Earthquake in Delhi: ଦିଲ୍ଲୀ-ଏନସିଆରରେ ହଲିଲା ପୃଥିବୀ, ଜାଣନ୍ତୁ ତୀବ୍ରତା

Earthquake in Delhi: ଦିଲ୍ଲୀରେ ପୁଣି ଥରେ ଭୂକମ୍ପ ଅନୁଭୂତ ହୋଇଛି । ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୨.୬ ଥିଲା । ଉତ୍ତର ଦିଲ୍ଲୀର ଲୋକମାନେ ଅପରାହ୍ନ ୩.୩୬ ରେ ଭୂକମ୍ପର କମ୍ପନ ଅନୁଭବ ହୋଇଥିଲେ । ନ୍ୟାସନାଲ ସେଣ୍ଟର ଫର ସେସମୋଲୋଜି ଅନୁଯାୟୀ ଏହାର କେନ୍ଦ୍ର ଉତ୍ତର ଦିଲ୍ଲୀର ଭୂମି ପୃଷ୍ଠରୁ ୧୦ କିଲୋମିଟର ତଳେ ଥିଲା।

ଏହାର କିଛି ଦିନ ପୂର୍ବରୁ ପଶ୍ଚିମ ନେପାଳରେ ୫.୬ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଘଟିଥିଲା । ଯାହା ପରେ ଦିଲ୍ଲୀ ଏନସିଆର ଏବଂ ଉତ୍ତର ଭାରତର ଅନେକ ସ୍ଥାନରେ ଭୂକମ୍ପ ଅନୁଭୂତ ହୋଇଥିଲା ।

ଏହାପୂର୍ବରୁ, ୩ ଅକ୍ଟୋବରରେ ଦିଲ୍ଲୀ-ଏନସିଆର ସମେତ ଉତ୍ତର ଭାରତର ଅନେକ ଅଞ୍ଚଳରେ ପ୍ରବଳ ଭୂକମ୍ପ ଅନୁଭୂତ ହୋଇଥିଲା । ନ୍ୟାସନାଲ ସେଣ୍ଟର ଫର ସେସମୋଲୋଜି ଅନୁଯାୟୀ ସେହି ସମୟରେ ଭୂକମ୍ପର ତୀବ୍ରତା ୬.୨ ରେ ମାପ କରାଯାଇଥିଲା ।

ରାଜଧାନୀ ଦିଲ୍ଲୀ ଏବଂ ଏନସିଆର ଅଞ୍ଚଳ ଜୋନ୍-୪ ଅଧୀନରେ ଅଛି । ଭୂକମ୍ପ ଯୋଗୁଁ ଏହି ଅଞ୍ଚଳ ଅଧିକ ବିପଦପୂର୍ଣ୍ଣ ବୋଲି ବିବେଚନା କରାଯାଏ ।

୬ ନଭେମ୍ବରରେ ମଧ୍ୟ ହୋଇଥିଲା ଏକ ଭୂକମ୍ପ 
ସୂଚନାଯୋଗ୍ୟ ଯେ ଚଳିତ ମାସରେ ତୃତୀୟ ଥର ପାଇଁ ଦିଲ୍ଲୀ-ଏନସିଆରରେ ଭୂକମ୍ପ ଅନୁଭୂତ ହୋଇଛି । ଏହାପୂର୍ବରୁ ୬ ନଭେମ୍ବର ସନ୍ଧ୍ୟାରେ ଦିଲ୍ଲୀରେ ଭୂକମ୍ପ ଅନୁଭୂତ ହୋଇଥିଲା।

ନଭେମ୍ବର ୬ ପୂର୍ବରୁ ନେପାଳରେ ନଭେମ୍ବର ୩ ତାରିଖ ରାତିରେ ଏକ ଶକ୍ତିଶାଳୀ ଭୂକମ୍ପ ଘଟି ସମଗ୍ର ଉତ୍ତର ଭାରତକୁ ଥରାଇ ଦେଇଥିଲା । ଏଥିରେ ପ୍ରାୟ ୧୫୦ ଜଣଙ୍କର ମୃତ୍ୟୁ ଘଟିଥିଲା । ଏହି ଭୂକମ୍ପର କେନ୍ଦ୍ରସ୍ଥଳ ଥିଲା ନେପାଳ, ଯାହାର କମ୍ପନ ଦିଲ୍ଲୀ-ଏନସିଆର ପର୍ଯ୍ୟନ୍ତ ଅନୁଭୂତ ହୋଇଥିଲା ।

୩ ନଭେମ୍ବରରେ ଭୂକମ୍ପ ଜୋରଦାପ ହୋଇଥିଲା
ଜର୍ମାନ ଅନୁସନ୍ଧାନ କେନ୍ଦ୍ର ଅନୁଯାୟୀ, ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୬.୨ ରେ ମାପ କରାଯାଇଥିଲା। ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ ତୀବ୍ରତା ୬.୬ ଥିଲା। ଏହି ଭୂକମ୍ପର କେନ୍ଦ୍ରସ୍ଥଳ ନେପାଳରେ ଥିଲା । ପ୍ରବଳ ଭୂକମ୍ପ ଯୋଗୁଁ ଲୋକଙ୍କ ମଧ୍ୟରେ ବହୁତ ଆତଙ୍କ ଖେଳିଯାଇଥିଲା । ଭୂକମ୍ପର ତୀବ୍ରତା ଏତେ ଶକ୍ତିଶାଳୀ ଥିଲା ଯେ ଲୋକମାନେ ଘରୁ ବାହାରି ରାସ୍ତାକୁ ଆସି ଯାଇଥିଲେ । କିଛି ସେକେଣ୍ଡ ପାଇଁ ଭୂକମ୍ପର କମ୍ପନ ଅନୁଭୂତ ହୋଇଥିଲା ।