Zomato Ads: ବଡ଼ ସମସ୍ୟାରେ ପଡିଲା ZOMATO: ହଟାଇଲା ଅଳିଆ ବିଜ୍ଞାପନ

Zomato Ads: ଚଳଚ୍ଚିତ୍ର ନିର୍ମାତା ନୀରଜ ଘାୟୱାନ୍ ଜୋମାଟୋକୁ "ସିନେମାରେ ଦଳିତଙ୍କ ସବୁଠୁ ଅମାନୁଷିକ ସ୍ୱରହୀନ ଚିତ୍ର" ବ୍ୟବହାର କରି "ଘୃଣ୍ୟ ଜାତିବାଦୀ ବ୍ୟବସାୟ" କରିବାରୁ ନିବୃତ୍ତ ରହିବା ପାଇଁ ତାଗିଦ୍ କରିଥିଲେ । ଜୋମାଟୋ ବିଶ୍ୱ ପରିବେଶ ଦିବସ (world environment day) ଅଭିଯାନରେ ଅଭିନେତା ଆଦିତ୍ୟ ଲାଖିଆ (aditya lakhia)ଙ୍କୁ ନେଇ ସମାଲୋଚନାର ସମ୍ମୁଖୀନ ହୋଇଥିବା ବେଳେ, ଗୁରୁବାର ୟୁଟ୍ୟୁବ୍ (youtube) ଏବଂ ଅନ୍ୟାନ୍ୟ ସୋସିଆଲ୍ ମିଡିଆ (social media) ପ୍ଲାଟଫର୍ମରୁ ଭିଡିଓକୁ ହଟାଇ ଦେଇଛି। ‘ଜୋମାଟୋ କଚରାକୁ ପୁନଃ ବ୍ୟବହାର କରୁଛି’ ଶୀର୍ଷକ ଭିଡିଓ । କଚରା ରୂପରେ କଚରା, ଲାଖିଆଙ୍କୁ ‘କଚରା’ ଚରିତ୍ରରେରେ ଚିତ୍ରିତ କରାଯାଇଥିଲା, ସେ ଆଶୁତୋଷ ଗୋୱାରିକର (ashutosh gowariker)ଙ୍କ ୨୦୦୧ ଚଳଚ୍ଚିତ୍ର ଲଗାନରେ ଅଭିନୟ (acting) କରିଥିଲେ । ଏହି ଚଳଚ୍ଚିତ୍ରରେ କଚରା ନିମ୍ନ ଜାତିର ଜଣେ ବ୍ୟକ୍ତି ବୋଲି ଦର୍ଶାଯାଇଛି, ଯାହାଙ୍କୁ ନିଜ ପରିଚୟ (identity) ପାଇଁ ଉପହାସ କରାଯାଇଛି। 

ବିଜ୍ଞାପନ (advt)ରେ ଅଭିନେତାଙ୍କୁ ଦୈନନ୍ଦିନ ବ୍ୟବହାରର ଅନ୍ୟ ବସ୍ତୁ ମଧ୍ୟରେ ଷ୍ଟୁଲ, ଲ୍ୟାମ୍ପ ଏବଂ ହ୍ୟାଣ୍ଡ ଟାୱଲ (hand towel) ଆଦି ତିଆରିରେ ବ୍ୟବହୃତ ହେଉଥିବା ପ୍ଲାଷ୍ଟିକ (plastic)ର ପରିମାଣ ଦେଖାଇବାକୁ ଏକ ପ୍ରୟାସରେ ଦର୍ଶାଯାଇଛି। ଭିଡିଓରେ ଏହି ବାର୍ତ୍ତା ପ୍ରଦାନ କରିବାକୁ ଚେଷ୍ଟା କରାଯାଇଛି କି କମ୍ପାନି (company) “ ଯେତେ ପରିମାଣରେ ପ୍ଲାଷ୍ଟିକ୍ ବିତରଣ କରିଥାଏ,  ତା'ଠାରୁ ଦୁଇ ଗୁଣ ରିସାଇକଲିଂ (recycling) କରିଥାଏ ଏବଂ ଏହାକୁ ଲ୍ୟାଣ୍ଡଫିଲରୁ ଦୂରେଇ ରଖେ”।

