Virat Kohli And Naveen-ul-Haq controversy: ମ୍ୟାଚ୍ ପରେ ହ୍ୟାଣ୍ଡସକ୍ କରିବା ସମୟରେ ବିରାଟ କୋହଲିଙ୍କ ହାତକୁ ନବୀନ ଉଲ ହକ ଛିଞ୍ଚାଡି ଦେଇଥିଲେ । ଯାହା ମଧ୍ୟ ଅତ୍ୟନ୍ତ ହାସ୍ୟାସ୍ପଦ ଥିଲା । ବର୍ତ୍ତମାନ ଏହି ଆଫଗାନ ଖେଳାଳି ଏପରି କିଛି ସୋସିଆଲ ମିଡିଆରେ ପୋଷ୍ଟ କରିଛନ୍ତି, ଯାହାକୁ ନେଇ ପୁଣି ବିବାଦ ଆରମ୍ଭ ହୋଇଛି ।
Trending Photos
8
12
5
12 "ସୌ: ସୋସିଆଲ ମିଡିଆ")
IPL 2023: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (RCB) ଓ ଲକ୍ଷ୍ନୌ ସୁପରଜିଆଣ୍ଟସ୍ (LSG) ଆଇପିଏଲ୍ ୨୦୨୩ ର ୪୩ ତମ ମ୍ୟାଚ୍ ଏକାନା ଷ୍ଟାଡିୟମରେ ଅନୁଷ୍ଠିତ ହୋଇଥିଲା । କମ୍ ସ୍କୋରିଂ ଏହି ମ୍ୟାଚରେ ଆରସିବି ଲକ୍ଷ୍ନୌକୁ ପରାସ୍ତ କରିଛି । ଏହି ମ୍ୟାଚରେ ନବୀନ ଉଲ ହକ (Naveen Ul Haq) ଲାଇମଲାଇଟକୁ ଆସିଥିଲେ । ନବୀନ ଉଲ ହକ୍ ଲକ୍ଷ୍ନୌ ସୁପରଜିଆଣ୍ଟସ୍ ଦଳ ତରଫରୁ ଆଇପିଏଲ୍ ଖେଳୁଥିବା ଜଣେ ଆଫଗାନିସ୍ତାନ ଖେଳାଳି । ଏହି ଖେଳାଳି ଏହି ମ୍ୟାଚରେ ତିନୋଟି ୱିକେଟ୍ ନେଇଥିଲେ । କିନ୍ତୁ ଏହି ପ୍ରଦର୍ଶନ ଅପେକ୍ଷା ବିରାଟ କୋହଲିଙ୍କ (Virat Kohli) ସହ ହୋଇଥିବା ବିବାଦ ଯୋଗୁଁ ସେ ଅଧିକ ଚର୍ଚ୍ଚାରେ ରହିଛନ୍ତି । ମ୍ୟାଚ୍ ପରେ ହ୍ୟାଣ୍ଡସକ୍ କରିବା ସମୟରେ ଉଭୟଙ୍କ ମଧ୍ୟରେ 'ହାତ ଛିଞ୍ଚାଡିବା' ମଧ୍ୟ ହାସ୍ୟାସ୍ପଦ ଥିଲା ।
ମ୍ୟାଚ୍ ପରେ ବିବାଦ କୌଣସି ପ୍ରକାରେ ବନ୍ଦ ହୋଇଗଲା ଓ ଖେଳାଳିମାନେ ନିଜ ନିଜ ହୋଟେଲକୁ ଫେରିଗଲେ । କିନ୍ତୁ ବର୍ତ୍ତମାନ ମ୍ୟାଚର ୧୨ ଘଣ୍ଟା ପରେ ନବୀନ-ଉଲ-ହକ ଇନଷ୍ଟାଗ୍ରାମରେ ଏକ ଷ୍ଟୋରି ପୋଷ୍ଟ କରିଛନ୍ତି । ଯାହା ମ୍ୟାଚ୍ରେ ହୋଇଥିବା ବିବାଦ ସହ ଜଡିତ ଅଛି । ନବୀନ ଲେଖିଛନ୍ତି,
'ଆପଣଙ୍କୁ ତାହା ମିଳିଥାଏ, ଯାହା ଆପଣ ପାଇବାକୁ ଯୋଗ୍ୟ, ଏପରି ହେବା ଉଚିତ୍ ଓ ଏହା ଚାଲିଥାଏ ।'
ନବୀନ ଓ ବିରାଟ ଝଗଡାର ପୂରା କାହାଣୀ
