Ration Card Update: ଏହି ଲୋକଙ୍କୁ ମିଳିବନି ମାଗଣା ରାସନ, ପାଇବାକୁ ଚାହୁଁଥିଲେ କରନ୍ତୁ ଏହି କାମ

Ration Card Update: ଦେଶର ନାଗରିକମାନଙ୍କୁ ଆର୍ଥିକ ଦୃଷ୍ଟିରୁ ସ୍ୱଚ୍ଛଳ କରିବା ପାଇଁ କେନ୍ଦ୍ର ସରକାର ଅନେକ ଯୋଜନା ପ୍ରସ୍ତୁତ କରିଛନ୍ତି। ଯାହାର ଲାଭ ଉଠାଉଛନ୍ତି ଦେଶରେ ଲକ୍ଷ ଲକ୍ଷ ଅଭାବୀ ଲୋକ । ସମସ୍ତ ଗରିବ ଲୋକଙ୍କ ପାଇଁ ସରକାର ରାସନ କାର୍ଡ ବ୍ୟବସ୍ଥା କରିଛନ୍ତି। ଏହି କାର୍ଡଗୁଡ଼ିକ ଶ୍ରେଣୀ ଅନୁଯାୟୀ ପ୍ରସ୍ତୁତ । ଏହା ସହିତ ଲୋକମାନେ ମାଗଣାରେ କିମ୍ବା କମ୍ ମୂଲ୍ୟରେ ରାସନ ପାଇପାରିବେ । ତେବେ ଆପଣଙ୍କୁ କହିରଖୁଛୁ ଯେ, ରାସନ କାର୍ଡଗୁଡ଼ିକ ପାଇଁ ଇ- KYC କରିବା ଆବଶ୍ୟକ । ଯଦି ଆପଣ ଏପର୍ଯ୍ୟନ୍ତ ଇ- KYC କରିନାହାଁନ୍ତି, ତେବେ ଏହାକୁ ଶୀଘ୍ର କରନ୍ତୁ କାରଣ ସରକାର ଏହାର ତାରିଖ ବଢାଇ ଦେଇଛନ୍ତି ।

ଇ- KYC କେବେ କରିବେ?
ରାସନ କାର୍ଡଧାରୀମାନଙ୍କୁ ସରକାରଙ୍କ ତରଫରୁ ମାଗଣା ଖାଦ୍ୟ ଶସ୍ୟ ପ୍ରଦାନ କରାଯାଇଥାଏ । କିନ୍ତୁ ସରକାର ଏଥିପାଇଁ କିଛି ନିୟମ କରିଛନ୍ତି । ଯାହାକୁ ଅନୁସରଣ କରିବା ହିତାଧିକାରୀଙ୍କ ପାଇଁ ଆବଶ୍ୟକ । ଏହାକୁ ପାଳନ ନକଲେ ହିତାଧିକାରୀ ରାସନ ସାମଗ୍ରୀରୁ ବଞ୍ଚିତ ହୋଇପାରନ୍ତି । ରାସନ କାର୍ଡ ଧାରକମାନଙ୍କ ପାଇଁ KYC କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଯଦି ଆପଣ ନିର୍ଦ୍ଦିଷ୍ଟ ସମୟ ମଧ୍ୟରେ KYC ସମାପ୍ତ ନକରନ୍ତି ତେବେ ଆପଣଙ୍କର ରାସନ କାର୍ଡ ବାତିଲ ହୋଇଯାଇପାରେ । ଅର୍ଥାତ୍ ଆପଣ ସରକାରୀ ଯୋଜନାର ଲାଭ ପାଇବାକୁ ସକ୍ଷମ ହେବେ ନାହିଁ । ଇ-KYC ପ୍ରକ୍ରିୟା ଗତ କିଛି ମାସ ଧରି ଚାଲିଆସୁଛି । ଏହାର ଶେଷ ତାରିଖ ପ୍ରଥମେ 31 ଡିସେମ୍ବର ପର୍ଯ୍ୟନ୍ତ ସ୍ଥିର କରାଯାଇଥିଲା ବର୍ତ୍ତମାନ ସରକାର ଏହି ତାରିଖକୁ ଫେବୃଆରୀ 2025 ପର୍ଯ୍ୟନ୍ତ ବୃଦ୍ଧି କରିଛନ୍ତି।

