Gold Silver Price: ଶୀଘ୍ର କରନ୍ତୁ, ସୁନା ୧୮୦୦ ଟଙ୍କା ତ ରୁପା ୧୨୦୦୦ ଟଙ୍କା ମିଳୁଛି ଶସ୍ତା!

Gold Silver Price: ଗତ କିଛି ମାସ ଧରି ସୁନା ମୂଲ୍ୟ (Gold Price) ରେ କ୍ରମାଗତ ବୃଦ୍ଧିର ପର୍ଯ୍ୟାୟ ଉପରେ ବ୍ରେକ୍ ଲାଗୁଥିବାର ଦେଖାଯାଉଛି । ପୁଣିଥରେ ସୁନା ମୂଲ୍ୟରେ ହ୍ରାସ ଦେଖିବାକୁ ମିଳୁଛି । ଏହି ବାଣିଜ୍ୟ ସପ୍ତାହର ପଞ୍ଚମ ଦିନରେ ଭାରତୀୟ ଶର୍ରାଫା ବଜାରରେ ଯେଉଁଠାରେ ସୁନା ମୂଲ୍ୟ ଖସିଛି । ଅନ୍ୟପଟେ ରୁପା ମୂଲ୍ୟ (Silver Price) ରେ ବୃଦ୍ଧି ରେକର୍ଡ କରାଯାଇଛି । ଶୁକ୍ରବାର ସୁନା ମୂଲ୍ୟ (Gold Rate) ୧୦ ଗ୍ରାମ ପିଛା ୩୩୩ ଟଙ୍କା ଶସ୍ତା ହୋଇଥିବାବେଳେ ରୁପା ମୂଲ୍ୟ (Silver Rate) କିଲୋଗ୍ରାମ ପିଛା ୨୧୭ ଟଙ୍କା ବୃଦ୍ଧି ପାଇଛି । ଏହା ପରେ ସୁନା ୧୦ ଗ୍ରାମ ପିଛା ପ୍ରାୟ ୫୪,୪୦୦ ଟଙ୍କା ଓ ରୁପା କିଲୋଗ୍ରାମ ପିଛା ପ୍ରାୟ ୬୭,୯୦୦ ଟଙ୍କା ଦରରେ ବିକ୍ରି ହୋଇଛି । ଆପଣଙ୍କୁ କହି ରଖୁଛୁ ଯେ, ଛୁଟିଦିନ ଯୋଗୁଁ ଶନିବାର ଓ ରବିବାର ଦିନ ସୁନା-ରୂପାର ନୂତନ ମୂଲ୍ୟ ଜାରି ହୁଏ ନାହିଁ । ଏବଂ ଶୁକ୍ରବାର ଦିନର ମୂଲ୍ୟ ଉପରେ କ୍ରୟ ଓ ବିକ୍ରୟ କରାଯାଇଥାଏ ।

ଉଲ୍ଲେଖନୀୟ କଥା ହେଉଛି, ଗତ କିଛି ଦିନ ହେବ ସୁନା ଓ ରୁପା ମୂଲ୍ୟରେ କ୍ରମାଗତ ଅସ୍ଥିରତା ଚାଲିଛି । ସୁନା ଓ ରୂପା ମୂଲ୍ୟ ବେଳେବେଳେ ହ୍ରାସ ହୁଏ ଓ ବେଳେବେଳେ ବଢ଼ିବାରେ ଲାଗେ । ଏଭଳି ପରିସ୍ଥିତିରେ ଗ୍ରାହକ ନିଜର କ୍ରୟକୁ ନେଇ ସଂଶୟରେ ଅଛନ୍ତି । ସୁନା ଓ ରୁପା କିଣିବା ସେମାନଙ୍କ ପାଇଁ କେବେ ଲାଭଦାୟକ ହେବ ଲୋକମାନେ ବୁଝିପାରୁ ନାହାଁନ୍ତି । ଅନ୍ୟପକ୍ଷରେ, ଶର୍ରାଫା ବଜାର ବିଶେଷଜ୍ଞମାନେ କହିଛନ୍ତି ଯେ, ବର୍ତ୍ତମାନ ଲୋକମାନେ ସୁନା ଓ ରୁପା ଶସ୍ତା କିଣିବା ପାଇଁ ଏକ ବଡ଼ ସୁଯୋଗ ପାଇଛନ୍ତି । କାରଣ ଆଗାମୀ ଦିନରେ ସୁନା ସହିତ ରୁପା ମୂଲ୍ୟ ଆହୁରି ବୃଦ୍ଧି ପାଇବ । ଏହାସହ ଉଭୟ ମୂଲ୍ୟବାନ ଧାତୁ ନୂତନ ରେକର୍ଡ ସୃଷ୍ଟି କରିପାରେ ।

