Gujarat Sextortion Case: ପ୍ରଥମେ କଲା ଉଲଗ୍ନ, ତା'ପରେ ଲୁଟିଲେ ୨.୭୦ କୋଟି ଟଙ୍କା

Gujarat Sextortion Case: ମୋବାଇଲରେ ଆସୁଥିବା ଅଜ୍ଞାତ ମହିଳାଙ୍କ ଫୋନ୍ କଲ୍ ଠାରୁ ଦୂରେଇ ରୁହନ୍ତୁ ଓ ସେମାନଙ୍କର ମଧୁର କଥାର ଜାଲରେ ଫସନ୍ତୁ ନାହିଁ । ଅନ୍ୟଥା ଆପଣଙ୍କୁ ମଧ୍ୟ ସର୍ବଶାନ୍ତ ହେବାକୁ ସମୟ ଲାଗିବ ନାହିଁ । ଏହି ଖବର ପଢ଼ି ନିଅନ୍ତୁ ତେବେ ଆପଣ ସବୁକିଛି ବୁଝି ପାରିବେ ଓ ତାପରେ ଆପଣ ମଧ୍ୟ ପଥଭ୍ରଷ୍ଟ ହେବା ଓ ଲୁଟର ଶିକାର ହେବାରୁ ରକ୍ଷା ପାଇଯିବେ । ଏହି ପ୍ରକାରର ଗ୍ୟାଙ୍ଗର ବିସ୍ତାର ଅତି ଦ୍ରୁତ ଗତିରେ ହେଉଛି । ଗୁଜୁରାଟର ଅହମ୍ମଦାବାଦରୁ ଏକ ଅଜବ ମାମଲା ସାମ୍ନାକୁ ଆସିଛି । ଏଠାରେ ଜଣେ ବ୍ୟବସାୟୀ (Ahmedabad Businessman) ଙ୍କ ଠାରୁ ୨ କୋଟିରୁ ଉର୍ଦ୍ଧ୍ୱ ଟଙ୍କାର ଲୁଟ ମାମଲା ସାମ୍ନାକୁ ଆସିଛି । ପୋଲିସ ଅଧିକାରୀ କହିଛନ୍ତି ଯେ, ଗୁଜୁରାଟର ଜଣେ ବ୍ୟବସାୟୀ 'ସେକ୍ସଟୋର୍ସନ୍'ର ଜାଲରେ ଫସି ୨.୬୯ କୋଟି ଟଙ୍କା ହରାଇଛନ୍ତି । ପୋଲିସ ତରଫରୁ ମିଳିଥିବା ସୂଚନା ଅନୁଯାୟୀ ପୀଡିତ ଅକ୍ଷୟ ଗୋଟିଏ ଶକ୍ତି କମ୍ପାନୀ ଚଳାନ୍ତି ।

ସୂଚନା ମୁତାବକ, କମ୍ପାନୀ ଚଳାଉଥିବା ପୀଡିତ ଅକ୍ଷୟଙ୍କୁ ଗତ ବର୍ଷ ଅଗଷ୍ଟ ୮ରେ ଜଣେ ମହିଳାଙ୍କଠାରୁ କଲ୍ ଆସିଥିଲା । ମହିଳା ଜଣକ ତାଙ୍କୁ କହିଥିଲେ ଯେ ତାଙ୍କ ନାମ ରିୟା ଶର୍ମା ଓ ସେ ମୋର୍ବିରେ ରୁହନ୍ତି । ପରେ ସେ ତାଙ୍କୁ ଭିଡିଓ କଲ୍ ସମୟରେ ଉଲଗ୍ନ ବା ନ୍ୟୁଡ୍ ହେବା ପାଇଁ ରାଜି କରାଇନେଇଥିଲା ଓ ପରେ ହଠାତ୍ କଲ୍ କାଟି ଦେଲା । ଏହା ପରେ ମହିଳା ପୀଡିତ ଅକ୍ଷୟଙ୍କ ଠାରୁ ୫୦,୦୦୦ ଟଙ୍କା ମାଗିଥିଲା । ମହିଳା ଜଣକ ଧମକ ଦେଇଥିଲା ଯେ ଯଦି ସେ ତାହା ନକରନ୍ତି ତେବେ ସେ ତାଙ୍କ ନଗ୍ନ ବା ନ୍ୟୁଡ୍ ଭିଡିଓ କ୍ଲିପକୁ ଭାଇରାଲ କରିଦେବ ।