ଏହି ଅଭିଯାନରେ ଯୋଗଦେଇଥିବା ବ୍ୟକ୍ତିଙ୍କ ମଧ୍ୟରେ ଚଳଚ୍ଚିତ୍ର ନିର୍ମାତା ନୀରଜ ଘୟୱାନ୍ (neeraj ghaywan) ମଧ୍ୟ ଥିଲେ, ଯିଏ ଜୋମାଟୋକୁ “ସିନେମାରେ ଦଳିତଙ୍କ ସବୁଠାରୁ ଅମାନବିୟ ସ୍ୱରହୀନ ଚିତ୍ର” ବ୍ୟବହାର କରି ଏକ ଘୃଣ୍ୟ ଜାତି ବ୍ୟବସାୟୀ କହି ତାଗିଦ କରିଥଲେ।  ଜଣେ ଉପଭୋକ୍ତା ଲେଖିଛନ୍ତି, “ରିସାଇକଲିଂକୁ ଚିତ୍ରଣ କରିବା ଏକ ମୂର୍ଖ ଉପାୟ”, ଅନ୍ୟ ଜଣେ କହିଛନ୍ତି ଯେ ଜୋମାଟୋ (Zomato) “୨୦୦୧ ରୁ ଜାତିବାଦକୁ ରିସାଇକଲ କରିଆସୁଛି । ଜୋମାଟୋ ସୋସିଆଲ ମିଡିଆ ପ୍ଲାଟଫର୍ମ (Social media platform)ରୁ ଏହି ଭିଡିଓକୁ ହଟାଇ ଏକ ସ୍ପଷ୍ଟୀକରଣ ଜାରି କରି କହିଛି ଯେ,  ପ୍ଲାଷ୍ଟିକ ବର୍ଜ୍ୟବସ୍ତୁର କ୍ଷମତା ଓ ହାସ୍ୟପୂର୍ଣ୍ଣ ଉପାୟରେ ପୁନଃ ବ୍ୟବହାରର ଲାଭ ବିଷୟରେ ସଚେତନତା ସୃଷ୍ଟି କରିବା ଆମର ଲକ୍ଷ୍ୟ ଥିଲା ।  ୨୦୨୨ ମସିହାରେ, ଫୁଡ୍ ଡେଲିଭରି ଷ୍ଟାର୍ଟଅପ୍ ଶତପ୍ରତିଶତ ପ୍ଲାଷ୍ଟିକ୍-ନ୍ୟୁଟ୍ରଲ୍ ଡେଲିଭରିର ଘୋଷଣା କରିଥିଲା ​​ଓ ଅର୍ଡର ପହଞ୍ଚାଇବା ସମୟର ବ୍ୟବହୃତ ସମସ୍ତ ପ୍ଲାଷ୍ଟିକକୁ ସ୍ବେଚ୍ଛାକୃତ ଭାବରେ ପୁନଃ ବ୍ୟବହାର କରିବ ବୋଲି କହିଥିଲା ।

କେବଳ ବର୍ତ୍ତମାନ ନୁହେଁ, ପୂର୍ବରୁ ମଧ୍ୟ ଅନେକ କମ୍ପାନି ନିଜର ବିଜ୍ଞାପନକୁ ନେଇ ବିବାଦରେ ପଡିଥିବା ନଜର ଆସିଛି । ସୋସିଆଲ ମିଡିଆରେ ଅନେକ ଟ୍ରେଣ୍ଡ୍ ହେବାପରେ କମ୍ପାନି ପକ୍ଷରୁ କ୍ଷମା ପ୍ରାର୍ଥନାୀ ମଧ୍ୟ କରାଯାଇଛି । ବିଶେଷ କରି ଅନେକ କଣ୍ଡୋମ କମ୍ପାନି ଏହି ସମସ୍ୟାରେ ଅଧିକ ମାତ୍ରାରେ ପଡିଛନ୍ତି । ତେବେ ବର୍ତ୍ତମାନ ଜୋମାଟୋ ପକ୍ଷରୁ ଏପରି ବାର୍ତ୍ତା ଦିଆଯିବା ପରେ ଲୋକମାନେ ସୋସିଆଲ ମିଡିଆରେ ବିଭିନ୍  ମତ ପ୍ରକାଶ କରୁଛନ୍ତି । ତେବେ ଆଗକୁ କିପରି ଏପରି ବିଜ୍ଞାପନର ପନ୍ନରାବୃତ୍ତି ନହୁଏ ସେପ୍ରତି ଦୃଷ୍ଟି ଦେବାକୁ ସୋସିଆଲ ମିଡିଆ ବ୍ୟବହାରକାରୀ ମତ ବ୍ୟକ୍ତ କରିଛନ୍ତି । ଜଣେ ବ୍ୟକ୍ତି ଲେଖିଛନ୍ତି ଯେ, ଅଧିକ ପପୁଲାର ହେବାପାଇଁ ଏହି ପୋଷ୍ଟ୍ ସାହାଯ୍ୟ କରେ । ସେହିପରି ଅନ୍ୟ ଜଣେ ବ୍ୟକ୍ତି ଲେଖିଛନ୍ତି ଯେ, ଏହା କମ୍ପାନି ପକ୍ଷରୁ ଭୁଲବଶତଃ ହୋଇଛି ।

Also read- ଛାତ୍ରଛାତ୍ରୀଙ୍କ ମନରେ ଛନକା: ଭଙ୍ଗାଯିବ ବାହାନଗା ସ୍କୁଲ !