India Vs Bangladesh: ଭାରତ ବନାମ ବାଂଲାଦେଶ ମ୍ୟାଚ୍ ସମୟରେ ଯେତେବେଳେ ଦୀନେଶ କାର୍ତ୍ତିକ ଆଉଟ୍ ହୋଇଥିଲେ, ଏହାପରେ ବିରାଟ କୋହଲି ରନକୁ ନେଇ ଦୀନେଶଙ୍କ ଯୁକ୍ତିତର୍କ କରୁଥିବା ନଜର ଆସିଥିଲେ । ଉଭୟଙ୍କ ଯୁକ୍ତିତର୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
Trending Photos
12
5
12
5 "ସୌ: ସୋସିଆଲ ମିଡିଆ")
India Vs Bangladesh: ଭାରତୀୟ ଦଳର ଷ୍ଟାର ବ୍ୟାଟ୍ସମ୍ୟାନ୍ ବିରାଟ କୋହଲି (Virat Kohli) ବାଂଲାଦେଶ ବିପକ୍ଷ ମ୍ୟାଚରେ ଏକ ଶକ୍ତିଶାଳୀ ଇନିଂସ ଖେଳିବା ସହ ଅପରାଜିତ ୬୪ ରନ୍ କରିଥିଲେ । ଅଧିନାୟକ ରୋହିତ ଶର୍ମାଙ୍କ (Rohit Sharma) ଆଉଟ ହେବା ପରେ କ୍ରିଜକୁ ଆସିଥିବା ବିରାଟ କୋହଲି କେଏଲ ରାହୁଲଙ୍କ (KL Rahul) ସହ ମିସ ଦଳର ଇନିଂସକୁ ଆଗକୁ ବଢ଼ାଇ ଥିଲେ । ଦ୍ୱିତୀୟ ୱିକେଟ୍ ପାଇଁ ଉଭୟ ୩୭ ଟି ବଲରେ ୬୭ ରନ୍ ଯୋଡିଥିଲେ । ଏହା ପରେ ସୂର୍ଯ୍ୟକୁମାର ଯାଦବଙ୍କ (Suryakumar Yadav) ସହ ୩୮ ରନ୍ ଓ ହାର୍ଦ୍ଦିକଙ୍କ ସହ ୧୪ ରନର ଭାଗିଦାରୀ କରିଥିଲେ । ହାର୍ଦ୍ଦିକଙ୍କ ପରେ କ୍ରିଜକୁ ଆସିଥିବା ଦୀନେଶ କାର୍ତ୍ତିକ (Dinesh Karthik) ଭଲ ଲୟରେ ଥିବା ପରି ମନେ ହେଉଥିଲା, କିନ୍ତୁ ସେ ୧୭ ତମ ଓଭରରେ ଆଉଟ୍ ହୋଇଥିଲେ ଓ ଏହି ରନ୍ ଆଉଟ୍ ହୋଇଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ କୋହଲି ଓ କାର୍ତ୍ତିକ ଭୁଲ ରନ ନେବାକୁ ନେଇ ଯୁକ୍ତି କରୁଥିବା ନଜର ଆସୁଛନ୍ତି । ଏହାକୁ ଆପଣ ଭିଡିଓରେ ସ୍ପଷ୍ଟ ଭାବରେ ଦେଖି ପାରିବେ ।
ବାସ୍ତବରେ, ୧୭ ତମ ଓଭରର ଶେଷ ବଲରେ ବିରାଟ କୋହଲି ଏକ୍ସଟ୍ରା କଭର ଆଡକୁ ଏକ ସଟ୍ ଖେଳିଥିଲେ, କିନ୍ତୁ ବଲ୍ ସିଧା ଫିଲ୍ଡରଙ୍କ ହାତକୁ ଯାଇଥିଲା । କୋହଲି ସଟ୍ ଖେଳିବାପରେ ଦୀନେଶ କାର୍ତ୍ତିକ ଏକ ରନ୍ ପାଇଁ ଦୌଡ଼ିଥିଲେ, କିନ୍ତୁ କୋହଲି ମନା କରିଦେଇଥିଲେ, ପରେ କାର୍ତ୍ତିକ ଫେରି ଆସିଥିଲେ, କିନ୍ତୁ ସେତେବେଳକୁ ବହୁତ ଡେରି ହୋଇଯାଇଥିଲା । ତେବେ ରନ୍ ଆଉଟ୍ ହେବା ପରେ କାର୍ତ୍ତିକ କୋହଲିଙ୍କୁ ରନ୍ ନେବା ବିଷୟରେ ପଚାରିଥିଲେ, ଯେଉଁଥିରେ କୋହଲି ଅଙ୍ଗଭଙ୍ଗୀରେ କହିଥିଲେ, ଏଠାରେ ରନ୍ କେଉଁଠାରେ ଥିଲା, ଏହାର ଉତ୍ତର ଦେଇ କାର୍ତ୍ତିକ କହିଛନ୍ତି ଯେ ସେ ଆଗକୁ ଦେଖିବା ଉଚିତ୍ ।
ଅଷ୍ଟ୍ରେଲିଆରେ ଚାଲିଥିବା ଟି-୨୦ ବିଶ୍ୱକପ୍ରେ ଦୀନେଶ କାର୍ତ୍ତିକ ଅଧିକ ଭଲ ପ୍ରଦର୍ଶନ କରିବାରେ ସକ୍ଷମ ହୋଇ ନାହାଁନ୍ତି ଓ ଏଥିପାଇଁ ସେ ଆଉଟ୍ ହୋଇ ଅତ୍ୟନ୍ତ ନିରାଶ ହୋଇଥିବାର ଦେଖାଯାଉଥିଲା, ଯେଉଁଥିପାଇଁ ସେ ବିରାଟ କୋହଲିଙ୍କୁ ରନକୁ ନେଇ ପ୍ରଶ୍ନ କରୁଥିବାର ନଜର ଆସିଥିଲେ । କାର୍ତ୍ତିକ ଆଉଟ ହେବା ପୂର୍ବରୁ ୫ ଟି ବଲରେ ୪ ରନ୍ ସ୍କୋର କରିଥିଲେ ।
ମ୍ୟାଚ୍ ବିଷୟରେ କଥାବାର୍ତ୍ତା କରିବାକୁ ଗଲେ ଭାରତ ଏକ ରୋମାଞ୍ଚକର ମ୍ୟାଚରେ ଡକୱର୍ଥ-ଲୁଇସ୍ ପଦ୍ଧତି ନିୟମ ଅନୁଯାୟୀ ବାଂଲାଦେଶକୁ ପାଞ୍ଚ ରନରେ ପରାସ୍ତ କରି ଟି-୨୦ ବିଶ୍ୱକପ୍ର ସେମିଫାଇନାଲ ଆଡକୁ ଗତି କରିଛି । ବିରାଟ କୋହଲିଙ୍କ ଅର୍ଦ୍ଧଶତକ ଇନିଂସ ଯୋଗୁଁ ଭାରତ ୬ ୱିକେଟ୍ ହରାଇ ନିର୍ଦ୍ଧାରିତ ୨୦ ଓଭରରେ ୧୮୪ ରନ୍ ସଂଗ୍ରହ କରିଥିଲା । ଏହାର ଜବାବରେ ବାଂଲାଦେଶ ବହୁତ ଦ୍ରୁତ ଗତିରେ ବ୍ୟାଟିଂ ଆରମ୍ଭ ହୋଇଥିଲା । ୭ ଓଭର ପରେ ବାଂଲାଦେଶ ସ୍କୋର ବିନା ୱିକେଟରେ ୬୬ ରନ୍ ଥିଲା । ଲିଟନ୍ ଦାସ ଅର୍ଦ୍ଧଶତକ ସହ ପଡିଆରେ ଖେଳୁଥିଲେ । କିନ୍ତୁ ଏହା ପରେ ବର୍ଷା ଯୋଗୁଁ ଖେଳକୁ ବନ୍ଦ କରିବାକୁ ପଡିଲା । ଯେତେବେଳେ ଖେଳ ପୁଣି ଆରମ୍ଭ ହେଲା, ଡାକୱର୍ଥ ଲୁଇସ୍ ନିୟମ ଦ୍ୱାରା ବାଂଲାଦେଶକୁ ୧୬ ଓଭରରେ ୧୫୧ ରନର ଟାର୍ଗେଟ ମିଳିଥିଲ । କିନ୍ତୁ ଏହାପରେ ଦଳ ମାତ୍ର ୬ ୱିକେଟ୍ ହରାଇ ମାତ୍ର ୧୪୫ ରନ୍ ସ୍କୋର କରିବାରେ ସକ୍ଷମ ହୋଇଥିଲା ।
ଏହା ବି ପଢ଼ନ୍ତୁ: IND vs BAN: ବିରାଟଙ୍କ ଉପରେ କାହିଁକି ରାଗିଗଲେ ଶାକିବ ଅଲ ହାସନ, ଏପରି ସମାଧାନ ହେଲା ମାମଲା- ଦେଖନ୍ତୁ ଭିଡିଓ
