T20 World Cup: ପାକିସ୍ତାନର ବିଜୟ ପରେ ଭାରତ ପାଇଁ ଏକ ଖାସ ମେସେଜ ପଠାଇଲେ ଶୋଏବ ଅଖତର, ଏଠାରେ ଜାଣନ୍ତୁ

T20 World Cup 2022: ନ୍ୟୁଜିଲ୍ୟାଣ୍ଡକୁ (New Zealand) ପାକିସ୍ତାନ ୭ ୱିକେଟରେ ହରାଇବା ପରେ ଶୋଏବ ଅଖତର (Shoaib Akhtar) ଭାରତ ପାଇଁ ଏକ ସ୍ୱତନ୍ତ୍ର ମେସେଜ ପଠାଇଛନ୍ତି । ପାକିସ୍ତାନର ଏହି ବିଜୟ ସହିତ ଦଳ ଟି-୨୦ ବିଶ୍ୱକପ ଫାଇନାଲରେ (T20 World Cup Final) ପ୍ରବେଶ କରିଛି । ଶୋଏବ ଅଖତର ଚାହୁଁଛନ୍ତି ଯେ ଟିମ୍ ଇଣ୍ଡିଆ ଦ୍ୱିତୀୟ ସେମିଫାଇନାଲରେ ଇଂଲଣ୍ଡକୁ (England) ପରାସ୍ତ କରି ଫାଇନାଲରେ ସ୍ଥାନ ପକ୍କା କରିବ । ଏଥିପାଇଁ ସେ ରୋହିତ ଶର୍ମାଙ୍କ (Rohit Sharma) ଦଳକୁ ଶୁଭେଚ୍ଛା ମଧ୍ୟ ପଠାଇଛନ୍ତି ।

ପାକିସ୍ତାନର ବିଜୟ ପରେ ଶୋଏବ ଅଖତର ଟ୍ୱିଟରରେ ଏକ ଭିଡିଓ ପୋଷ୍ଟ କରିଛନ୍ତି, ଯେଉଁଥିରେ ସେ କହିଛନ୍ତି ଯେ 'ଜୀ, ହିନ୍ଦୁସ୍ତାନ ଆମେ ମେଲବୋର୍ଣ୍ଣରେ ପହଞ୍ଚିଛୁ .. ଆମେ ଆପଣଙ୍କୁ ଅପେକ୍ଷା କରିଛୁ । ଆପଣ ଆସି ଯାଆନ୍ତୁ, ମୁଁ ଆପଣଙ୍କୁ ଶୁଭେଚ୍ଛା ଜଣାଉଛି । ଆସନ୍ତାକାଲି ଆପଣ ଇଂଲଣ୍ଡର ଫେଣ୍ଟା ଲଗାଇ ମେଲବୋର୍ଣ୍ଣରେ ପହଞ୍ଚି ଯାଅ । ମେଲବର୍ଣ୍ଣରେ ହିଁ ଆମେ ଇଂଲିଶସ୍ତାନକୁ ମାରିଥିଲୁ ୧୯୯୨ ରେ... ବର୍ତ୍ତମାନ ଏହା ୨୦୨୨ ଅଟେ । ବର୍ଷ ଟିକିଏ ଅଲଗା, ବାକି କିଛି ଅଲଗା ନୁହେଁ । କିନ୍ତୁ ଆପଣ ପହଞ୍ଚି ଯାଅ । ମୁଁ ଚାହୁଁଛି ଭାରତ ଓ ପାକିସ୍ତାନ ମଧ୍ୟରେ ଫାଇନାଲ ମ୍ୟାଚ୍ ହେଉ । ଏହି ଦୁଇ ଦଳ ମଧ୍ୟରେ ଆଉ ଗୋଟିଏ ମ୍ୟାଚ୍ ହେବା ଉଚିତ୍ ।'

Dear India, good luck for tomorrow. We'll be waiting for you in Melbourne for a great game of cricket. pic.twitter.com/SdBLVYD6vm

— Shoaib Akhtar (@shoaib100mph) November 9, 2022

ଆପଣଙ୍କୁ କହି ରଖୁଛୁ ଯେ ନ୍ୟୁଜିଲ୍ୟାଣ୍ଡକୁ ପରାସ୍ତ କରିବା ପରେ ପାକିସ୍ତାନ ୧୩ ବର୍ଷ ପରେ ଟି-୨୦ ବିଶ୍ୱକପ ଫାଇନାଲରେ ପ୍ରବେଶ କରିଛି । ୨୦୦୯ ମସିହାରେ ପାକିସ୍ତାନ ଟି-୨୦ ବିଶ୍ୱକପର ଫାଇନାଲ ମ୍ୟାଚ୍ ଖେଳିଥିଲା, ଯେଉଁଠାରେ ସେ ଶ୍ରୀଲଙ୍କାକୁ ୮ ୱିକେଟରେ ପରାସ୍ତ କରି ଟାଇଟଲ ଜିତିଥିଲେ ।

ଆଜିର ମ୍ୟାଚ ବିଷୟରେ କହିବାକୁ ଗଲେ ପ୍ରଥମେ ବ୍ୟାଟିଂ କରି ନ୍ୟୁଜିଲ୍ୟାଣ୍ଡ ଡ୍ୟାରିଲ୍ ମିଚେଲଙ୍କ ଅର୍ଦ୍ଧଶତକ ବଳରେ ନିର୍ଦ୍ଧାରିତ ୨୦ ଓଭରରେ ୧୫୨ ରନ୍ ସ୍କୋର କରିଥିଲା । ଏହି ସ୍କୋରକୁ ପାକିସ୍ତାନ ବାବର ଆଜମ ଦଳ ୫ ଟି ବଲ ପୂର୍ବରୁ ହାସଲ କରିନେଇଥିଲା । ବାବର ଓ ରିଜୱାନଙ୍କ ମଧ୍ୟରେ ପ୍ରଥମ ୱିକେଟ୍ ପାଇଁ ଏକ ଅର୍ଦ୍ଧଶତକୀୟ ଭାଗିଦାରୀ କରିଥିଲେ । ଟି-୨୦ ବିଶ୍ୱକପ୍‌ରେ ଉଭୟ ବ୍ୟାଟ୍ସମ୍ୟାନ୍ ଏହି ମ୍ୟାଚ୍ ପୂର୍ବରୁ ଲୟରେ ନ ଥିଲେ, କିନ୍ତୁ ସେମିଫାଇନାଲ ଭଳି ଏକ ବଡ଼ ମ୍ୟାଚରେ ଉଭୟ ଖେଳାଳି ଫର୍ମକୁ ଫେରିଥିଲେ । ପାକିସ୍ତାନ ଦଳ ତରଫରୁ ବାବର ୫୩ ଓ ରିଜୱାନ ୫୭ ରନ ସ୍କୋର କରିଥିଲେ । ରିଜୱାନଙ୍କର ଦମଦାର ଇନିଂସ ପାଇଁ ତାଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ପୁରସ୍କାର ମଧ୍ୟ ପ୍ରଦାନ କରାଯାଇଥିଲା ।

ଏହା ବି ପଢ଼ନ୍ତୁ: T20 World Cup: ଭାରତ ବନାମ ପାକିସ୍ତାନ ଫାଇନାଲ ମ୍ୟାଚ୍ ପାଇଁ ଲେଖାସରିଛି ସ୍କ୍ରିପ୍ଟ, ମେଲବର୍ଣ୍ଣରେ ଅନ୍ତ ହେବ ୧୫ ବର୍ଷର ଅପେକ୍ଷା!