WTC Final 2023: ନିଜ ଗୋଡରେ କୁରାଢ଼ୀ ମାରିଲା ଟିମ୍ ଇଣ୍ଡିଆ, ବର୍ତ୍ତମାନ ଛାଡିବ ନାହିଁ ଅଷ୍ଟ୍ରେଲିଆ, ଫାଇନାଲ ଜିତିବା କଷ୍ଟକର!

WTC Final 2023: ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର ଫାଇନାଲ (World Test Championship) ୭ ଜୁନରୁ ଭାରତ ଓ ଅଷ୍ଟ୍ରେଲିଆ (India vs Australia) ମଧ୍ୟରେ ଓଭାଲରେ ଖେଳାଯିବ । ଏହି ମହାନ ପ୍ରତିଯୋଗିତାକୁ ନେଇ ଏକ ବଡ଼ ପରିବର୍ତ୍ତନ ହୋଇଛି । ଭାରତ ଓ ଅଷ୍ଟ୍ରେଲିଆ ମଧ୍ୟରେ ବିଶ୍ୱ ଟେଷ୍ଟ ଚାମ୍ପିୟନଶିପ୍‌ ଫାଇନାଲ୍ ଡ୍ୟୁକ୍ ବଲ୍ ଦ୍ୱାରା ଖେଳାଯିବ ନାହିଁ । ଏହା ବଦଳରେ କୁକାବୁରା ବଲର ବ୍ୟବହାର କରାଯିବ । ଇଂଲଣ୍ଡରେ ଏହା ପ୍ରଥମ ଥର ହେବ, ଯେତେବେଳେ ଭାରତୀୟ ଦଳ ଡ୍ୟୁକ୍ସ ବଲ୍ ସହିତ ଟେଷ୍ଟ କ୍ରିକେଟ୍ ଖେଳିବ ନାହିଁ ।

ଦୁଇ ବର୍ଷ ପୂର୍ବେ ଯେତେବେଳେ ଭାରତ ଓ ନ୍ୟୁଜିଲ୍ୟାଣ୍ଡ ମଧ୍ୟରେ ସାଉଥମ୍ପଟନରେ ବିଶ୍ୱ ଟେଷ୍ଟ ଚାମ୍ପିଅନସିପ୍ ର ପ୍ରଥମ ସିଜିନର ଫାଇନାଲ୍ ଖେଳାଯାଇଥିଲା, ସେତେବେଳେ ଡ୍ୟୁକ୍ ବଲ୍ ବ୍ୟବହାର କରାଯାଇଥିଲା । ଉଭୟ ଭାରତ ଓ ଅଷ୍ଟ୍ରେଲିଆ ଦଳ କୁକାବୁରା ବଲ ବ୍ୟବହାରକୁ ଅନୁମୋଦନ କରିଛନ୍ତି । ଏହା କୁକାବୁରାର ଅଷ୍ଟ୍ରେଲିୟ ପ୍ରକାର ହେବ । ନିକଟ ଅତୀତରେ, ଡ୍ୟୁକ୍ସ ବଲ୍ ଗୁଣବତ୍ତା ହ୍ରାସ ନେଇ କାଉଣ୍ଟି ଦଳ ପକ୍ଷରୁ ଅଭିଯୋଗ କରାଯାଇଥିଲା । ଏହି କାରଣରୁ ଉଭୟ ଦଳ ଡ୍ୟୁକ୍ସ ସ୍ଥାନରେ କୁକାବୁରା ବଲ୍ ସହିତ ଖେଳିବାକୁ ରାଜି ହୋଇଛନ୍ତି ।

ବଲର ପରିବର୍ତ୍ତନକୁ ନେଇ ନିଶ୍ଚିତ କରିଛନ୍ତି ରିକି ପଣ୍ଟିଂ
ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଙ୍ଗ ଶୁକ୍ରବାର ଦିନ ନିଶ୍ଚିତ କରିଛନ୍ତି ଯେ ଆଇଟିସି ଡବ୍ଲ୍ୟୁଟିସି ଫାଇନାଲ ପାଇଁ ଡ୍ୟୁକ୍ସ ବଦଳରେ କୁକାବୁରା ବଲ୍ ବ୍ୟବହାର କରିବାକୁ ସମ୍ମତି ଦେଇଛି । ଗତ ବର୍ଷ ଯେତେବେଳେ ନ୍ୟୁଜିଲ୍ୟାଣ୍ଡ ଟେଷ୍ଟ ସିରିଜ ପାଇଁ ଇଂଲଣ୍ଡ ଗସ୍ତ କରିଥିଲା, କିୱି ଅଧିନାୟକ କେନ ୱିଲିୟମସନ ମଧ୍ୟ ଡ୍ୟୁକ୍ସ ବଲର ଗୁଣବତ୍ତା ବିଷୟରେ ଅଭିଯୋଗ କରିଥିଲେ । ସେ କହିଛନ୍ତି ଯେ ଏହି ବଲ୍ ଶୀଘ୍ର ଏହାର ଆକୃତି ହରାଇଥାଏ ଓ ଅତି ଶୀଘ୍ର ନରମ ହୋଇଯାଏ । ଏହି କାରଣରୁ, ବଲ୍ ଦୀର୍ଘ ସମୟ ପର୍ଯ୍ୟନ୍ତ ସୁଇଙ୍ଗ ହୋଇ ନ ଥାଏ ।