ଇଣ୍ଡିଆନ୍ ବୁଲିଅନ୍ ଜୁଏଲର୍ସ ଆସୋସିଏସନ୍ (IBJA) ର ୱେବସାଇଟ୍ ଅନୁଯାୟୀ, ଶୁକ୍ରବାର (ଡିସେମ୍ବର ୨୩), ଏହି ବାଣିଜ୍ୟ ସପ୍ତାହର ପଞ୍ଚମ ଦିନରେ ସୁନା ୧୦ ଗ୍ରାମ ପିଛା ୩୩୩ ଟଙ୍କା ଶସ୍ତା ହୋଇ ୫୪,୩୬୬ ଟଙ୍କାରେ ବନ୍ଦ ହୋଇଥିଲା । ଅନ୍ୟପଟେ ଗତ ବାଣିଜ୍ୟ ଦିନ ଗୁରୁବାରକୁ ସୁନା ୧ ଟଙ୍କା ଶସ୍ତା ହୋଇ ୧୦ ଗ୍ରାମ ପିଛା ୫୪,୬୯୯ ଟଙ୍କାରେ ବନ୍ଦ ହୋଇଥିଲା । ସେପଟେ, ରୁପା ୨୧୭ ​​ଟଙ୍କା ବୃଦ୍ଧି ସହ କିଲୋଗ୍ରାମ ପିଛା ୬୭,୮୨୨ ଟଙ୍କା ସ୍ତରରେ ବନ୍ଦ ହୋଇଛି । ଗୁରୁବାରର ଶେଷ ବାଣିଜ୍ୟ ଦିନରେ ରୁପା ୫୭୨ ଟଙ୍କା ହ୍ରାସ ହୋଇ କିଲୋଗ୍ରାମ ପିଛା ୬୭,୬୦୫ ଟଙ୍କା ରହିଥିଲା ।

ଅଧିକ ପଢ଼ନ୍ତୁ:-ବାଂଲାଦେଶ ହାତରୁ ବିଜୟ ଛଡ଼ାଇ ଆଣିଲେ ଅଶ୍ୱିନ ଓ ଆୟର, ୩ ୱିକେଟରେ ଦ୍ୱିତୀୟ ଟେଷ୍ଟ ମ୍ୟାଚ୍ ଜିତିଲା ଟିମ୍ ଇଣ୍ଡିଆ

ଅଧିକ ପଢ଼ନ୍ତୁ:-ଯୌନ ସମସ୍ୟା ଦୂର କରିବା ତଥା ସ୍ପର୍ମ କାଉଣ୍ଟ ବୃଦ୍ଧି ପାଇଁ ପୁରୁଷମାନେ ନିଶ୍ଚିତ ଖାଆନ୍ତୁ ଏହି ୬ଟି ସୁପର ଖାଦ୍ୟ

ଅଧିକ ପଢ଼ନ୍ତୁ:-୨୦୦୩ରେ ସୌରଭ ଗାଙ୍ଗୁଲିଙ୍କ ଅଧିନାୟକତ୍ୱରେ କରିଥିଲେ ଡେବ୍ୟୁ, ଆଇପିଏଲରେ ଏହି ଖେଳାଳୁଙ୍କୁ ୫୦ ଲକ୍ଷରେ କିଣିଲା ଲକ୍ଷ୍ନୌ ଟିମ୍!

ଶୁକ୍ରବାର ଇଣ୍ଡିଆନ୍ ବୁଲିଅନ୍ ଜୁଏଲର୍ସ ଆସୋସିଏସନ୍ (IBJA) ର ଓଲଟା ମଲ୍ଟି କମୋଡିଟି ଏକ୍ସଚେଞ୍ଜ (MCX) ରେ ସୁନା ଓ ରୁପା ଦରରେ ବୃଦ୍ଧି ଘଟିଥିଲା  । MCX ଉପରେ ସୁନା ୧୩୨ ଟଙ୍କା ମହଙ୍ଗା ହୋଇ ୫୪,୬୦୬ ଟଙ୍କାରେ ବନ୍ଦ ହୋଇଥିଲା । ଅନ୍ୟପଟେ ରୁପା ୪୯୮ ଟଙ୍କା ବୃଦ୍ଧି ସହିତ ୬୯,୦୧୮ ଟଙ୍କା ସ୍ତରରେ କାରବାର କରୁଥିଲା । ବର୍ତ୍ତମାନ ସୁନା ନିଜର ସର୍ବକାଳୀନ ଉଚ୍ଚତା ଠାରୁ ପ୍ରାୟ ୧,୮୩୪ ଟଙ୍କା ପ୍ରତି ୧୦ ଗ୍ରାମ ଶସ୍ତା ବିକ୍ରି ହେଉଛି । ଅଗଷ୍ଟ ୨୦୨୦ରେ ସୁନା ଏହାର ସର୍ବକାଳୀନ ଉଚ୍ଚତା ସୃଷ୍ଟି କରିଥିଲା ।​ ସେତେବେଳେ ସୁନା ୧୦ ଗ୍ରାମ ପିଛା ୫୬,୨୦୦ ଟଙ୍କା ସ୍ତରକୁ ଯାଇଥିଲା । ଅନ୍ୟପକ୍ଷରେ ରୁପା ନିଜର ଉଚ୍ଚତମ ସ୍ତରରୁ ପ୍ରାୟ କିଲୋଗ୍ରାମ ପିଛା ୧୨,୧୫୮ ଟଙ୍କା  ଶସ୍ତା ରହିଥିଲା । ବର୍ତ୍ତମାନ ପର୍ଯ୍ୟନ୍ତ ରୁପାର ସର୍ବକାଳୀନ ଉଚ୍ଚ ସ୍ତର କିଲୋଗ୍ରାମ ପିଛା ହେଉଛି  ୭୯,୯୮୦ ଟଙ୍କା । ଏପରି ପରିସ୍ଥିତିରେ, ଯେଉଁମାନେ ସୁନା କିମ୍ବା ରୁପା କିଣିବାକୁ ଯୋଜନା କରୁଛନ୍ତି, ସେମାନଙ୍କ ପାଇଁ କ୍ରୟ କରିବାର ଏହା ଏକ ଭଲ ସମୟ ବୋଲି ପ୍ରମାଣିତ ହୋଇପାରେ ।