Ruturaj Gaikwad: ୧୦ ଇନିଂସ ୮ ଶତକ, ୬ଟି ବଲରେ ୭ଟି ଛକା; ଶତକର ବାଦଶାହ ଏହି ଖେଳାଳଙ୍କୁ ଟିମ୍ ଇଣ୍ଡିଆରେ କେବେ ମିଳିବ ସୁଯୋଗ

Ruturaj Gaikwad: ଟି-20 ବିଶ୍ୱକପ ୨୦୨୩ (T20 World Cup 2023) ହାରିବା ପରେ ଭାରତ (Indian Cricket Team) ର ନଜର ବର୍ତ୍ତମାନ ଦିନିକିଆ ବିଶ୍ୱକପ ୨୦୨୩ (ODI World Cup 2023) ଉପରେ ରହିଛି । ଟିମ୍ ଇଣ୍ଡିଆ (Team India) ରେ ଲଗାତର ଭାବେ ପ୍ରୟୋଗ କରାଯାଉଛି । ବିଶ୍ୱକପ ପରଠାରୁ ଅନେକ ଯୁବ ଖେଳାଳିଙ୍କୁ ଦଳରେ ଏକ ସୁବର୍ଣ୍ଣ ସୁଯୋଗ ଦିଆଯାଇଛି । ଏଥି ସହିତ ଅନେକ ଖେଳାଳି ମଧ୍ୟ ଏହି ସୁଯୋଗକୁ ଉପଯୋଗ କରି ସଫଳ ହୋଇପାରିଛନ୍ତି । ଏଥିରେ ପ୍ରଥମ ନାମ ହେଉଛି ଟିମ୍ ଇଣ୍ଡିଆର ଯୁବ ଓପନର୍ ଇଶାନ କିଶାନ (Ishaan Kishan) । ସେ ହୁଏତ ଟି-20ରେ ଅଧିକ କିଛି କରିନାହାଁନ୍ତି କିନ୍ତୁ ଦିନିକିଆରେ ତାଙ୍କର ତୁଫାନୀ ଡବଲ୍ ସେଞ୍ଚୁରୀରୁ ସେ ନିଜର କ୍ଷମତାର ପ୍ରଦର୍ଶନ କରିଦେଇଛନ୍ତି ।

ଟିମ୍ ଇଣ୍ଡିଆ (Team India) ରେ ବିସ୍ଫୋରକ ଖେଳାଳିଙ୍କ ଅଭାବ ନାହିଁ, ଯେଉଁଥିପାଇଁ ଚୟନକର୍ତ୍ତାଙ୍କ ଚିନ୍ତା ବହୁତ ବୃଦ୍ଧି ପାଇଛି । ସର୍ବଶେଷରେ ଚୟନକର୍ତ୍ତା ମାନେ କାହାକୁ ସୁଯୋଗ ଦେବେ? କିଛି ଖେଳାଳୀ ଅଛନ୍ତି ଯାହାଙ୍କ ବ୍ୟାଟ୍ କ୍ରମାଗତ ଘରୋଇ କ୍ରିକେଟରେ ରନ ବର୍ଷା କରୁଛି । କିନ୍ତୁ ଟିମ୍ ଇଣ୍ଡିଆରେ ସେମାନଙ୍କ ପାଇଁ କୌଣସି ସ୍ଥାନ ନାହିଁ । ଏଥିରେ ପ୍ରଥମ ନାମ ହେଉଛି ଋତୁରାଜ ଗାଇକୱାଡ (Ruturaj Gaikwad) । ନିକଟ ଅତୀତରେ ଏହି ଖେଳାଳି ବିଜୟ ହଜାରେ ଟ୍ରଫି (Vijay Hazare Trophy) ସମୟରେ ହଇଚଇ ସୃଷ୍ଟି କରିଥିଲେ । ଏଥି ସହିତ ତାଙ୍କ ନାମରେ ଅନେକ ବଡ଼ ବଡ଼ ରେକର୍ଡ ମଧ୍ୟ ରହିଛି । ଋତୁରାଜ ଗାଇକୱାଡ (Ruturaj Gaikwad) ୧୦ଟି ଇନିଂସରେ ୮ଟି ଶତକ ହାସଲ କରିଛନ୍ତି । ସେ ବିଜୟ ହଜାରେ ଟ୍ରଫିରେ ୧୨ଟି ଶତକ ହାସଲ କରି ଶୀର୍ଷରେ ଅଛନ୍ତି । ଡାହାଣହାତୀ ବ୍ୟାଟ୍ସମ୍ୟାନ୍ ଋତୁରାଜ ଗାଇକୱାଡ (Ruturaj Gaikwad) ଏହି ଟୁର୍ଣ୍ଣାମେଣ୍ଟରେ ୧୧ଟି ଶତକ ହାସଲ କରିଥିବା ରବିନ୍ ଉଥାପ୍ପା (Robin Uthappa) ଙ୍କୁ ପଛକୁ ପକାଇଦେଇଛନ୍ତି ।

