚ୍ଚ ଇଞ୍ଜିନ୍ ଓ ଏଆଇ ଚାଟବଟର ଏହି ଲଢେଇ ବିଷୟରେ ମଧ୍ୟ ଆପଣଙ୍କୁ ଜଣାଇବୁ ।

Bard କ’ଣ?
ବାସ୍ତବରେ, ବାର୍ଡ ହେଉଛି ଏକ ଚାଟବଟ୍ ସର୍ଭସି, ଯାହା ChatGPT ପରି ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଉପରେ ଆଧାରିତ । ବାର୍ଡ ଏପର୍ଯ୍ୟନ୍ତ ଲଞ୍ଚ ହୋଇନାହିଁ, କିନ୍ତୁ କମ୍ପାନୀ ଏହା କିପରି କାର୍ଯ୍ୟ କରେ ଓ ଏହାର ଫିଚର ବିଷୟରେ କିଛି ସୂଚନା ପ୍ରଦାନ କରିଛି । ସର୍ବଶେଷ ସୂଚନା ଅନୁଯାୟୀ, ବାର୍ଡ LaMDA ଟେକ୍ନୋଲୋଜି ବ୍ୟବହାର କରି ନିର୍ମିତ । ଏହା LaMDA ଓ ଗୁଗୁଲର ନିଜସ୍ୱ କଥାବାର୍ତ୍ତା AI ଚାଟବଟ୍ ଉପରେ ଆଧାରିତ । ଗୁଗୁଲ ସିଇଓ ସୁନ୍ଦର ପିଚାଇ ଏହାକୁ ଏକ "ଏକ୍ସପେରିମେଣ୍ଟାଲ କନଭରସେସନାଲ AI ସର୍ଭିସ" ବୋଲି କହିଛନ୍ତି ଓ ଗୁଗୁଲ ଏହାକୁ ଆସନ୍ତା ସପ୍ତାହରେ ଟେଷ୍ଟରଙ୍କ ପାଇଁ ଖୋଲିବ ଓ ଏହାକୁ ଟେଷ୍ଟ କରିବା ପରେ ବାର୍ଡ ଜନସାଧାରଣଙ୍କ ପାଇଁ ବ୍ୟାପକ ଭାବେ ଉପଲବ୍ଧ ହେବ ।

ChatGPT କ’ଣ?
ChatGPT ମଧ୍ୟ ଏକ AI ଆଧାରିତ ଚାଟବଟ୍ ଅଟେ । ପୂର୍ବ-ତଥ୍ୟ ଉପରେ ଆଧାର କରି ଏହା ସମସ୍ତ ପ୍ରଶ୍ନର ଉତ୍ତର ଦେଇଥାଏ । ଗଭୀର ଦାର୍ଶନିକ ପ୍ରଶ୍ନଠାରୁ ଛୋଟ ସମସ୍ୟା ପର୍ଯ୍ୟନ୍ତ ଆପଣ ChatGPT କୁ ପଚାରିପାରିବେ । ଏହା ପ୍ରାୟ ସଠିକ୍ ଉତ୍ତର ଦେଇଥାଏ । ଏହା କାରଣ ଯୋଗୁଁ ଚାଟ୍ ଜିପିଟି କିଛି ଦିନ ମଧ୍ୟରେ ସମଗ୍ର ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି । ଓ ମାତ୍ର ଦୁଇମାସ ମଧ୍ୟରେ ଏହା ୧୦୦ ମିଲିୟନ୍ ଅର୍ଥାତ୍ ୧୦ କୋଟି ଉପଭୋକ୍ତାଙ୍କ ସଂଖ୍ୟା ଅତିକ୍ରମ କରିଛି ।

OpenAI କ’ଣ?
ChatGPT ସହିତ, OpenAI ବିଷୟରେ ଲୋକଙ୍କ ମଧ୍ୟରେ ବହୁତ ଦ୍ୱନ୍ଦ୍ୱ ଅଛି । ବାସ୍ତବରେ, OpenAI ନାମକୁ ନେଇ ଲୋକମାନେ ଅନୁମାନ କରୁଛନ୍ତି ଯେ ଏହାର ଅର୍ଥ 'ଖୋଲା ଅଛି', କିନ୍ତୁ ଏହା ଏକ କମ୍ପାନୀର ନାମ, ଯାହା ଚାଟ୍ ଜିପିଟି ସୃଷ୍ଟି କରିଛି । ବର୍ତ୍ତମାନ କମ୍ପାନୀ ଏହାର ପ୍ରିମିୟମ୍ ସବସ୍କ୍ରିପସନ୍ ପ୍ଲାନ ଜାରି କରିଛି । ଅର୍ଥାତ କମ୍ପାନୀର ଏକ ବ୍ୟାସ୍ମୁକ୍ତ ସର୍ଭିସ ମଧ୍ୟ ଅଛି, କିନ୍ତୁ ସବସ୍କ୍ରିପସନ ସର୍ଭସି ବହୁତ ଦ୍ରୁତ ଓ ନୂତନ ଫିଚର ସହିତ ଆସିଥାଏ ।

