President Droupadi Murmu: ପାଞ୍ଚ ଦିନିଆ ଓଡି଼ଶା ଗସ୍ତରେ ଆଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ। ଆଜି ଗସ୍ତର ତୃତୀୟ ଦିନ। ଏହି ଅବସରରେ ରାଷ୍ଟ୍ରପତି ଓୟୁଏଟିର ବାର୍ଷିକ ଉତ୍ସବ (କୃଷି ଓ ବୈଷୟିକ ବିଶ୍ବବିଦ୍ୟାଳୟ-ଓୟୁଏଟିର ୪୦ ତମ ସମାବର୍ତ୍ତନ ଉତ୍ସବ) ରେ ମୁଖ୍ୟ ଅତିଥି ଭାବେ ଯୋଗଦେବାର କାର୍ଯ୍ୟକ୍ରମ ରହିଛି। ପାଖାପାଖି ଏକଘଣ୍ଟା ଓୟୁଏଟି ପରିସରରେ ରହିବେ ମହାମହିମ। ଏନେଇ ସଜେଇ ହୋଇଛି ପୂରା କ୍ୟାମ୍ପସ୍। ଏହସହ ଆଜି ସନ୍ଧ୍ୟାରେ ନୂଆ ଜୁଡିସିଆଲ କୋର୍ଟ କମ୍ପ୍ଲେକ୍ସର ଉଦଘାଟନୀ କାର୍ଯ୍ୟକ୍ରମରେ ସାମିଲ ହେବେ ।
ସୂଚନା ଅନୁଯାୟୀ, ମଙ୍ଗଳବାର ପୁରୀରେ ନୌ-ସେନା ଦିବସରେ ସାମିଲ ହେବା ପରେ ଏବେ ପୁରୀ ରାଜଭବନରେ ଅଛନ୍ତି ରାଷ୍ଟ୍ରପତି । ଆଜି ସକାଳ ୯ ଟା ୩୫ରେ ଭୁବନେଶ୍ବର ଅଭିମୁଖେ ଯାତ୍ରା କରିବେ। ଭୁବନେଶ୍ବରରେ ପହଞ୍ଚିବା ପରେ ସେ ଆଜି ଦିନ ୧୧ଟାରେ ଓୟୁଏଟିର ୪୦ତମ ସମାବର୍ତ୍ତନ ସମାରୋହରେ ଯୋଗଦେବେ । ସେପଟେ, ଆସନ୍ତାକାଲି ମୟୂରଭଞ୍ଜ ଗସ୍ତରେ ଯିବେ ମହାମହିମ । ରାଷ୍ଟ୍ରପତିଙ୍କୁ ସ୍ବାଗତ କରିବା ପାଇଁ ଆଜିଠୁ ସଜେଇ ହେଉଛି ଜନ୍ମମାଟି । ରାଇରଙ୍ଗପୁର ମହିଳା ମହାବିଦ୍ୟାଳୟରେ ରାଷ୍ଟ୍ରପତିଙ୍କ ଗସ୍ତ କାର୍ଯ୍ୟକ୍ରମ ରହିଛି । ଯାହାକୁ ନେଇ ସେଠାରେ ପ୍ରସ୍ତୁତି ପ୍ରାୟ ଶେଷ ପର୍ଯ୍ୟାୟରେ ପହଞ୍ଚିଛି ।
10
 "President Droupadi Murmu: ମହାମହିମଙ୍କ ଓଡି଼ଶା ଗସ୍ତର ତୃତୀୟ ଦିନ, ଜାଣନ୍ତୁ ଆଜି କେଉଁଠି କ'ଣ କରିବେ ?")
