Top News Headlines: ଦିନଯାକର ୧୦ ପ୍ରମୁଖ ଖବର

Top 10 News Headlines Today in Odia | 20th January 2024 | Evening: 1. EC letter to Central Govt: ଏକକାଳୀନ ଲୋକସଭା ଓ ବିଧାନସଭା ନିର୍ବାଚନ ଆୟୋଜନ ସମ୍ପର୍କରେ ନିର୍ବାଚନ ଆୟୋଗ ସରକାରଙ୍କୁ ଏକ ଚିଠି ଲେଖିଛନ୍ତି। ଚିଠିରେ ନିର୍ବାଚନ ଆୟୋଗ କହିଛନ୍ତି ଯେ ଏକକାଳୀନ ନିର୍ବାଚନ ହେଲେ ନୂତନ ଇଭିଏମ୍ ପାଇଁ ପ୍ରତି ୧୫ ବର୍ଷରେ ୧୦,୦୦୦ କୋଟି ଟଙ୍କା ଆବଶ୍ୟକ ହେବ।

2. Govt issues advisory to media, social media platforms: ଜାନୁଆରୀ ୨୨ ରେ ଅଯୋଧ୍ୟାରେ ଆୟୋଜିତ ହେବାକୁ ଥିବା ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ଏଜେନ୍ସି ପିଟିଆଇର ରିପୋର୍ଟ ଅନୁଯାୟୀ, ଏହି ପରିପ୍ରେକ୍ଷୀରେ କେନ୍ଦ୍ର ସରକାର ଏକ ଆଡଭାଇଜରୀ ଜାରି କରି ଗଣମାଧ୍ୟମ ତଥା ସୋସିଆଲ ମିଡିଆ ପ୍ଲାଟଫର୍ମରେ ରାମ ମନ୍ଦିର କାର୍ଯ୍ୟକ୍ରମ ସହ ଜଡିତ ମିଥ୍ୟା ତଥା ମାନିପ୍ୟୁଲେଟେଡ୍ ଖବର ପ୍ରକାଶ ନକରିବାକୁ କହିଛନ୍ତି।

3. Former Odisha MP Anadi Sahu passes away: ପୂର୍ବତନ ସାଂସଦ ତଥା ଅବସରପ୍ରାପ୍ତ ଆଇପିଏସ ଅଧିକାରୀ ଅନାଦି ଚରଣ ସାହୁଙ୍କ ଦେହାନ୍ତ ହୋଇଛି । କଟକର ସିଡିଏ ସ୍ଥିତ ବାସଭବନରେ ୮୪ ବର୍ଷ ବୟସରେ ତାଙ୍କର ପରଲୋକ ହୋଇଯାଇଥିବା ସୂଚନା ମିଳିଛି। ୧୯୯୯ ମସିହାରେ ସେ ବ୍ରହ୍ମପୁର ଲୋକସଭା ଆସନରେ ବିଜେପି ତରଫରୁ ଟିକେଟ ପାଇ ନିର୍ବାଚିତ ହୋଇଥିଲେ। ମିଳିଥିବା ସୂଚନା ମୁତାବକ ୧୯୯୬ ସାଧାରଣ ନିର୍ବାଚନରେ ପ୍ରଥମ ବରିଷ୍ଠ ଆଇପିଏସ ଅଫିସର ଭାବେ ଅନାଦି ସାହୁ କଟକ ଲୋକସଭା ଆସନରୁ ପ୍ରତିଦ୍ବନ୍ଦ୍ବିତା କରିଥିଲେ।