ଅଧିକ ପଢ଼ନ୍ତୁ:-ହାର୍ଦ୍ଦିକ ପାଣ୍ଡ୍ୟାଙ୍କ ବଢ଼ିଚାଲିଛି ଗର୍ବ ଅହଂକାର! ରୋହିତଙ୍କ ଅଧିନାୟକତ୍ୱ ଉପରେ ଏହି ମନ୍ତବ୍ୟରୁ ସୃଷ୍ଟି ହେଲା ବବାଲ

ଅଧିକ ପଢ଼ନ୍ତୁ:-ଅଷ୍ଟ୍ରେଲିଆର ନିଷ୍ପତ୍ତି ଉପରେ ରାଗି ପାଚି ଲାଲ ହେଲା ଆଫଗାନିସ୍ତାନ, ଦେଲା ଏତେ ବଡ଼ ଧମକ

ଅଧିକ ପଢ଼ନ୍ତୁ:-ଭାରତ-ନ୍ୟୁଜିଲ୍ୟାଣ୍ଡ ଟି-20 ସିରିଜ ପାଇଁ ଘୋଷଣା ହେଲା ଦଳ, ବର୍ତ୍ତମାନ ହଠାତ୍ ଏହି ବୋଲରଙ୍କୁ କରାଗଲା ଅଧିନାୟକ

କିଛି ଦିନ ପରେ ପୀଡିତ ବ୍ୟବସାୟୀ ଜଣଙ୍କୁ ଏକ କଲ୍ ଆସିଥିଲା, ଯେଉଁଥିରେ ଦାବି କରାଯାଇଥିଲା ଯେ ସେ ଦିଲ୍ଲୀ ପୋଲିସର ଇନ୍ସପେକ୍ଟର ଗୁଡୁ ଶର୍ମା । ତାଙ୍କ ପାଖରେ ଭିଡିଓ କ୍ଲିପ୍ ଥିବା କଥା କହି ସେ ୩ ଲକ୍ଷ ଟଙ୍କା ମାଗିଥିଲେ । ପୋଲିସ ଅଧିକାରୀ କହିଛନ୍ତି ଯେ, ଅଗଷ୍ଟ ୧୪ରେ ନିଜକୁ ଦିଲ୍ଲୀ ପୋଲିସ ସାଇବର ସେଲର ଜଣେ କର୍ମଚାରୀ ବୋଲି କହୁଥିବା ଅନ୍ୟ ଜଣେ ବ୍ୟକ୍ତି କଲ୍ କରିଥିଲେ । ମହିଳା ଜଣକ ଆତ୍ମହତ୍ୟା ଉଦ୍ୟମ କରିଥିବା ଦାବି କରି ସେ ୮୦.୯୭ ଲକ୍ଷ ଟଙ୍କା ମାଗିଥିଲେ । ପରେ ପୀଡ଼ିତ ଜଣକ ଜଣେ ନକଲି ସିବିଆଇ ଅଧିକାରୀଙ୍କଠାରୁ ଏକ କଲ ପାଇଥିଲେ, ଯିଏକି ମହିଳାଙ୍କ ମା' କେନ୍ଦ୍ରୀୟ ଯାଞ୍ଚ ଏଜେନ୍ସି ସହିତ ଯୋଗାଯୋଗ କରିବାକୁ ଦାବି କରିବା ପରେ ଏହି ମାମଲାର ସମାଧାନ ପାଇଁ ୮.୫୦ ଲକ୍ଷ ଟଙ୍କା ମାଗିଥିଲେ ।

ଅଧିକାରୀଙ୍କ କହିବାନୁସାରେ, ସେ ଡିସେମ୍ବର ୧୫ ପର୍ଯ୍ୟନ୍ତ ଟଙ୍କା ଦେଉଥିଲେ । ଏହା ପରେ ତାଙ୍କୁ ଦିଲ୍ଲୀ ହାଇକୋର୍ଟର ଏକ ନକଲି ଆଦେଶ ମିଳିଥିଲା ​​ଯେଉଁଥିରେ ମାମଲାକୁ ବନ୍ଦ କରିଦିଆଯିବା କଥା କୁହାଯାଇଥିଲା । ଏହା ପରେ ସେ ସନ୍ଦେହ କଲେ । ଅଧିକାରୀ କହିଛନ୍ତି ଯେ, ଭାରତୀୟ ଦଣ୍ଡବିଧି ଆଇନର ଧାରା ୩୮୭ (ଜବରଦସ୍ତି ଆଦାୟ), ୧୭୦, ୪୬୫ (ଜାଲିଆତି), ୪୨୦ ଏବଂ ୧୨୦-ବି (ଅପରାଧିକ ଷଡଯନ୍ତ୍ର) ଅନୁଯାୟୀ ଏଫ୍ଆଇଆର୍ ରୁଜୁ ହୋଇଛି ।