ଇ- KYC କିପରି କରିବେ
ରାସନ କାର୍ଡର E-KYC ଆପଣ ଦୁଇଟି ଉପାୟରେ କରିପାରିବେ । ପ୍ରଥମତଃ ଆପଣ ନିଜ ରାସନ ଡିଲରଙ୍କ ନିକଟକୁ ଯାଇ KYC କରି ପାରିବେ । ଏହି ସମୟ ମଧ୍ୟରେ, KYC ସହିତ ଜଡିତ ସମସ୍ତ ଡକ୍ୟୁମେଣ୍ଟ୍ ରାସନ୍ କାର୍ଡ ସହିତ ଦେବାକୁ ପଡିବ । ଯେଉଁଥିରେ ରାସନ କାର୍ଡ, ପରିବାର ସଦସ୍ୟଙ୍କ ଆଧାର କାର୍ଡ, ମୋବାଇଲ୍ ନମ୍ବର, ପରିଚୟ ପ୍ରମାଣପତ୍ର ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ କାଗଜପତ୍ର ଦେବାକୁ ପଡିବ । ଏହା ବ୍ୟତୀତ ଅନ୍ୟ ପଦ୍ଧତି ହେଉଛି ରାସନ କାର୍ଡ ପୋର୍ଟାଲ 2.0 । ଯାହାକୁ ଆପଣ ପ୍ଲେ ଷ୍ଟୋରରୁ ଡାଉନଲୋଡ୍ କରିପାରିବେ । ଏହାକୁ ଖୋଲି ଆପଣଙ୍କର ମୋବାଇଲ୍ ନମ୍ବର ଏବଂ କ୍ୟାପଚା ପ୍ରଦାନ କରିବା ପରେ ଆପଣଙ୍କ ନମ୍ୱରକୁ ଏକ OTP ଆସିବ । OTP ଦାଖଲ କରିବା ପରେ ଆପଣ ଇ KYC କରିପାରିବେ ।

मेरा राशन 2.0 ऐप से नीचे दिए गए प्रक्रिया का पालन कर आसानी से मोबाइल नंबर अपडेट या लिंक करें। यह प्रक्रिया तेज़, सरल और पूरी तरह से डिजिटल है।

गूगल प्ले स्टोर पे उपलब्ध, डाउनलोड करें! https://t.co/YdDiLltHaa#MeraRationApp #FoodForAll #FoodSecurity #Tech4FoodSecurity pic.twitter.com/vjdp31Cdkx

— Department of Food & Public Distribution (@fooddeptgoi) December 20, 2024

ଆସନ୍ତୁ ଆପଣଙ୍କୁ କହିରଖିବାକୁ ଚାହୁଁ ଯେ, ରାସନ କାର୍ଡ ପୋର୍ଟାଲ 2.0 ମାଧ୍ୟମରେ, ଆପଣ ରାସନ କାର୍ଡ ବିନା ମଧ୍ୟ ରାସନ ପାଇପାରିବେ । ଏଥିପାଇଁ ଏହି ଆପ୍ ଆପଣଙ୍କ ଫୋନରେ ରହିବାଉଚିତ୍ । ଏଥିରେ ପଞ୍ଜୀକରଣ କରି, ଆଣ ଏହାକୁ ଆପଣଙ୍କ ରାସନ ଡିଲରଙ୍କୁ ଦେଖାଇ ରାସନ ନେଇପାରିବେ ।

Disclamer: (ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହା ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।

Also Read- Top 10 News: ବଣ୍ଡାଘାଟିବାସୀଙ୍କୁ ଆବାସ ପାଇଁ ଅଧିକ ୫୦ ହଜାର ଖବର ସହ ଅନ୍ୟାନ୍ୟ ଅପଡେଟ୍

Also Read- ୫ ହଜାର ଟଙ୍କା ଲାଞ୍ଚ ନେବାବେଳେ ଟେକ୍ସଟାଇଲ୍ ଇନ୍ସପେକ୍ଟରଙ୍କୁ ଧରିଲା ଭିଜିଲାନ୍ସ