Hardik Pandya Wedding: ଦ୍ୱିତୀୟ ଥର ଲାଗି ନତାଶା ଷ୍ଟାନକୋଭିକଙ୍କ ହାତ ଧରିଲେ ହାର୍ଦ୍ଦିକ ପାଣ୍ଡ୍ୟା

Hardik Pandya Natasa Stankovic Wedding: ବିବାହ ବନ୍ଧନରେ ବାନ୍ଧି ହୋଇଛନ୍ତି ଭାରତୀୟ କ୍ରିକେଟ ଦଳର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା। ଉଦୟପୁର ଠାରେ ନତାଶା ଷ୍ଟାନକୋଭିକଙ୍କ ହାତ ଧରିଛନ୍ତି କ୍ରିକେଟର  ହାର୍ଦ୍ଦିକ ପାଣ୍ଡ୍ୟା। କ୍ରିକେଟର ପାଣ୍ଡ୍ୟା ଏବଂ ତାଙ୍କ ମଡେଲ-ଅଭିନେତ୍ରୀ ପତ୍ନୀ ନତାଶାଙ୍କ ଏହା ଏକ ସ୍ୱତନ୍ତ୍ର ଭାଲେଣ୍ଟାଇନ୍ସ ଡେ ଉତ୍ସବ ରହିଥିଲା ଯାହାକୁ ସେମାନେ ସେମାନଙ୍କର ଘନିଷ୍ଠ ବନ୍ଧୁ ଏବଂ ପରିବାର ସହିତ ପାଳନ କରିଥିଲେ। 

ବିବାହ ଫଟୋ ସେୟାର କରିଛନ୍ତି ହାର୍ଦ୍ଦିକ ପାଣ୍ଡ୍ୟା: ନିଜ ବିବାହ ଫଟୋ ସେୟାର କରି ହାର୍ଦ୍ଦିକ ପାଣ୍ଡ୍ୟା ଲେଖିଛନ୍ତି ଯେ ଆମେ ତିନି ବର୍ଷ ପୂର୍ବେ ନିଆଯାଇଥିବା ଶପଥକୁ ଦୋହରାଇ ଏହି ପ୍ରେମ ଦ୍ୱୀପରେ ଭାଲେଣ୍ଟାଇନ୍ସ ଡେ ପାଳନ କରିଥିଲୁ। ଆମର ପ୍ରେମ ଏବଂ ଉତ୍ସବ ପାଳନ କରିବାକୁ ଆମ ପରିବାର ଏବଂ ସାଙ୍ଗ ଆମ ସହିତ ରହିଥିବାରୁ ଆମେ ଆଶୀର୍ବାଦପ୍ରାପ୍ତ ହୋଇଛୁ।

ଖ୍ରୀଷ୍ଟିଆନ ରୀତିନୀତିରେ ବିବାହ:  ହାର୍ଦ୍ଦିକ ପାଣ୍ଡ୍ୟା ଏବଂ ନତାଶା ଷ୍ଟାନକୋଭିକ୍ ଖ୍ରୀଷ୍ଟିଆନ ରୀତିନୀତି ଅନୁଯାୟୀ ବିବାହ କରିଛନ୍ତି।

ପୁନଃ ବିବାହ: କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଏବଂ ତାଙ୍କ ମଡେଲ-ଅଭିନେତ୍ରୀ ପତ୍ନୀ ନତାଶା ଷ୍ଟାନକୋଭିକ୍ ପୁନଃ ବିବାହ କରିଛନ୍ତି। ଉଭୟେ ୨୦୨୦ ବର୍ଷରେ ଲାଗୁ ହୋଇଥିବା ଲକଡାଉନ୍ ସମୟରେ ଉଭୟ ବିବାହ କରିଥିଲେ।

ବିବାହରେ ଯୋଗ ଦେଲେ ପୁଅ ଅଗସ୍ତ୍ୟା:  ହାର୍ଦ୍ଦିକ ପାଣ୍ଡ୍ୟା ଏବଂ ନତାଶା ଷ୍ଟାନକୋଭିକଙ୍କ ପୁଅ ଅଗସ୍ତ୍ୟା ମଧ୍ୟ ଏହି ବିବାହରେ ଉପସ୍ଥିତ ରହିଥିଲେ। ଗତ ୨୦୨୦ ବର୍ଷରେ ଜନ୍ମଗ୍ରହଣ କରିଥିଲେ ଅଗସ୍ତ୍ୟା।