କହିରାକୁଛୁ ଯେ OpenAI ୩୦ ନଭେମ୍ବର, ୨୦୨୨ ରେ ChatGPT ଲଞ୍ଚ କରିଥିଲା । OpenAI ହେଉଛି ଆର୍ଟିଫିସିଆଲ ଇଣ୍ଟେଲିଜେନ୍ସ ଉପରେ ଏକ ରିସର୍ଚ୍ଚ କରୁଥିବା ଏକ କମ୍ପାନୀ । ଏହା ୨୦୧୫ ମସିହାରେ ଏଲୋନ୍ ମସ୍କ ଓ ସାମ୍ ଆଲ୍ଟମ୍ୟାନଙ୍କ ଦ୍ୱାରା ଆରମ୍ଭ ହୋଇଥିଲା । ତେବେ ୨୦୧୮ ମସିହାରେ, ଏଲୋନ୍ ମସ୍କ ଏହି କମ୍ପାନୀ ଛାଡି ଦେଇଥିଲେ । OpenAI ରେ ମାଇକ୍ରୋସଫ୍ଟ ସହିତ ଅନେକ ବଡ କମ୍ପାନୀଗୁଡିକର ନିବେଶ ଅଛି ।

ସର୍ଚ୍ଚ ଇଞ୍ଜିନକୁ ବନ୍ଦ କରିଦେବ କି AI?
ଏହାର ଉତ୍ତର ନାଁ । ChatGPT ଲଞ୍ଚ ହେବା ପରେ, ଏହାର ଲୋକପ୍ରିୟତା ଦେଖି ଗୁଗୁଲ ସମେତ ଅନେକ ଟେକ୍ ଏକ୍ସପର୍ଟ ସର୍ଚ୍ଚ ଇଞ୍ଜିନକୁ ବିପଦ ବୋଲି କହିଥିଲେ । କିନ୍ତୁ ବର୍ତ୍ତମାନ ଏପରି ହେବ ବୋଲି ଲାଗୁନାହିଁ । ମାଇକ୍ରୋସଫ୍ଟ ଚାଟଜିପିଟିକୁ ଏହାର ଅନେକ ସର୍ଭସି ସହିତ ସଜାଇଛି ଓ ବର୍ତ୍ତମାନ ମାଇକ୍ରୋସଫ୍ଟ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଉପରେ ଆଧାର କରି ନୂଆ ୱିଙ୍ଗ ଓ ବିଜ୍ଞାପନ ବ୍ରାଉଜର ଲଞ୍ଚ କରିଛି । ଏଥି ସହିତ, ଗୁଗୁଲ ବାର୍ଡ ଘୋଷଣା ସହିତ ଏହା ମଧ୍ୟ କହିଛି ଯେ ନୂତନ ଏଆଇ ଟୁଲ୍ ସାହାଯ୍ୟରେ ଗୁଗୁଲ ୟୁଜର୍ସଙ୍କୁ 'ବୁଦ୍ଧିମତା ଓ ସୃଜନଶୀଳତାର ମିଶ୍ରଣ' ସହିତ ଉତ୍ତର ପ୍ରଦାନ କରିବାକୁ ଯାଉଛି । ବର୍ତ୍ତମାନ ଲୋକଙ୍କ ପ୍ରଶ୍ନର ଉତ୍ତର ଦେବାକୁ ଯାଇ ଗୁଗୁଲ୍ ଅନ୍ୟ ୱେବସାଇଟର ଲିଙ୍କ୍ ମଧ୍ୟ ପ୍ରଦାନ କରୁଛି । ଅର୍ଥାତ ଗୁଗୁଲ୍ ସର୍ଚ୍ଚ ଇଞ୍ଜିନ୍ ବନ୍ଦ କରିବ ନାହିଁ, ବରଂ କମ୍ପାନୀ ଏହି ସର୍ଚ୍ଚ ଇଞ୍ଜିନ୍ ସହିତ AI ଚାଟବଟ୍ ଅପଡେଟ୍ କରିପାରିରେ ।

ଏହା ବି ପଢ଼ନ୍ତୁ: Earthqauke In India: ଭାରତର ଏହି ସହରଗୁଡିକରେ ବିନାଶ ଆଣିପାର ଭୂକମ୍ପ, ତାଲିକାରେ ଦେଖନ୍ତୁ ଓଡି଼ଶାର ଅଛି କେଉଁ ସବୁ ଅଞ୍ଚଳ?