Nisha Maharana Car Accident: ଅଭିନେତ୍ରୀ ନିଶା ମହାରଣାଙ୍କ ଗାଡି ଦୁର୍ଘଟଣାଗ୍ରସ୍ତ

Nisha Maharana Car Accident: ଯାତ୍ରା ଅଭିନେତ୍ରୀ ନିଶା ମହାରଣାଙ୍କ ଗାଡି଼ ଦୁର୍ଘଟଣାଗ୍ରସ୍ତ (Nisha Maharana Car Accident)ହୋଇଛି । ନିଶାଙ୍କ କାରଟି ଏକ ବିଦ୍ୟୁତ୍ ଖୁଣ୍ଟରେ ପିଟି ହୋଇ ଯାଇଥିବାରୁ  ଦୁର୍ଘଟଣା ଘଟିଛି । ଅରଖକୁଦା ବ୍ରହ୍ମଗିରି ରାସ୍ତାର ସହଦେବ ପୁର ଗାଁ ନିକଟରେ ହୋଇଛି ଦୁର୍ଘଟଣା(Car Accident) । ଆରଖକୁଦା ନିକଟ ଚିଲିକା ଓ ସମୁଦ୍ର ମୁହାଣ ବୁଲି ଫେରିବା ବେଳେ ରାସ୍ତାରେ ଘଟିଛି ଅଘଟଣ । ଏନେଇ ବ୍ରହ୍ମଗିରି ଆଇଆଇସି ସୂଚନା ଦେଇଛନ୍ତି । ତେବେ, ଏହି କାରରେ ନିଶାଙ୍କ ସହିତ ୫ ଜଣ ଥିଲେ। ତେବେ, ନିଶାଙ୍କ ଗାଡି ଦୁର୍ଘଟଣା ଦେଖି ସ୍ଥାନୀୟ ଲୋକେ ଭିଡ଼ ଜମାଇଥିଲେ। ଏବଂ କାରରୁ ନିଶା ଓ ତାଙ୍କ ସହିତ ଥିବା ଲୋକଙ୍କୁ କାରରୁ ବାହାର କରି ଏକ ଅଟୋରେ ମେଡିକାଲ ପଠାଇଥିଲେ। ତେବେ, ନିଶାଙ୍କ ସ୍ବାସ୍ଥ୍ୟବସ୍ଥା କିପରି ଅଛି ସନେଇ କୌଣସି ତଥ୍ୟ ହସ୍ତଗତ ହୋଇ ନାହିଁ। ତେବେ, କିଭଳି ପରିସ୍ଥିତିରେ ଏହି ଦୁର୍ଘଟଣା ଘଟିଲା ସେନେଇ ପୋଲିସ୍ ପହଞ୍ଚି ତଦନ୍ତ ଚଳାଇଛି। 

Also Read: Shukra Gochar 2023: ରାଶି ପରିବର୍ତ୍ତନ କରିବେ ଶୁକ୍ର ,ଏହି ତିନି ରାଶି ଉପରେ ମାଡି଼ ଆସିବ ବଡ଼ ବିପଦ! ଆପଣଙ୍କୁ ରହିବାକୁ ହେବ ସତର୍କ

Also Read: Today Horoscope 5 July 2023: ଆଜି ଏହି ୬ଟି ରାଶି ଉପରେ ହେବ ଧନର ବର୍ଷା,ଏହି ୩ଟି ରାଶି ପାଇଁ ରହିଛି ବିପଦ! ଜାଣନ୍ତୁ ଆପଣଙ୍କ ପାଇଁ କେମିତି ରହିବ ବୁଧବାର

