PAK vs SA: ପାକିସ୍ତାନ ଓ ଦକ୍ଷିଣ ଆଫ୍ରିକା ମଧ୍ୟରେ ବିଶ୍ୱକପରେ ଆଜି ଏକ କଡ଼ା ପ୍ରତିଯୋଗିତା ହୋଇଥିଲା । କିନ୍ତୁ ଶେଷରେ ଏହି ମ୍ୟାଚ୍ ଦକ୍ଷିଣ ଆଫ୍ରିକା ନାମରେ ରହିଥିଲା । ଆଫ୍ରିକୀୟ ଦଳ ବିଜୟର ହ୍ୟାଟ୍ରିକ୍ ମାରିଛି । ଏଥି ସହିତ ପାକିସ୍ତାନ ଦଳ କ୍ରମାଗତ ଚତୁର୍ଥ ପରାଜୟର ସମ୍ମୁଖୀନ ହୋଇଛି ।
Trending Photos
12
5
12
5 "PAK vs SA, World Cup 2023")
PAK vs SA, World Cup 2023: ବିଶ୍ୱକପ ୨୦୨୩ ରେ ପାକିସ୍ତାନ କ୍ରିକେଟ୍ ଦଳ କ୍ରମାଗତ ଚତୁର୍ଥ ପରାଜୟର ସମ୍ମୁଖୀନ ହୋଇଛି । ଯେଉଁଠାରେ ଦକ୍ଷିଣ ଆଫ୍ରିକା ପାକିସ୍ତାନକୁ ପରାସ୍ତ କରି ଷଷ୍ଠ ମ୍ୟାଚ୍ରେ ନିଜର ବିଜୟ ଧାରା ଜାରି ରଖିଛି । ଷଷ୍ଠ ମ୍ୟାଚରେ ଏହା ଦକ୍ଷିଣ ଆଫ୍ରିକାର ପଞ୍ଚମ ବିଜୟ ଥିଲା । ଏହି ମ୍ୟାଚରେ ପ୍ରଥମ ଖେଳିବାକୁ ଯାଇ ପାକିସ୍ତାନ ଦଳ ୨୭୦ ରନ୍ ସ୍କୋର କରିଥିଲା । ଏହାର ଜବାବରେ ଦକ୍ଷିଣ ଆଫ୍ରିକା ଦଳ ୪୭.୨ ଓଭରରେ ୯ ୱିକେଟ୍ ହରାଇ ନିଜ ଲକ୍ଷ୍ୟ ହାସଲ କରିନେଇଛି । ଶେଷ ମୁହୂର୍ତ୍ତ ପର୍ଯ୍ୟନ୍ତ ଏହି ମ୍ୟାଚ୍ ଅତ୍ୟନ୍ତ ରୋମାଞ୍ଚକର ଥିଲା ଓ ଶେଷ ପର୍ଯ୍ୟନ୍ତ ମ୍ୟାଚ୍ ଉଭୟ ପକ୍ଷ ସପକ୍ଷରେ ଥିଲା । କିନ୍ତୁ ଶେଷରେ ଦକ୍ଷିଣ ଆଫ୍ରିକା ମ୍ୟାଚ୍ ଜିତି ନେଇଥିଲା । ୪୮ ତମ ଓଭରରେ କେଶବ ମହାରାଜଙ୍କ ଚୌକା ମାରି ପାକିସ୍ତାନକୁ ପରାସ୍ତ କରିଥିଲେ ।
ସେମିଫାଇନାଲ ରେସରୁ ବାଦ ପଡ଼ଲା ପାକିସ୍ତାନ!