ନବୀନ-ଉଲ-ହକ ଓ ବିରାଟ କୋହଲିଙ୍କ ମଧ୍ୟରେ ଲଢେଇ ମ୍ୟାଚର ଦ୍ୱିତୀୟ ଇନିଂସର ୧୭ ତମ ଓଭରରେ ଆରମ୍ଭ ହୋଇଥିଲା । ଲକ୍ଷ୍ନୌ ଦଳର ବ୍ୟାଟ୍ସମ୍ୟାନ୍ ନବୀନ ଓ ଅମିତ ମିଶ୍ରା ଏହି ସମୟରେ କ୍ରିଜରେ ଥିଲେ । ଏହି ସମୟରେ ନବୀନ ବିରାଟଙ୍କ ନିକଟକୁ ଆସି କିଛି କହିଥିଲେ ଓ କହିବା ପରେ ଫେରିଯାଇଥିଲେ । ସେହି ସମୟରେ ଅମିତ ମିଶ୍ରା ମଧ୍ୟ ଦୁଇ ଜଣଙ୍କ ମଝିରେ ଆସି ନବୀନ କିଛି କହିଥିଲେ ଓ ବିରାଟଙ୍କୁ କିଛି କହି କିଛି ସମୟ ଚାହିଁଥିଲେ । ଏହାପରେ ଅମ୍ପାୟାର ଓ ମିଶ୍ରା ଏକାଠି ବିରାଟଙ୍କୁ ତାଙ୍କ ସ୍ଥାନକୁ ପଠାଇଲେ । ତା’ପରେ ବିରାଟ ଅମ୍ପାୟାରଙ୍କ ସହ କିଛି ସମୟ କଥା ହୋଇଥିଲେ । ଏବଂ କଥାବାର୍ତ୍ତା କଲାବେଳେ ବିରାଟ ନିଜ ଡାହାଣ ଗୋଡ ଉପରକୁ ଉଠାଇଥିଲେ । ଜୋତାରରୁ କିଛି ବାହାର କରି କିଛି ଇସାରା କରିଥିଲେ ।
ଏହି ସମୟରେ ଅମ୍ପାୟାର ଓ ମିଶ୍ରା ପୁନର୍ବାର ବିରାଟଙ୍କୁ ଅଟକାଇ କିଛି କହିବାବେଳେ ସେ ଆଗକୁ ଯାଇଥିଲେ । ତାଙ୍କ ଫିଲ୍ଡିଂ ସ୍ଥିତିକୁ ଯିବାବେଳେ ବିରାଟ କ୍ରମାଗତ ଭାବରେ କିଛି କହୁଥିଲେ । ଏହା ପରେ ସେ ଫେରିଗଲେ । ଅମିତ ମିଶ୍ରାଙ୍କୁ କିଛି କଥା କହିଥିଲେ । ଏହି ସମୟରେ ଅମ୍ପାୟାର ମଧ୍ୟ ତାଙ୍କ ସହ ଥିଲେ । ଯେତେବେଳେ ମ୍ୟାଚ୍ ପରେ କୋହଲି ଓ ନବୀନ ଔପଚାରିକ ଭାବେ ହାତ ମିଳାଇଲେ, ମାମଲା ଆହୁରି ବଢିଗଲା । ହାତ ମିଳାଇବା ପରେ ନବୀନ କୋହଲିଙ୍କ ହାତ ଛିଞ୍ଚାଡି ଦେଇଥିଲେ । ଏହା ପରେ ଆଗକୁ ଯାଉଥିବା କୋହଲି ପୁଣି ଫେରି କିଛି କହିଥଲେ । କିନ୍ତୁ ଖେଳାଳିଙ୍କ ମଧ୍ୟରେ ଝଗଡାର ଏହି ମାମଲା ଶାନ୍ତ ହୋଇଯାଇଥିଲା । ଏହି ସମୟରେ ଲକ୍ଷ୍ନୌର ମେଣ୍ଟର ଗୌତମ ଗମ୍ଭୀରଙ୍କ ସହ ବିରାଟଙ୍କ ମଧ୍ୟରେ ଝଗଡା ମଧ୍ୟ ହୋଇଥିଲା ।
ଏହା ବି ପଢ଼ନ୍ତୁ: Gautam Gambhir vs Virat Kohli: ଲଢ଼େଇ ଏବେବି ବାକି ଅଛି! ଗୌତମ ଗମ୍ଭୀରଙ୍କୁ ପୁଣିଥରେ ଜୋରଦାର ଟାର୍ଗେଟ କଲେ ବିରାଟ କୋହଲି
