Roger Binny on Sourav Ganguly: ରୋଜର ବିନ୍ନି ଦାଦାଙ୍କୁ ନେଇ ଦେଲେ ବଡ଼ ବୟାନ, ଜାଣନ୍ତୁ କ'ଣ କହିଲେ

Roger Binny on Sourav Ganguly: କୋଲକାତା: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ (West Bengal CM) ମମତା ବାନାର୍ଜୀ (Mamata Banerjee) ବର୍ତ୍ତମାନ ସଚିନ ତେନ୍ଦୁଲକର (Sachin Tendulkar) ଙ୍କ ବାହାନାରେ  ସୌରଭ ଗାଙ୍ଗୁଲି (Sourav Ganguly) ଙ୍କୁ ଅନ୍ତର୍ଜାତୀୟ କ୍ରିକେଟ୍ ପରିଷଦ (ICC) କୁ ନ ପଠାଇବା ପ୍ରସଙ୍ଗ ଉଠାଇଛନ୍ତି । ଅକ୍ଟୋବର ୨୦ରେ କୋଲକାତାରେ ସେ କେନ୍ଦ୍ରର ଭାରତୀୟ ଜନତା ପାର୍ଟି (BJP) ସରକାରଙ୍କୁ ଟାର୍ଗେଟ କରିଛନ୍ତି । ଅନ୍ୟପକ୍ଷରେ ବିସିସିଆଇର ନୂତନ ଅଧ୍ୟକ୍ଷ (BCCI President) ରୋଜର ବିନ୍ନି (Roger Binny) ସୌରଭ ଗାଙ୍ଗୁଲିଙ୍କୁ ପ୍ରଶଂସା କରିଛନ୍ତି ।

ଖବର ସରବରାହ ସଂସ୍ଥା ANI ସହ ଏକ ସାକ୍ଷାତକାରରେ ପଶ୍ଚିମବଙ୍ଗ ସିଏମ ମମତା ବାନାର୍ଜୀ କହିଛନ୍ତି ଯେ, "ସୌରଭ ଗାଙ୍ଗୁଲି ବଙ୍ଗଳାରୁ ଆସନ୍ତି, ତେଣୁ ସେ ଆଇସିସିର ଚେୟାରମ୍ୟାନ୍ ହୋଇପାରିବେ ନାହିଁ? ଆପଣ ସୌରଭ ଗାଙ୍ଗୁଲିଙ୍କୁ ହଟାଇ ଦେଇଛନ୍ତି, କିନ୍ତୁ ଜୟ ଶାହ (Jay Shah) ଙ୍କୁ ରଖିଛନ୍ତି । ଯଦି ସେମାନେ (BCCI) ସଚିନ ତେନ୍ଦୁଲକରଙ୍କ ସହ ଏପରି କରିଥାନ୍ତେ, ସେତେବେଳେ ବି ମୁଁ ଏହାର ବିରୋଧ କରିଥା’ନ୍ତି । ଆଜି ମୁଁ ଲଜ୍ଜିତ ଅନୁଭବ କରୁଛି ଯେ ଆଇସିସିରେ ଭାରତର କୌଣସି ପ୍ରତିନିଧିତ୍ୱ ନାହିଁ ।"

ମମତା ବାନାର୍ଜୀ ଆଗକୁ କହିଛନ୍ତି ଯେ, 'ଆଜି (ଅକ୍ଟୋବର ୨୦) ଆଇସିସିରେ ନାମାଙ୍କନ ଦାଖଲ କରିବାର ଶେଷ ଦିନ ଥିଲା । କିନ୍ତୁ ସୌରଭଙ୍କୁ ଅପମାନିତ କରାଯାଇଛି । ମୁଁ ବିଜେପି ସରକାରଙ୍କୁ ଅନେକ ଥର ଦାବି କରିଥିଲି । ସୌରଭ ଆଇସିସି ଯିବାକୁ ଯୋଗ୍ୟ ଥିଲେ । ସେ ୩ ଥର ନିର୍ଦ୍ଦେଶକ ଥିଲେ । ଯଦି ତାଙ୍କୁ ପଠାଯାଇଥାନ୍ତା, ତେବେ ଦେଶର ଗୌରବ ବଢ଼ିଥାନ୍ତା । ଯଦି ଭାରତ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିଥାନ୍ତା ତେବେ ଅନ୍ୟ କେହି ଜିତିନଥାନ୍ତେ ।"