ଡ୍ୟୁକ୍ ବଲ୍ ରଙ୍ଗରେ ଏକ ସମସ୍ୟା ଅଛି 
ଡ୍ୟୁକ୍ ବଲ୍ର ଉତ୍ପାଦନକାରୀ କମ୍ପାନୀର ମାଲିକ ଦିଲୀପ ଜାଜୋଡିଆ ଇଣ୍ଡିଆନ୍ ଏକ୍ସପ୍ରେସକୁ କହିଛନ୍ତି ଯେ ଟ୍ୟାନିଂ (ରଙ୍ଗ) ପ୍ରକ୍ରିୟାରେ କିଛି ବୌଷୟିକ ସମସ୍ୟା ହୋଇପାରେ । ସେ କହିଛନ୍ତି, “ମୋର ଅନୁମାନ ହେଉଛି, ଟ୍ୟାନିଂ ପ୍ରକ୍ରିୟାରେ କିଛି ବୌ ଷୟିକ ସମସ୍ୟା ରହିଛି, ଯାହା ଅନେକ ମାସ ଧରି ଚାଲିଆସୁଛି । ଯଦିଓ, ବର୍ତ୍ତମାନ ପର୍ଯ୍ୟନ୍ତ ଆମେ ଏହି ସମସ୍ୟାକୁ ଧରିପାରୁ ନାହୁଁ । କାରଣ ଟ୍ୟାନିଂ ଓ ରଙ୍ଗ କରିବାର ପ୍ରକ୍ରିୟା ଗୁରୁତ୍ୱପୂର୍ଣ୍ଣ ଏବଂ ଯଦି କିଛି ଭୁଲ ହୋଇଯାଏ । ଯଦି କେହି ନିର୍ଦ୍ଦିଷ୍ଟ ପରିମାଣଠାରୁ ଟିକିଏ ଅଧିକ ରାସାୟନିକ ଯୋଗ କରନ୍ତି, କିମ୍ବା ଯଦି ରଙ୍ଗ ଅନ୍ୟ ନିର୍ମାତାଙ୍କଠାରୁ ଆସେ, ତେବେ ଏହି ସମସ୍ତ ଛୋଟ ଜିନିଷ ବଲ ତିଆରିରେ ବ୍ୟବହୃତ କଞ୍ଚାମାଲ ଉପରେ ପ୍ରଭାବ ପକାଇଥାଏ ।"

୨୩ ମେ'ରେ ଲଣ୍ଡନ ଯିବେ କିଛି ଭାରତୀୟ ଖେଳାଳି 
ତେବେ ଏହାର ଗୁଣବତ୍ତା ହେତୁ ଡୁକସ୍ ସ୍ଥାନରେ କୁକାବୁରା ବଲ୍ ବ୍ୟବହାର କରିବାକୁ ଉଭୟ ଦଳ ରାଜି ହୋଇଛନ୍ତି କି ନାହିଁ ତାହା ସ୍ପଷ୍ଟ ହୋଇନାହିଁ । ଭାରତୀୟ ଦ୍ରୁତ ବୋଲରମାନେ ଆଇପିଏଲ୍ ୨୦୨୩ ର ଅଭ୍ୟାସ ସେସନରେ ଲାଲ୍ ବଲ୍ ସହିତ ଅଭ୍ୟାସ ଆରମ୍ଭ କରିସାରିଛନ୍ତି । ଅଷ୍ଟ୍ରେଲୀୟ ଖେଳାଳିଙ୍କ ବିଷୟରେ କଥାବାର୍ତ୍ତା କଲେ, କେତେକ ଖେଳାଳି କାଉଣ୍ଟି କ୍ରିକେଟ୍ ଖେଳିବାରେ ବ୍ୟସ୍ତ ଅଛନ୍ତି । ବାକି ଖେଳାଳି ଅଷ୍ଟ୍ରେଲିଆରେ ପ୍ରସ୍ତୁତି କରୁଛୁନ୍ତି । ଆସନ୍ତା ସପ୍ତାହରେ ସମଗ୍ର ଅଷ୍ଟ୍ରେଲିୟ ଦଳ ଲଣ୍ଡନରେ ଏକାଠି ହେବେ, ଯେତେବେଳେ ଭାରତୀୟ ଦଳର ପ୍ରଥମ ବ୍ୟାଚ୍ ୨୩ ମେ'ରେ ଲଣ୍ଡନ ଯିବ ।

ଏହା ବି ପଢନ୍ତୁ: Indian Cricket Team Jersey: ଭାରତୀୟ କ୍ରିକେଟ୍ ଦଳର ଜର୍ସି ସବୁବେଳେ ନୀଳ ରଙ୍ଗରେ କାହିଁକି ହୋଇଥାଏ?