SA vs ENG: ଇତିହାସର ସବୁଠାରୁ ବଡ଼ ପରାଜୟର ଶିକାର ହେଲା ଇଂଲଣ୍ଡ, ୨୨୯ ରନରେ ପରାସ୍ତ କଲା ଦକ୍ଷିଣ ଆଫ୍ରିକା

ENG vs SA Full Match Highlights: ହେନ୍ରିଚ୍ କ୍ଲାସେନଙ୍କ ଧୁଆଁଧାର ଶତକ ବଳରେ ଦକ୍ଷିଣ ଆଫ୍ରିକା ଦଳ ଆଇସିସି କ୍ରିକେଟ୍ ବିଶ୍ୱକପ୍ ୨୦୨୩ ରେ ବିଜୟୀ ଟ୍ରାକକୁ ଫେରିଛି । ଦକ୍ଷିଣ ଆଫ୍ରିକା ଦଳ ବର୍ତ୍ତମାନର ଚାମ୍ପିଅନ୍ ଇଂଲଣ୍ଡକୁ ୨୨୯ ରନରେ ପରାସ୍ତ କରି ୪ଟି ମ୍ୟାଚ୍ ରେ ତୃତୀୟ ବିଜୟ ପଞ୍ଜିକରଣ କରିଛି । ଯେତେବେଳେକି ଚାରିଟି ମ୍ୟାଚ୍ ରେ ଏହା ଇଂଲଣ୍ଡର ତୃତୀୟ ପରାଜୟ । ଏହାପୂର୍ବରୁ ଶେଷ ମ୍ୟାଚରେ ଇଂଲଣ୍ଡକୁ ଆଫଗାନିସ୍ତାନ ବିପକ୍ଷରେ ପରାଜୟର ସମ୍ମୁଖୀନ ହେବାକୁ ପଡିଥିଲା । ଶେଷ ମ୍ୟାଚ୍‌ରେ ନେଦରଲ୍ୟାଣ୍ଡ ବିପକ୍ଷରେ ଲଜ୍ଜାଜନକ ପରାଜୟର ସମ୍ମୁଖୀନ ହେବାକୁ ଦକ୍ଷିଣ ଆଫ୍ରିକା ଦଳ ବିଜୟ ଟ୍ରାକକୁ ଫେରିଛି । ୪ଟି ମ୍ୟାଚ୍‌ରେ ଦକ୍ଷିଣ ଆଫ୍ରିକା ଦଳ ୬ ପଏଣ୍ଟ ପାଇ ନ୍ୟୁଜିଲ୍ୟାଣ୍ଡ ଓ ଭାରତ ପରେ ପଏଣ୍ଟ ଟେବୁଲରେ ତୃତୀୟ ସ୍ଥାନରେ ରହିଛି । କ୍ଲାସେନଙ୍କୁ ତାଙ୍କ ବିସ୍ଫୋରକ ଶତକ ପାଇଁ 'ପ୍ଲେୟାର ଅଫ୍ ଦି ମ୍ୟାଚ୍' ଭାବରେ ଘୋଷଣା କରାଯାଇଛି ।

ଇଂଲଣ୍ଡର ସବୁଠାରୁ ଲଜ୍ଜାଜନକ ପରାଜୟ
କେବଳ ଏତିକି ନୁହେଁ, ODI କ୍ରିକେଟରେ ରନ୍ ଦୃଷ୍ଟିରୁ ଏହା ଇଂଲଣ୍ଡର ଏହା ସବୁଠାରୁ ବଡ଼ ପରାଜୟ । ଦକ୍ଷିଣ ଆଫ୍ରିକା କରିଥିବା ୪୦୦ ରନ୍‌ର ବିଶାଳ ଲକ୍ଷ୍ୟକୁ ପିଛାକରିବାକୁ ଯାଇ ଇଂଲଣ୍ଡ ଦଳ ୨୨ ଓଭରରେ ୧୭୦ ରନ୍ କରି ଅଲ୍ ଆଉଟ୍ ହୋଇ ଯାଇଥିଲା । ଦଳ ୬୪ ରନ୍ ସ୍କୋରରେ ନିଜର ୫ଟି ୱିକେଟ୍ ହରାଇଥିଲେ । ଅଭିଜ୍ଞ ଜୋ ରୁଟ୍ ୨ ରନ୍ ସ୍କୋର କରିଥିବା ବେଳେ ଓପନର୍ ଜନି ବେୟାରଷ୍ଟୋ ୧୦ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ । ଡେଭିଡ ମାଲାନ ୬ ରନ୍ ସ୍କୋର କରିବା ପରେ ପ୍ୟାଭିଲିୟନକୁ ଫେରିଥିବାବେଳେ ବେନ ଷ୍ଟୋକ୍ସ ୫ ରନ୍ କରି ଆଉଟ୍ ହୋଇଥିଲେ । କ୍ୟାପଟେନ ଜୋସ୍ ବଟଲର ୧୫ ରନ୍ କରିଥିଲେ । ଯୁବ ହ୍ୟାରି ବ୍ରୁକ୍ ମଧ୍ୟ ନିରାଶ ହୋଇଥିଲେ । ୧୭ ରନ୍ ସ୍କୋର କରିବା ପରେ ବ୍ରୁକ୍ ଆଉଟ୍ ହୋଇ ପ୍ୟାଭିଲିୟନକୁ ଫେରିଥିଲେ । ଆଦିଲ ରସିଦ ୧୦ ରନର ଇନିଂସ ଖେଳିଥିଲେ । ୩୫ ରନ୍ ସ୍କୋର କରିବା ପରେ ଆଟକିନ୍ସନ୍ ଆଉଟ୍ ହୋଇଥିଲେ । ୪୩ ରନ୍ ସ୍କୋର କରିବା ପରେ ମାର୍କ ୱୁଡ୍ ଅପରାଜିତ ରହିଥିଲେ ।

ଦକ୍ଷିଣ ଆଫ୍ରିକା ଦଳ ପାଇଁ ପେସର୍ ଜେରାଲ୍ଡ କୋଏଟଜୀ ୩ ୱିକେଟ୍ ନେଇଥିବା ବେଳେ ଲୁଙ୍ଗି ନିଗିଡି ଏବଂ ମାର୍କୋ ୟାନସେନ୍ ଦୁଇଟି ଲେଖାଏଁ ୱିକେଟ୍ ନେଇଛନ୍ତି । କାଗିସୋ ରାବାଡା ଏବଂ କେଶବ ମହାରାଜଙ୍କ ମଧ୍ୟ ଗୋଟିଏ ଲେଖାଏଁ ୱିକେଟ୍ ନେଇଥିଲେ ।

ଦକ୍ଷିଣ ଆଫ୍ରିକା ଦେଇଥିବା ୪୦୦ ରନର ବିଶାଳ ଲକ୍ଷ୍ୟକୁ ପିଛାକରି ସମଗ୍ର ଇଂଲଣ୍ଡ ଦଳ ୧୭୦ ରନରେ ଅଲ୍ ଆଉଟ୍ ହୋଇ ଯାଇଥିଲା । ଇଂଲଣ୍ଡ ମାତ୍ର ୯ ୱିକେଟ୍ ହରାଇଥିଲା ଏବଂ ବୋଲିଂ ସମୟରେ ଆହତ ହୋଇଥିବା ରିସ ଟୋପଲି ବ୍ୟାଟିଂ କରିବାକୁ ଆସିନଥିଲେ । ଇଂଲଣ୍ଡ ଏହି ମ୍ୟାଚକୁ ୨୨୯ ରନରେ ହରାଇଥିଲା ।