ମୋଦି ସରକାରଙ୍କୁ ଟାର୍ଗେଟ କରି ମୁଖ୍ୟମନ୍ତ୍ରୀ ବାନାର୍ଜୀ କହିଛନ୍ତି ଯେ, କିଏ ଜାଣେ ଆପଣ ୨୦୨୪ରେ ସେଠାରେ ରହିବେ ନାହିଁ ଓ ସେତେବେଳେ ସୌରଭ ଗାଙ୍ଗୁଲି ଆଇସିସି ଯିବେ । ଅନୁରାଗ ଠାକୁରଙ୍କ ଭାଇଙ୍କୁ ମଧ୍ୟ ଏକ ସୁଯୋଗ ଦେଇଛନ୍ତି... କିନ୍ତୁ ସୌରଭଙ୍କୁ ନୁହେଁ । ଏହି ପଦ ଅନ୍ୟ କାହା ପାଇଁ ରଖାଯାଉଛି କି? ରୋଜର ବିନ୍ନିଙ୍କୁ ବିସିସିଆଇ ଅଧ୍ୟକ୍ଷ କରାଯାଇଛି । ସୌରଭଙ୍କୁ କାହିଁକି ବଞ୍ଚିତ କରାଯାଇଛି? ଏହା କେବଳ ଦେଶର କ୍ରୀଡ଼ାପ୍ରେମୀଙ୍କ ପାଇଁ ନୁହେଁ ବରଂ ସାରା ବିଶ୍ୱରେ ଉପସ୍ଥିତ ଥିବା ତାଙ୍କ ପ୍ରଶଂସକଙ୍କ ପାଇଁ ମଧ୍ୟ ଲଜ୍ଜାଜନକ ବିଷୟ । 

ଅଧିକ ପଢ଼ନ୍ତୁ:-ସରକାରୀ କର୍ମଚାରୀଙ୍କ ପାଇଁ ବଡ଼ ଖବର; ସରକାର ବଦଳାଇଲେ ନିୟମ, ଶେଷ ହେବ ପେନସନ ଓ ଗ୍ରାଚ୍ୟୁଇଟି!

ଅଧିକ ପଢ଼ନ୍ତୁ:-ଖାଦ୍ୟ ଖାଇବା ପରେ ତୁରନ୍ତ କରନ୍ତୁନି ଏହି ୬ଟି କାମ, ନଚେତ୍ ଭୋଗିବାକୁ ପଡ଼ିବ ଗୁରୁତର ସମସ୍ୟା

ଅଧିକ ପଢ଼ନ୍ତୁ:- ଯଦି ଟିମ୍ ଇଣ୍ଡିଆ ଏଥର ଟି-20 ବିଶ୍ୱକପ ନ ଜିତିବ ତେବେ କ'ଣ ହେବ? ଗାଭାସ୍କରଙ୍କ ଏହି ବୟାନ ଲଗାଇଲା ନିଆଁ

ସେପଟେ ବେଙ୍ଗାଲୁରୁରେ କର୍ଣ୍ଣାଟକ ରାଜ୍ୟ କ୍ରିକେଟ୍ ଆସୋସିଏସନର ଏକ କାର୍ଯ୍ୟକ୍ରମରେ ରୋଜର ବିନ୍ନି ANI କୁ କହିଛନ୍ତି ଯେ, "ସୌରଭ ଗାଙ୍ଗୁଲି ଜଣେ ବଡ଼ ବ୍ୟକ୍ତିତ୍ୱ । ସେ ଜଣେ ଏପରି ବ୍ୟକ୍ତି ଯିଏ ଭାରତୀୟ କ୍ରିକେଟର ଚେହେରା ବଦଳାଇ ଦେଇଛନ୍ତି । ସେ ଯୁବ ପିଢ଼଼ି ପାଇଁ ଏକ ବିରାଟ ଆଇକନ୍ ଓ ସମସ୍ତେ ତାଙ୍କୁ ସମ୍ମାନ କରନ୍ତି । ଗାଙ୍ଗୁଲି ଯେପରି ଖେଳ ପ୍ରତି ଦୃଷ୍ଟିକୋଣ ରଖନ୍ତି, ସେଥିରୁ ସେ ରାତାରାତି କ୍ରିକେଟର ରୂପରେଖା ବଦଳାଇ ଦେଇପାରନ୍ତି ।"