ପଟ୍ଟାମୁଣ୍ଡାଇରେ ଅଘଟଣ, ଓଲଟିଲା ଯାତ୍ରୀବାହୀ ବସ୍, ୬ ଆହାତ

Accident News: କଟକରୁ ଜମ୍ବୁ ଅଭିମୁଖେ ଯାଉଥିବା ଏକ ଯାତ୍ରୀବାହୀ ବସ ଦୁର୍ଘଟଣାର ଶିକାର ହୋଇଛି । ବସରେ ପାଖାପାଖି ୨୫ଜଣ ଯାତ୍ରୀ ରହିଥିବା ସୂଚନା ମିଳିଛି ।

ଖବର ମୁତାବକ, କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ଅନ୍ତର୍ଗତ ବଡ଼ପଡ଼ା ଗ୍ରାମ ନିକଟରେ ଏହି ଦୁର୍ଘଟଣା ଘଟିଛି । ଯାତ୍ରୀଙ୍କ କହିବାନୁଯାୟୀ, ହଠାତ୍ ବସଟି କେଉଁ କାରଣରୁ ଭାରସ୍ୟାମ ହରାଇ ଓଲଟି ପଡିଥିଲା । ରାସ୍ତା କଡରେ ଥିବା ଏକ ଖାଲରେ ପଡିବା ମାତ୍ରେ ଯାତ୍ରୀମାନେ ବସ ଭିତରୁ ଚିତ୍କାର କରିଥିଲେ । ସ୍ଥାନୀୟ ଅଞ୍ଚଳବାସୀ ଘଟଣାସ୍ଥଳରେ ତୁରନ୍ତ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ବସ୍ ଡ୍ରାଇଭରଙ୍କ ସମେତ ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲେ ମଧ୍ୟ କିଛି ଯାତ୍ରୀ ଆହତ ହୋଇଥିବା ସୂଚନା ମିଳିଛି । ଅନ୍ଧାର କାରଣରୁ ଉଦ୍ଧାର କାର୍ଯ୍ୟରେ ବାଧା ସୃଷ୍ଟି ହୋଇଥିବା ସ୍ଥାନୀୟ ଲୋକେ କହିଛନ୍ତି । ଏ ସମ୍ପର୍କରେ ସ୍ଥାନୀୟ ଥାନା ଏବଂ ଦମକଳ ବାହିନୀକୁ ସ୍ଥାନୀୟ ଲୋକେ ଅବଗତ କରିଥିଲେ । ଖବର ପାଇଁ ପୋଲିସ ଏବଂ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିଥିଲେ । ବସ୍ ଦୁର୍ଘଟଣାରୋ ମୋଟ ୬ ଜଣ ଆହତ ହୋଇଥିବା କୁହାଯାଉଛି । ସେମାନଙ୍କୁ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ରକୁ ଚିକିତ୍ସା ପାଇଁ ପଠାଯାଇଛି । ତେବେ ପ୍ରକୃତରେ ଦୁର୍ଘଟଣାର କାରଣ କଣ ସେନେଇ ସ୍ପଷ୍ଟ ସୂଚନା ଜଣାପଡିନାହିଁ ।

Also Read- Lucky Zodiac Sign: ୨୨ ଡିସେମ୍ୱରରେ ଆୟୁଷ୍ମାନ ଯୋଗର ଶୁଭ ସମକକ୍ଷ, ୫ ରାଶିର ଭାଗ୍ୟ ଉଜ୍ୱଳ

Also Read- BSNL Plan: ଜିଓ ଏବଂ ଏୟାରଟେଲକୁ ଝଟକା ଦେଲା ଏହି ପ୍ଲାନ, ମାସକୁ ମିଳିବ 5 ହଜାର GB Data