LIC ର ସିଙ୍ଗିଲ୍ ପ୍ରିମିୟମ୍ ଧନ ବୃଦ୍ଧି ପଲିସି ଆସନ୍ତା ୫ ଦିନରେ ଅର୍ଥାତ୍ ୩୦ ସେପ୍ଟେମ୍ବରରେ ବନ୍ଦ ହୋଇଯିବ । ଏପରି ପରିସ୍ଥିତିରେ, ଯଦି ଆପଣ ଏଥିରେ ନିବେଶ କରିବାକୁ ଚାହୁଁଛନ୍ତି, ତେବେ ଆପଣଙ୍କ ପାଖରେ ରଆଉ ମାତ୍ର ୫ ଦିନ ବାକି ଅଛି ।
Trending Photos
5
12
5
5 "LIC Policy (ସୌ: ସୋସିଆଲ ମିଡିଆ)")
LIC Policy: ଦେଶର ବୃହତ୍ତମ ବୀମା କମ୍ପାନୀ LIC ଉପରେ ଲକ୍ଷ ଲକ୍ଷ ଲୋକ ବିଶ୍ୱାସ କରନ୍ତି । LIC ସମୟ ସମୟରେ ଲୋକଙ୍କ ପାଇଁ ଭିନ୍ନ ଭିନ୍ନ ପଲିସି ଆଣେ । ସେଥିମଧ୍ୟରୁ ଗୋଟିଏ ହେଉଛି LIC ର ଧନ ବୃଦ୍ଧି ପଲିସି । LIC ର ସିଙ୍ଗିଲ୍ ପ୍ରିମିୟମ୍ ପଲିସି ଅଛି । ଏହାର ଅର୍ଥ ହେଉଛି ଥରେ ଆପଣ ଟଙ୍କା ଜମା କଲେ ଆପଣ ସାରା ଜୀବନ ପାଇଁ ଏହାର ଲାଭ ଉଠାଇ ପାରିବେ । କିନ୍ତୁ ବର୍ତ୍ତମାନ ଏହି ପଲିସି ବନ୍ଦ ହେବାକୁ ଯାଉଛି । ହଁ ଆଜ୍ଞା, ୩୦ ସେପ୍ଟେମ୍ବରରେ LIC ର ଧନ ବୃଦ୍ଧି ପଲିସି ବନ୍ଦ ହୋଇଯିବ ।
LIC ର ଧନ ବୃଦ୍ଧି ପଲିସି ହେଉଛି ସିଙ୍ଗିଲ୍ ପ୍ରିମିୟମ ବୀମା ଯୋଜନା । ଏହା ଏକ ଅଣ-ସଂଯୁକ୍ତ, ଅଣ-ଅଂଶଗ୍ରହଣକାରୀ, ବ୍ୟକ୍ତିଗତ ସଞ୍ଚୟ, ଏକକ ପ୍ରିମିୟମ୍ ଜୀବନ ଯୋଜନା, ଯାହା ନିବେଶକଙ୍କୁ ଉଭୟ ଜୀବନ ସୁରକ୍ଷା ଓ ସଞ୍ଚୟର ଲାଭ ପ୍ରଦାନ କରିଥାଏ । ଏହା ବ୍ୟତୀତ, ନିବେଶକମାନେ ଯେକୌଣସି ସମୟରେ ଯୋଜନାରୁ ବାହାରିପାରିବେ କିମ୍ବା ଏହି ଯୋଜନାରେ ଲୋନ ନେବା ସହିତ 80C ତଳେ ଟିକସ ରିହାତିର ଲାଭ ମଧ୍ୟ ପାଇପାରିବେ ।
ନିବେଶ କରିବାକୁ ବାକି ଅଛି ମାତ୍ର ୫ ଦିନ
LIC ଏହାର ସୋସିଆଲ ମିଡିଆ ପ୍ଲାଟଫର୍ମରେ ପୋଷ୍ଟ କରିଛି । ନିବେଶ ପାଇଁ ଆପଣଙ୍କ ପାଖରେ ଆଉ ପ୍ରାୟ ୫ ଦିନ ବାକି ଅଛି । ଧନ ବୃଦ୍ଧି ହେଉଛି ସୁରକ୍ଷା ଓ ସଞ୍ଚୟର ଏକ ମିଶ୍ରଣ । ପଲିସି କାର୍ଯ୍ୟକାଳ ମଧ୍ୟରେ ବୀମାଭୁକ୍ତ ବ୍ୟକ୍ତିଙ୍କ ଦୁର୍ଭାଗ୍ୟଜନକ ମୃତ୍ୟୁ ଘଟଣାରେ ଧନ ବୃଦ୍ଧି ଯୋଜନା ପରିବାରକୁ ଆର୍ଥିକ ସହାୟତା ପ୍ରଦାନ କରିଥାଏ । ଏହା ମାଚ୍ୟୁରିଟି ଉପରେ ଏକ ଗ୍ୟାରେଣ୍ଟି ସହିତ ବୀମାଭୁକ୍ତ ବ୍ୟକ୍ତିଙ୍କୁ ଏକଲକ୍ଷ ଟଙ୍କା ମଧ୍ୟ ଦେଇଥାଏ । ଏହି ପଲିିସି ବାଛିବା ପାଇଁ ଦୁଇଟି ବିକଳ୍ପ ଅଛି, ଯେଉଁଥିରେ ମୃତ୍ୟୁ ଉପରେ ନିଶ୍ଚିତ ହୋଇଥିବା ରାଶି ଦ୍ୱିତୀୟ ବିକଳ୍ପରେ ୧.୨୫ ଗୁଣ କିମ୍ବା ୧୦ ଗୁଣା ହୋଇପାରେ ।
କ'ଣ ରହିଛି ପଲିସିର ଲାଭ
LIC ଧନ ବୃଦ୍ଧି ପଲିସି ୧୦, ୧୫ ଓ ୧୮ ବର୍ଷ ପାଇଁ ଅଟେ ଏବଂ ଧାରକଙ୍କ ବୟସ ଅତି କମରେ ୯୦ ଦିନରୁ ୮ ବର୍ଷ ମଧ୍ୟରେ ହେବା ଉଚିତ୍ ।
ଏହି ପଲିସିର ନିବେଶକମାନେ ଯେକୌଣସି ସମୟରେ ଏହାକୁ ସରେଣ୍ଡର କରିପାରିବେ ଓ 80C ଅଧୀନରେ ୧.୫ ଲକ୍ଷ ଟଙ୍କା ପର୍ଯ୍ୟନ୍ତ ଟିକସ ଛାଡ ମଧ୍ୟ ପାଇପାରିବେ ।
LIC ଧନ ବୃଦ୍ଧି ପଲିସି ସର୍ବନିମ୍ନ ୧,୨୫,୦୦୦ ଟଙ୍କା ରିଟର୍ଣ୍ଣ ପ୍ରଦାନ କରେ ।
ଧନ ବୃଦ୍ଧି ପଲିସି: ପ୍ରଥମ ବିକଳ୍ପରେ ୬୦ ରୁ ୭୫ ଟଙ୍କା ସୁନିଶ୍ଚିତ ଏବଂ ଦ୍ୱିତୀୟ ବିକଳ୍ପରେ ପ୍ରତି ୧୦୦୦ ରୁ ମୌଳିକ ରାଶି ପାଇଁ ୨୫ ରୁ ୪୦ ଟଙ୍କା ପର୍ଯ୍ୟନ୍ତ ଅତିରିକ୍ତ ଗ୍ୟାରେଣ୍ଟି ଉପଲବ୍ଧ ।
ଧନ ବୃଦ୍ଧି ଯୋଜନା ଅନୁଯାୟୀ, ମାଚ୍ୟୁରିଟି କିମ୍ବା ମୃତ୍ୟୁ ଉପରେ ପାଞ୍ଚ ବର୍ଷ ପାଇଁ ମାସିକ, ତ୍ରୀ-ମାସିକ, ଅର୍ଦ୍ଧ ବାର୍ଷିକ ଓ ବାର୍ଷିକ ସମାଧାନର ବିକଳ୍ପ ମଧ୍ୟ ଅଛି ।
LIC ଧନ ବୃଦ୍ଧି ପଲିସିର ନିବେଶକମାନେ ମଧ୍ୟ ପଲିସି ନେବାର ୩ ମାସ ସମାପ୍ତ ହେବା ପରେ ଲୋନ ନେଇପାରିବେ ।
ଏହା ବି ପଢ଼ନ୍ତୁ: PF ଆକାଉଣ୍ଟ୍ ଥିଲେ କରି ନିଅନ୍ତୁ ଏହି କାମ, ନଚେତ୍ ବନ୍ଦ ହୋଇଯିବ ଅନେକ ସୁବିଧା
ଏହା ବି ପଢ଼ନ୍ତୁ: RBI ରେ ଚାକିରି ପାଇବା ପାଇଁ ଭଲ ସୁଯୋଗ, ୪ ଅକ୍ଟୋବର ପୂର୍ବରୁ କରନ୍ତୁ ଆବେଦନ, ମିଳିବ ମୋଟା ଅଙ୍କର ଦରମା