4. Odisha Weather Update: ଓଡ଼ିଶାରେ ପାଣିପାଗରେ ପରିବର୍ତ୍ତନ ଦେଖିବାକୁ ମିଳିଛି। ବଙ୍ଗୋପସାଗରରେ ସକ୍ରିୟ ଗୁରୁଚାପ ବଳୟ ପ୍ରଭାବରେ ଉପକୂଳ ଓଡ଼ିଶା ସମେତ ଉତ୍ତର ଓଡ଼ିଶାର ଜିଲ୍ଲାଗୁଡ଼ିକରେ କୋହଲା ପାଗ ଲାଗିରହିଛି। ଏଥି ସହ ରାଜ୍ୟର କିଛି ଜିଲ୍ଲାରେ ହାଲୁକା ବର୍ଷା ହେଉଥିବାର ମଧ୍ୟ ଦେଖିବାକୁ ମିଳିଛି। ତାପମାତ୍ରା କୌଣସି ପରିବର୍ତ୍ତନ ଦେଖା ଦେଇ ନଥିବା ବେଳେ ଘନ କୁହୁଡ଼ି ସହ ଥଣ୍ଡା ଅନୁଭୂତ ହେଉଛି। ଆସନ୍ତା ୩ ଦିନ ପର୍ଯ୍ୟନ୍ତ ଘନ କୁହୁଡ଼ି ପ୍ରଭାବ ଲାଗି ରହିବା ନେଇ ସୂଚନା ଦେଇଛି ଆଞ୍ଚଳିକ ପାଣିପାଗ ବିଭାଗ। ଦୃଶ୍ୟମାନର ଦୂରତା ୨୦୦ ମିଟର ତଳକୁ ଖସି ଆସିବ। ତାହାକୁ ନଜରରେ ରଖି ୧୫ରୁ ଅଧିକ ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି ହୋଇଛି।

5. CBSE Board Exam 2024: ସିବିଏସ୍ଇ ବୋର୍ଡ ଛାତ୍ରମାନେ ଚଳିତ ବର୍ଷ ଠାରୁ ଦୁଇଥର ପରୀକ୍ଷାରେ ହାଜର ହେବାର ସୁଯୋଗ ପାଇବେ। ଏହାର କାରଣ ହେଉଛି, କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ଚଳିତ ବର୍ଷ ଠାରୁ ଦୁଇଥର ପରୀକ୍ଷା କରିବ। ଗଣମାଧ୍ୟମ ରିପୋର୍ଟ ଅନୁଯାୟୀ ଶିକ୍ଷା ମନ୍ତ୍ରଣାଳୟର ଜଣେ ଅଧିକାରୀ ଏହି ସୂଚନା ଦେଇଛନ୍ତି। ଏହି ବିୟାନ ଅନୁଯାୟୀ, ପ୍ରଥମ ଥର ପାଇଁ ଦଶମ ଓ ଦ୍ୱାଦଶ ଶ୍ରେଣୀର ଛାତ୍ରମାନେ ଦୁଇଥର ବୋର୍ଡ ପରୀକ୍ଷା ଦେବେ।

6. PM Modi in Ramanathaswamy Temple: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାମିଲନାଡୁ ଗସ୍ତ ସମୟରେ ଶନିବାର (୨୦ ଜାନୁୟାରୀ) ଦିନ ଅଙ୍ଗି ତିର୍ତ୍ତା ବେଳାଭୂମିରେ ବୁଡ଼ ପକାଇଥିଲେ। ଏହା ପରେ ସେ ପ୍ରଭୁ ରାମନାଥସ୍ୱାମୀ ମନ୍ଦିରରେ ପୂଜାର୍ଚ୍ଚନା କରିଥିଲେ। ଏହି ସମୟରେ ପିଏମ ମୋଦୀ ତାଙ୍କ ହାତରେ ରୁଦ୍ରାକ୍ଷ ରୋଜାରୀ ପିନ୍ଧିଥିବାର ନଜର ଆସିଥିଲେ। ପୁରୋହିତଙ୍କଠାରୁ ପିଏମ ମୋଦୀଙ୍କୁ ପାରମ୍ପାରିକ ଉପହାର ଦିଆଯାଇଥିଲା। 