ଅଭିନେତ୍ରୀ ନିଶା ମହାରଣାଙ୍କୁ କିଏବା ନ ଜାଣେ । ଖାସ୍ କରି ସୋସିଆଲ ମିଡିଆରେ ଅନେକ ସମୟରେ ତାଙ୍କର ଅନେକ ଭିଡିଓ ଭାଇରାଲ ହୋଇଥାଏ। କେତେବେଳେ ନିଜ ବିବାଦୀୟ ବୟାନ ପାଇଁ ତ ଆଉ କେତେବେଳେ ଆଇଟମ୍ ଡାନ୍ସ ପାଇଁ । ସାରା ଓଡ଼ିଶାର ଘରେ ଘରେ ପରିଚିତ ଚେହେରା ହେଉଛି ନିଶା ମହାରଣା  । ନିଜକୁ ସେ ଓଡ଼ିଶାର ସନୀ ଲିଓନୀ ବୋଲି କହୁଥିବା କଥା ଆପଣ ସମସ୍ତେ ଜାଣିଥିବେ । କେବଳ ଯାତ୍ରାରେ ନୁହେଁ ବର୍ତ୍ତମାନ ଓଲିଉଡ଼ ଜଗତରେ ମଧ୍ୟ ତାଙ୍କର ଅନେକ ଚର୍ଚ୍ଚା । ନିକଟରେ ଆଉ ଏକ ବୟାନ ପାଇଁ  ନିଶା ଚର୍ଚ୍ଚାକୁ ଆସିଥିଲେ। ନିକଟରେ, ଓଲିଉଡ଼ର ଅଭିନେତା ବବି ମିଶ୍ର ଆଉ ଥରେ ବିବାହ କରିବାକୁ ଚାହୁଛନ୍ତି ବୋଲି ଏକ ସାକ୍ଷାତକାରରେ କହିଥିଲେ। ଏଥିପାଇଁ ଉପଯୁକ୍ତ ଝିଅ ମିଳୁ ନଥିବା ସେ ଗଣମାଧ୍ୟମ ଆଗରେ କହିଥିଲେ। ଏହି କଥା ଶୁଣି ନିଶା ମହାରଣା ଏକ ଭିଡ଼ିଓ ମାଧ୍ୟମରେ  ବବି ମିଶ୍ରଙ୍କୁ ବିବାହ କରିବାକୁ ଚାହୁଁଥିବା ପ୍ରକାଶ କରିଥିଲେ । ସେ କହିଛନ୍ତି ବବିଙ୍କୁ ମୁଁ ଭାଇ ଡାକିବି କି କଣ ଡାକିବି ଜାଣିପାରୁନାହିଁ। କିନ୍ତୁ,ତାଙ୍କର ଅଭିନୟକୁ ମୁଁ ବହୁତ ପସନ୍ଦ କରେ। କେବଳ ସେତିକି ନୁହେଁ ତାଙ୍କ ବ୍ୟକ୍ତିତ୍ବ ମୋତେ ବହୁତ ଭଲ ଲାଗେ ବୋଲି କହିଥିଲେ ନିଶା । ବବିଙ୍କୁ ଜୀବନ ସାଥୀ କରିବା ପାଇଁ ସୋସିଆଲ ମିଡିଆରେ ପ୍ରସ୍ତାବ ଦେଇଥିଲେ। କିନ୍ତୁ ଏ-ପର୍ଯ୍ୟନ୍ତ ବବିଙ୍କ ତରଫରୁ କୌଣସି ଉତ୍ତର ନିଶାଙ୍କୁ ମିଳିନାହିଁ। ଏପେଟେ, ନିଶା ବବିଙ୍କ ଉତ୍ତରକୁ ଅପେକ୍ଷା କରିଛନ୍ତି ।

ସେହିପରି, ପୂର୍ବ ବର୍ଷ ଯାତ୍ରା ଅଭିନେତ୍ରୀ ରାନୀ ପଣ୍ଡାଙ୍କ କାର୍ ଦୁର୍ଘଟଣାଗ୍ରସ୍ତ ହୋଇଥିଲା। ଗୋଟିଏ ବାଇକ ସହ ତାଙ୍କ କାର୍ ଧକ୍କା ହୋଇଥିଲା। ଦୁର୍ଘଟଣାରେ ବାଇକ ଚାଳକ ଜଣଙ୍କର ମୃତ୍ୟୁ ହୋଇଥିଲା। କଟକ ଜିଲ୍ଲା ଆଠଗଡ ବ୍ଲକ୍ ଅନ୍ତର୍ଗତ ଡାଳ ଖାଇ ଛକ୍ ନିକଟରେ ଏହି ସଡ଼କ ଦୁର୍ଘଟଣା ହୋଇଥିଲା। ବାଇକ୍ ଚାଳକ ଗୁରୁତର ଆହତ ଅବସ୍ଥାରେ କଟକ ବଡ ଡାକ୍ତରଖାନାକୁ ସ୍ଥାନାନ୍ତର ହୋଇଥିଲେ। ଘଟଣା ସ୍ଥଳରେ ସ୍ଥାନୀୟ ଲୋକଙ୍କ ଉତ୍ତେଜନା ଆଠଗଡ ପୋଲିସ୍ ପହଞ୍ଚି ଲୋକଙ୍କୁ ବୁଝା ସୁଖା କରିଥିଲା। ମାତ୍ର ପରବର୍ତ୍ତୀ ସମୟରେବାଇକ ଚାଳକଙ୍କର ମୃତ୍ୟୁ ହୋଇଥିଲା ।