ଋତୁରାଜ ଗାଇକୱାଡ (Ruturaj Gaikwad) ମହାରାଷ୍ଟ୍ରର ଅଧିନାୟକ ଭାବରେ ଏକ ଦମଦାର୍ ଇନିଂସ ଖେଳିଥିଲେ । ଉତ୍ତରପ୍ରଦେଶ ବିପକ୍ଷ କ୍ୱାର୍ଟର ଫାଇନାଲ ମ୍ୟାଚରେ ସେ ୧୫୯ ବଲରେ ୨୨୦ ରନ ସଂଗ୍ରହ କରି ଏକ ମ୍ୟାଚ୍ ଜିତାଉ ଇନିଂସ ଖେଳିଥିଲେ । ମ୍ୟାଚର ୪୯ ଓଭରରେ ୭ଟି ଛକା ମାରି ଋତୁରାଜ ଗାଇକୱାଡ (Ruturaj Gaikwad) ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲେ । ତାଙ୍କ ଇନିଂସରେ ୧୬ଟି ଛକା ଓ ୧୦ଟି ଚକା ଥିଲା । ଏହା ବ୍ୟତୀତ ଋତୁରାଜ ଗାଇକୱାଡ୍ ୨୦୨୧ ଆଇପିଏଲରେ ନିଜର ତୁଫାନୀ ପ୍ରଦର୍ଶନ ସହିତ ସମସ୍ତଙ୍କୁ ପ୍ରଭାବିତ କରିଥିଲେ । ସେହି ସମୟ ମଧ୍ୟରେ ସେ ୧୬ଟି ମ୍ୟାଚରେ ୬୦୦ରୁ ଅଧିକ ରନ୍ ସଂଗ୍ରହ କରିଥିଲେ ।

ଅଧିକ ପଢ଼ନ୍ତୁ:-ଶ୍ରୀଲଙ୍କା ବିପକ୍ଷ ଦିନିକିଆ ସିରିଜ୍ ଆରମ୍ଭ ହେବା ପୂର୍ବରୁ ଟିମ୍ ଇଣ୍ଡିଆକୁ ଲାଗିଲା ବଡ଼ ଝଟକା, ଦଳରୁ ବାହାର ହେଲେ ଏହି ଖତରନାକ୍ ଖେଳାଳି!

ଅଧିକ ପଢ଼ନ୍ତୁ:-ଭାରତୀୟ କ୍ରିକେଟ୍ ଫ୍ୟାନ୍ସଙ୍କ ପାଇଁ ବଡ଼ ଖୁସି ଖବର, ଶେଷରେ ବର୍ତ୍ତମାନ ଏକାଠି ଖେଳିବେ ଟିମ୍ ଇଣ୍ଡିଆର ଏହି ୩ ଖେଳାଳି

ଅଧିକ ପଢ଼ନ୍ତୁ:-କିଡନୀ ପାଇଁ ରାମବାଣ ହେଉଛି ଏସବୁ ଖାଦ୍ୟ, ଲାଭ ଜାଣିଲେ ଆଜିଠୁ ହିଁ ଆରମ୍ଭ କରିବେ ଖାଇବା

ଭାରତୀୟ ଦଳରେ ଚୟନକୁ ନେଇ ଅନେକ ଅଶାନ୍ତି ଦେଖାଦେଇଥାଏ । ସଞ୍ଜୁ ସାମସନ ଶ୍ରୀଲଙ୍କା ବିପକ୍ଷ ଦଳରେ ସାମିଲ ହୋଇଥିଲେ । କିନ୍ତୁ ସେ ପ୍ରଥମ ମ୍ୟାଚରେ ଆହତ ହୋଇଥିଲେ । ଯାହା ପରେ ଋତୁରାଜ ଗାଇକୱାଡଙ୍କୁ ଏକ ସୁଯୋଗ ଦିଆଯାଇପାରେ ବୋଲି କଳ୍ପନାଜଳ୍ପନା କରାଯାଉଥିଲା । କିନ୍ତୁ ଦୀର୍ଘ ଦିନ ଧରି ଅପେକ୍ଷା କରିଥିବା ରାହୁଲ ତ୍ରିପାଠୀ ଚୂଡାନ୍ତ ଏକାଦଶରେ ସାମିଲ ହୋଇଥିଲେ ।  ଆଇପିଏଲ ୨୦୨୩ ପାଇଁ ଋତୁରାଜ ଗାଇକୱାଡଙ୍କୁ ଚେନ୍ନାଇ ୬ କୋଟି ଟଙ୍କାରେ ରିଟେନ କରିଛି । ତଥାପି, ଯଦି ସେ ନିଜର ଆକ୍ରମଣାତ୍ମକ ବ୍ୟାଟିଂ ଜାରି ରଖନ୍ତି, ତେବେ ସେ ନିଶ୍ଚିତ ଭାବେ ଭାରତୀୟ ଦଳକୁ ଫେରିବେ ।