Salim Durani Passes Away: ଯେତେବେଳେ ଭାରତ ଓ ପାକିସ୍ତାନ ବିଭାଜନ ହେଲା, ସଲିମ ଦୁରାନୀଙ୍କ ପରିବାର ଭାରତକୁ ଆସିଥିଲେ । ୬୦-୭୦ ଦଶକରେ କ୍ରିକେଟ୍ ଦୁନିଆରେ ନିଜର ଅଲରାଉଣ୍ଡ୍ ପ୍ରଦର୍ଶନ ସହିତ ସଲିମ ଦୁରାନୀ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ । ଭାରତ କ୍ରିକେଟ୍ ଇତିହାସରେ ସଲିମ ଦୁରାନୀ ଜଣେ ଦମଦାର୍ ଅଲରାଉଣ୍ଡର ଭାବେ ଜଣାଶୁଣା । ସେ ୧୯୬୦ ମସିହାରେ ଅଷ୍ଟ୍ରେଲିଆ ବିପକ୍ଷରେ ମୁମ୍ବାଇ ଟେଷ୍ଟରେ ଡେବ୍ୟୁ କରିଥିଲେ । ସଲିମ ଦୁରାନୀ ଦମଦାର୍ ବ୍ୟାଟିଂ ପାଇଁ ଜଣାଶୁଣା ଥିଲେ ।
Trending Photos
5
12
5
5 "ପ୍ରତୀକାତ୍ମକ ଫଟୋ")
Salim Durani Passes Away: ଭାରତୀୟ କ୍ରିକେଟ୍ ପାଇଁ ଆଜି (ରବିବାର) ଅର୍ଥାତ ଏପ୍ରିଲ୍ ୨ ସକାଳେ ଏକ ଦୁଃଖଦ ଖବର ସାମ୍ନାକୁ ଆସିଛି । ଟିମ୍ ଇଣ୍ଡିଆର ପୂର୍ବତନ ଭେଟେରାନ୍ କ୍ରିକେଟର ସଲିମ ଦୁରାନୀଙ୍କ ୮୮ ବର୍ଷ ବୟସରେ ଦେହାନ୍ତ (Salim Durani Death) ହୋଇଛି । ସଲିମ ଦୁରାନୀ ଆଜି ସକାଳେ ଗୁଜୁରାଟର ଜାମନଗରରେ ଶେଷ ନିଃଶ୍ୱାସ ତ୍ୟାଗ (Salim Durani Passes Away) କରିଛନ୍ତି । ସଲିମ ଦୁରାନୀ କର୍କଟ ରୋଗ ସହ ଲଢ଼ୁଥିଲେ । ସଲିମ ଦୁରାନୀ ହେଉଛନ୍ତି ପ୍ରଥମ ଭାରତୀୟ କ୍ରିକେଟର ଯିଏକି ଅର୍ଜୁନ ପୁରସ୍କାର (Arjuna Award) ପାଇଥିଲେ । ୧୯୬୦ରେ ସଲିମ ଦୁରାନୀ (Salim Durani) ଙ୍କୁ ଅର୍ଜୁନ ପୁରସ୍କାର ଦିଆଯାଇଥିଲା । ସଲିମ ଦୁରାନୀ ଭାରତ ପାଇଁ ମୋଟ ୨୯ ଟେଷ୍ଟ ମ୍ୟାଚ୍ ଖେଳିଥିଲେ । ଏହି ସମୟ ମଧ୍ୟରେ ସଲିମ ଦୁରାନୀ ୧୨୦୨ ରନ କରିଥିଲେ, ଯେଉଁଥିରେ ଗୋଟିଏ ଶତକ ଓ ୭ଟି ଅର୍ଦ୍ଧଶତକ ସାମିଲ ରହିଛି । ଏହା ବ୍ୟତୀତ ସଲିମ ଦୁରାନୀ ୭୫ ୱିକେଟ୍ ନେଇଛନ୍ତି ।
ସ୍ପିନ୍ ଅଲରାଉଣ୍ଡର ସଲିମ ଦୁରାନି (Salim Durani) ୧୧ ଡିସେମ୍ବର ୧୯୩୪ରେ ଆଫଗାନିସ୍ତାନର କାବୁଲରେ ଜନ୍ମଗ୍ରହଣ କରିଥିଲେ । କିନ୍ତୁ ଯେତେବେଳେ ସଲିମ ଦୁରାନୀ (Salim Durani) ଙ୍କୁ ମାତ୍ର ୮ ମାସ ହୋଇଥିଲା, ତାଙ୍କ ପରିବାର ପାକିସ୍ତାନର କରାଚିରେ ଆସି ବାସ କରିଥିଲେ । ଏହା ପରେ ଯେତେବେଳେ ଭାରତ ଓ ପାକିସ୍ତାନ ବିଭାଜନ ହେଲା, ସଲିମ ଦୁରାନୀଙ୍କ ପରିବାର ଭାରତକୁ ଆସିଥିଲେ । ୬୦-୭୦ ଦଶକରେ କ୍ରିକେଟ୍ ଦୁନିଆରେ ନିଜର ଅଲରାଉଣ୍ଡ୍ ପ୍ରଦର୍ଶନ ସହିତ ସଲିମ ଦୁରାନୀ (Salim Durani) ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ । ଭାରତ କ୍ରିକେଟ୍ ଇତିହାସରେ ସଲିମ ଦୁରାନୀ ଜଣେ ଦମଦାର୍ ଅଲରାଉଣ୍ଡର ଭାବେ ଜଣାଶୁଣା । ସେ ୧୯୬୦ ମସିହାରେ ଅଷ୍ଟ୍ରେଲିଆ ବିପକ୍ଷରେ ମୁମ୍ବାଇ ଟେଷ୍ଟରେ ଡେବ୍ୟୁ କରିଥିଲେ । ସଲିମ ଦୁରାନୀ (Salim Durani) ଦମଦାର୍ ବ୍ୟାଟିଂ ପାଇଁ ଜଣାଶୁଣା ଥିଲେ । ଏହା ସହିତ ସଲିମ ଦୁରାନୀ ଦର୍ଶକ କହୁଥିବା ସ୍ଥାନରେ ଛକା ମାରିବା ପାଇଁ ପ୍ରସିଦ୍ଧ ଥିଲେ ।
ଫେବୃଆରୀ ୧୯୭୩ରେ ମୁମ୍ବାଇରେ ଇଂଲଣ୍ଡ ବିପକ୍ଷରେ ସଲିମ ଦୁରାନୀ (Salim Durani) ଶେଷ ଟେଷ୍ଟ ମ୍ୟାଚ୍ ଖେଳିଥିଲେ । ତା’ପରେ ୧୯୭୩ରେ କ୍ରିକେଟରୁ ଅବସର ନେବା ପରେ ସେ ଫିଲ୍ମ ଇଣ୍ଡଷ୍ଟ୍ରିରେ ମଧ୍ୟ ନିଜର ଭାଗ୍ୟ ପରୀକ୍ଷା କରିଥିଲେ । ସଲିମ ଦୁରାନୀ ବଲିଉଡ ଫିଲ୍ମ 'ଚରିତ୍ର'ରେ କାମ କରିଥିଲେ । ଏହି ଚଳଚ୍ଚିତ୍ରରେ ବହୁତ ସୁନ୍ଦର ଅଭିନେତ୍ରୀ ପରଭେନ ବାବି ଥିଲେ ।
ଭାରତୀୟ କ୍ରିକେଟ୍ ଦଳର ପୂର୍ବତନ କୋଚ୍ ତଥା ଜଣାଶୁଣା ଖେଳାଳି ରବି ଶାସ୍ତ୍ରୀ (Ravi Shastri) ସଲିମ ଦୁରାନୀ (Salim Durani) ଙ୍କ ପୁରୁଣା ଫଟୋକୁ ଟ୍ୱିଟ୍ କରି ତାଙ୍କୁ ମନେ ପକାଇଛନ୍ତି । ଏଥି ସହିତ କ୍ରିକେଟର ଭିଭିଏସ୍ ଲକ୍ଷ୍ମଣ (VVS Laxman) ଏକ ଟ୍ୱିଟ୍ରେ ଲେଖିଛନ୍ତି ଯେ, ଅର୍ଜୁନ ପୁରସ୍କାର ପାଇଥିବା ପ୍ରଥମ ଭାରତୀୟ କ୍ରିକେଟର ହେଉଛନ୍ତି ସଲିମ ଦୁରାନୀ (Salim Durani) ।
ଅଧିକ ପଢ଼ନ୍ତୁ-ଏପ୍ରିଲରେ ହେବ ୪ଟି ବଡ଼ ଗ୍ରହର ରାଶି ପରିବର୍ତ୍ତନ; ଏହି ୫ଟି ରାଶିର ଲୋକଙ୍କ ଲାଗିବ ଲଟେରୀ, ଧନ ଲାଭର ରହିଛି ଯୋଗ
ଅଧିକ ପଢ଼ନ୍ତୁ:-ପଞ୍ଜାବଠୁ ହାରିବା ପରେ KKRକୁ ମିଳିଲା ଆଉ ଏକ ଖରାପ ଖବର, ପୂରା ସିଜନରେ ଖେଳିବେନି ଏହି ୨ ବଡ଼ ମ୍ୟାଚ୍ ୱିନର!
ଅଧିକ ପଢ଼ନ୍ତୁ:-ଦିଲ୍ଲୀର ପରାଜୟର କାରଣ କହିଲେ ଅଧିନାୟକ ଡେଭିଡ ୱାର୍ନର, ମ୍ୟାଚ୍ ହାରିବା ପାଇଁ ଏହି ଖେଳାଳିଙ୍କୁ କଲେ ଦାୟୀ!
