Trending Photos
4
5
12
5 "7th pay commission DA hike: ଏହି ଦିନ ଘୋଷଣା ହେବ ମହଙ୍ଗା ଭତ୍ତା, ଆସିବ ଏତିକି ଟଙ୍କା ବର୍ଦ୍ଧିତ ଦରମା")
7th pay commission DA hike: ନୂଆଦିଲ୍ଲୀ: ଦେଶର ଏକ କୋଟିରୁ ଅଧିକ କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ଏକ ଖୁସି ଖବର ଅଛି। DA ଏବଂ DR ରେ ବୃଦ୍ଧି ପାଇଁ ସେମାନଙ୍କର ଅପେକ୍ଷା ଖୁବଶୀଘ୍ର ଶେଷ ହେବାକୁ ଯାଉଛି। ଯଦି ସବୁକିଛି ଠିକ ରୁହେ, ତେବେ କେନ୍ଦ୍ର ସରକାର ସେମାନଙ୍କୁ ଦୁର୍ଗା ପୂଜାରୁ ଦରମା ବୃଦ୍ଧି ପାଇଁ ଏକ ବଡ଼ ଉପହାର ଦେବାର ସମ୍ଭାବନା ରହିଛି।
ତେବେ ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଆସନ୍ତା ୨୭ ତାରିଖରେ କେନ୍ଦ୍ର କ୍ୟାବିନେଟର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହେବାକୁ ଯାଉଛି। ଏହି ବୈଠକରେ ମହଙ୍ଗା ଭତ୍ତା ଏବଂ ମହଙ୍ଗା ରିଲିଫରେ ବୃଦ୍ଧି ପାଇଁ କେନ୍ଦ୍ର ସରକାର ସବୁଜ ସଙ୍କେତ ଦେଇ ପାରନ୍ତି। ଯଦି ଏହା ଘଟେ ତେବେ ନବରାତ୍ରୀ ପୂର୍ବରୁ କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ଏହା ଏକ ବଡ଼ ଉପହାର ହେବ। ଏଠାରେ କହି ରଖୁ କି ସପ୍ତମ ବେତନ ଆୟୋଗ ଆଧାରରେ କେନ୍ଦ୍ର ସରକାର ସାଧାରଣତଃ ପ୍ରତି ୬ ମାସରେ ମହଙ୍ଗା ଭତ୍ତାରେ ସଂଶୋଧନ କରିଥାନ୍ତି। ଯାହାଫଳରେ ମୁଦ୍ରାସ୍ଫୀତି ହେତୁ ଏହାର କର୍ମଚାରୀ ଏବଂ ପେନସନଭୋଗୀଙ୍କ ଜୀବନରେ କୌଣସି ଅସୁବିଧା ହୋଇନଥାଏ। ଏହା ଯେକୌଣସି ସମୟରେ ଘୋଷିତ ହୋଇପାରେ, କିନ୍ତୁ ପ୍ରତିବର୍ଷ ମହଙ୍ଗା ଭତ୍ତାର ପ୍ରଥମ ବୃଦ୍ଧି ଜାନୁଆରୀରୁ ଏବଂ ଦ୍ୱିତୀୟଟି ଜୁଲାଇରୁ କାର୍ଯ୍ୟକାରୀ ହୁଏ।
ମୁଦ୍ରାସ୍ଫୀତି ଆକଳନକୁ ଦୃଷ୍ଟିରେ ରଖି କେନ୍ଦ୍ରୀୟ କର୍ମଚାରୀମାନେ ଆଶା କରୁଛନ୍ତି ଯେ ଏଥର ମଧ୍ୟ ଡିଏରେ ୪ ପ୍ରତିଶତ ବୃଦ୍ଧି ହୋଇପାରେ। ଯଦି ଏହା ଘଟେ ତେବେ ମହଙ୍ଗା ଭତ୍ତା ୪୨ ରୁ ୪୬ ପ୍ରତିଶତକୁ ବୃଦ୍ଧି ପାଇବ। ପ୍ରକୃତରେ, ଶ୍ରମ ମନ୍ତ୍ରଣାଳୟ ଦ୍ୱାରା ପ୍ରକାଶିତ AICPI ତଥ୍ୟ ଆଧାରରେ କେନ୍ଦ୍ର ସରକାର ମହଙ୍ଗା ଭତ୍ତା ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି। ପୁଣି ଥରେ AICPI ପରିସଂଖ୍ୟାନରେ ପ୍ରଥମାର୍ଦ୍ଧ ଅର୍ଥାତ୍ ଜାନୁଆରୀରୁ ଜୁନ୍ ୨୦୨୩ ପାଇଁ ଏକ ବଡ଼ ବୃଦ୍ଧି ରେକର୍ଡ କରାଯାଇଛି। ଏହା ପରେ ଏହା ୪୬.୨୪ ପ୍ରତିଶତ ସ୍ତରରେ ପହଞ୍ଚିଛି।
ଏଭଳି ପରିସ୍ଥିତିରେ କେନ୍ଦ୍ରୀୟ କର୍ମଚାରୀମାନେ ଆଶା କରୁଛନ୍ତି ଯେ ସେମାନଙ୍କ ଡିଏ ୪୨ ପ୍ରତିଶତରୁ ୪୬ ପ୍ରତିଶତକୁ ବୃଦ୍ଧି ପାଇବ। ତେବେ ସରକାରୀ ଘୋଷଣା ପରେ ହିଁ ଏହା ସ୍ପଷ୍ଟ ହେବ ଯେ କେନ୍ଦ୍ରୀୟ କର୍ମଚାରୀଙ୍କ ଡିଏମ ଏଥର କେତେ ପ୍ରତିଶତ ବଢୁଛି।
Zee Odisha News ହ୍ବାଟସ୍ ଆପ୍ ଚ୍ୟାନେଲ୍କୁ ଆପଣଙ୍କୁ ସ୍ବାଗତ। ଆମେ ଆପଣଙ୍କୁ ଦେବୁ ଦେଶ ଦୁନିଆର ଲାଟେଷ୍ଟ ଖବର ଓ ଅପଡେଟ୍ସ। ମାତ୍ର ଗୋଟିଏ କ୍ଲିକରେ ପାଆନ୍ତୁ ଅପଡେଟ ଖବର। ମନୋରଞ୍ଜନ, କ୍ରୀଡ଼ା, ରାଜନୀତି, ସ୍ବାସ୍ଥ୍ୟ କ୍ଷେତ୍ରରେ ବ୍ରେକିଂ ନ୍ୟୁଜ୍ ଦେଖିବା ପାଇଁ ଜୀ ଓଡ଼ିଶା ନ୍ୟୁଜ ଚ୍ୟାନେଲକୁ ହ୍ୱାଟସଆପରେ ଫଲୋ କରନ୍ତୁ ଆଉ ଅପଡେଟ ରୁହନ୍ତୁ।
ଆମକୁ ଫଲୋ କରିବାକୁ ହ୍ବାଟସ୍ ଆପ୍ରେ ସର୍ଚ୍ଚ କରନ୍ତୁ "Zee Odisha News" ଓ Join ବଟନରେ କ୍ଲିକ୍ କରନ୍ତୁ। ଫଲୋ କରିବା ପାଇଁ ତୁରନ୍ତ ଏହି ଲିଙ୍କ୍ରେ କ୍ଲିକ୍ କରନ୍ତୁ...