ଏହି ପରାଜୟ ପରେ ପାକିସ୍ତାନ ଦଳ ସେମିଫାଇନାଲ ରେସରୁ ପ୍ରାୟ ବାହାର ହୋଇଯାଇଛି । ୬ଟି ମ୍ୟାଚରେ ୪ଟି ପରାଜୟ ଓ ୨ଟି ବିଜୟ ପରେ ବାବର ଆଜାମଙ୍କ ଦଳ ମାତ୍ର ୪ ପଏଣ୍ଟ ପାଇଛି । ଏବେ ଯଦିଓ ପାକିସ୍ତାନ ଅବଶିଷ୍ଟ ତିନୋଟି ମ୍ୟାଚ୍ ଜିତେ, ତେବେ ମଧ୍ୟ ଏହା ସର୍ବାଧିକ ୧୦ ପଏଣ୍ଟ ପାଇପାରିବ । ଏହି ପରିସ୍ଥିତିରେ ସେମିଫାଇନାଲକୁ ଯିବା ଦଳ ପାଇଁ କଷ୍ଟକର ହେବ । କାରଣ ଅତିକମରେ ୬ଟି ବିଜୟ ଯଥା ଶେଷ ୪ ପାଇଁ ୧୨ ପଏଣ୍ଟ ଆବଶ୍ୟକ ହୋଇପାରେ । ଏହି ଦୃଷ୍ଟିରୁ ଇଂଲଣ୍ଡ, ନେଦରଲ୍ୟାଣ୍ଡ ଓ ବାଂଲାଦେଶ ମଧ୍ୟ ସେମିଫାଇନାଲରୁ ବାଦ ପଡିପାରେ ।
ଟିମ୍ ଇଣ୍ଡିଆକୁ ହେଲା କ୍ଷତି
ପାକିସ୍ତାନର ପରାଜୟ ଏବଂ ଦକ୍ଷିଣ ଆଫ୍ରିକାର ବିଜୟ କାରଣରୁ ଟିମ୍ ଇଣ୍ଡିଆ କ୍ଷତି ସହିଛି । ଭାରତୀୟ ଦଳ ବର୍ତ୍ତମାନ ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନକୁ ଖସି ଆସିଛି । ତେବେ ଉଭୟ ଭାରତ ଓ ଦକ୍ଷିଣ ଆଫ୍ରିକା ୧୦ ପଏଣ୍ଟ ପାଇଛନ୍ତି । କିନ୍ତୁ ଆଫ୍ରିକାର ନିଟ୍ ରନ୍ ହାର ବହୁତ ଭଲ । ଏହି କାରଣରୁ ଆଜି ଭାରତୀୟ ପ୍ରଶଂସକମାନେ ମଧ୍ୟ ପାକିସ୍ତାନର ବିଜୟ ପାଇଁ ପ୍ରାର୍ଥନା କରୁଥିଲେ, କିନ୍ତୁ ତାହା ହୋଇପାରି ନ ଥିଲା । ଏହାର ଅର୍ଥ ହେଉଛି ଯେ ବର୍ତ୍ତମାନ ଶେଷ ଚାରିଟି ସ୍ଲଟ୍ ପାଇଁ କେବଳ ୬ଟି ଦଳ ମଧ୍ୟରେ ଲଢ଼େଇ ହୋଇପାରେ ।
ଏପରି ରହିଥିଲା ଆଜିର ମ୍ୟାଚ?
ଏହି ମ୍ୟାଚ୍ ବିଷୟରେ ବାବର ଆଜାମ, ସୌଦ ଶକିଲ, ଶାଦବ ଖାନ ପାକିସ୍ତାନ ପାଇଁ ବ୍ୟାଟିଂରେ ଭଲ ଅବଦାନ ଦେଇଥିଲେ । ବାବର ୫୦ ରନର ଇନିଂସ ଖେଳିଥିଲେ ଏବଂ ଶକିଲ ୫୨ ରନର ଇନିଂସ ଖେଳିଥିଲେ । ଆଫ୍ରିକା ପାଇଁ ଟାବ୍ରେଜ ଶାମସି ଟପ୍ ବୋଲର ଥିଲେ ଓ ସେ ୬୦ ରନ୍ ଦେଇ ଚାରିଟି ୱିକେଟ୍ ନେଇଥିଲେ । ମାର୍କୋ ଜନସନ୍ ୩ ୱିକେଟ୍ ଓ ଜେରାଲ୍ଡ କୋଟଜି ୨ ୱିକେଟ୍ ନେଇଥିଲେ । ଏହାପରେ ବ୍ୟାଟିଂ କରି ଆସିଥିବା ଦକ୍ଷିଣ ଆଫ୍ରିକାର ଆଡେନ ମାର୍କ୍ରାମ ୯୧ ରନର ଏକ ଭଲ ଇନିଂସ ଖେଳିଥିଲେ । ଶେଷ ପର୍ଯ୍ୟନ୍ତ, ମାର୍କ୍ରାମ ଗୋଟିଏ ମୁଣ୍ଡରେ ଠିଆ ହୋଇ ସମସ୍ତଙ୍କ ସହ ପାର୍ଟନରସିପ୍ କରିଥିଲେ । ତାଙ୍କ ବ୍ୟତୀତ କୌଣସି ଆଫ୍ରିକୀୟ ବ୍ୟାଟ୍ସମ୍ୟାନ୍ ୩୦ ରନର ଅଙ୍କ ଛୁଇଁ ପାରିନଥିଲେ ।