7. Centre To Fence Myanmar Border: କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଶନିବାର କହିଛନ୍ତି ଯେ କେନ୍ଦ୍ର ସରକାର ମିଆଁମାର ସୀମାରେ ବାଡ଼ ବସାଇବେ। ଦୁଇ ଦେଶ ମଧ୍ୟରେ ଅନୁପ୍ରବେଶ ରୋକିବା ପାଇଁ ଏହି ପଦକ୍ଷେପ ନିଆଯାଇଛି। ଶାହାଙ୍କ ଘୋଷଣା ଏପରି ଏକ ସମୟରେ ଆସିଛି, ଯେତେବେଳେ ବହୁ ସଂଖ୍ୟାରେ ମିଆଁମାର ସୈନିକ ଜାତିଗତ ବିବାଦରୁ ରକ୍ଷା ପାଇବା ପାଇଁ ଭାରତକୁ ପଳାଇ ଆସୁଛନ୍ତି।

8. Army Officer From Odisha Receives Seva Medal: 'ଲସ୍କର ଏ ତୋଏବା' ଆତଙ୍କବାଦୀକୁ ନିପାତ କରିବା କାରଣରୁ ଓଡ଼ିଆ ଯବାନ ପ୍ରଭଞ୍ଜନ ପାଢୀଙ୍କୁ ମିଳିଛି ସେନା ମେଡାଲ । ଏହି ସାହସିକତା ପୁରସ୍କାର ମିଳିବା ପରେ ମାତ୍ର ୩୦ ବର୍ଷିୟ ପ୍ରଭଞ୍ଜନଙ୍କ ପରିବାର ସମେତ ପଡୋଶୀ ଓ ଗ୍ରାମବାସୀ ଖୁସି ପ୍ରକାଶ କରିଛନ୍ତି। ଆର୍ମି ଦିବସ ପରେଡରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ପ୍ରଭଞ୍ଜନଙ୍କୁ ସମ୍ମାନିତ କରିଛନ୍ତି।

9. Shoaib Malik marries Sana Javed: ପାକିସ୍ତାନର ଭେଟେରାନ କ୍ରିକେଟର ଶୋଏବ ମଲିକ ଅଭିନେତ୍ରୀ ସାନା ଜାଭେଦଙ୍କୁ ବିବାହ କରିଛନ୍ତି। ଏହା ହେଉଛି ଶୋଏବଙ୍କ ତୃତୀୟ ବିବାହ। ଏହାପୂର୍ବରୁ ସେ ଭାରତର ଷ୍ଟାର ଟେନିସ ଖେଳାଳି ସାନିଆ ମିର୍ଜାଙ୍କୁ ବିବାହ କରିଥିଲେ। ସାନିଆ ଓ ଶୋଏବ ୨୦୧୦ ରେ ବିବାହ କରିଥିଲେ । 

10. U19 World Cup 2024 IND VS BAN: ଅଣ୍ଡର-୧୯ ବିଶ୍ୱକପ ୨୦୨୪ ରେ ଭାରତୀୟ ଦଳ ଏକ ବିଜୟ ସହିତ ନିଜ ଅଭିଯାନ ଆରମ୍ଭ କରିଛି। ୨୦ ଜାନୁଆରୀ ଅର୍ଥାତ୍ ଶନିବାର ଦିନ ବାଂଲାଦେଶ ବିପକ୍ଷରେ ଖେଳାଯାଇଥିବା ମ୍ୟାଚରେ ଭାରତ ୮୪ ରନରେ ଜିତିଛି। ପ୍ରଥମେ ବ୍ୟାଟିଂ କରି ଭାରତ ୭ ୱିକେଟ୍ ହରାଇ ୨୫୧ ରନ୍ ସଂଗ୍ରହ କରିଥିଲା। ଏହାର ଜବାବରେ ବାଂଲାଦେଶ ୪୫.୫ ଓଭରରେ ୧୬୭ ରନ୍ କରି ଅଲ୍ ଆଉଟ୍ ହୋଇ ଯାଇଥିଲା।