India vs Australia 2nd Test: ଦ୍ୱିତୀୟ ଟେଷ୍ଟରେ ୨ ନୂଆ ଖେଳାଳିଙ୍କର ହେବ ଏଣ୍ଟ୍ରି, ଏହି 11 ଜଣଙ୍କ ସହ ପଡିଆକୁ ଓହ୍ଲାଇବ ରୋହିତ୍!

IND vs AUS 2nd Test playing XI: ଭାରତ ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର (WTC) ଫାଇନାଲରେ ପ୍ରବେଶ କରିବା ପାଇଁ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଏହି ସିରିଜ୍ (Australia Test Series) ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଅଷ୍ଟ୍ରେଲିଆ ବିପକ୍ଷରେ ୪ ମ୍ୟାଚ୍ ବିଶିଷ୍ଟ ଟେଷ୍ଟ ମ୍ୟାଚର ସିରିଜ୍ ସ୍ଥିର କରିବା ଯେ ଟିମ୍ ଇଣ୍ଡିଆକୁ (Team India) ଫାଇନାଲ୍ ଟିକେଟ୍ ମିଳିବ କିମ୍ବା ନାହିଁ । ଟିମ୍ ଇଣ୍ଡିଆ ସିରିଜର ପ୍ରଥମ ଟେଷ୍ଟରେ ଗୋଟିଏ ଇନିଂସ ଓ ୧୩୨ ରନ୍ ଜିତି ନେଇଥିଲା । ଦଳକୁ ନିଜର ବିଜୟ ଯାତ୍ରା ଜାରି ରଖିବାକୁ ପଡିବ । ସେଥିପାଇଁ ଶୁକ୍ରବାର ଦିନ ଠାରୁ ଆରମ୍ଭ ହେବାକୁ ଥିବା ଦ୍ୱିତୀୟ ଟେଷ୍ଟ (IND vs AUS 2nd Test) ମ୍ୟାଚ୍ ଉପରେ ଦଳର ନଜର ରହିଛି ।

ବର୍ତ୍ତମାନ ଦ୍ୱିତୀୟ ଟେଷ୍ଟରେ ଭାରତର ପ୍ଲେଇଂ ଇଲେଭେନ (Team India playing XI) କ'ଣ ହେବ ତାକୁ ନେଇ ଚର୍ଚ୍ଚା ଜାରି ଜୋର ଧରିଛି, କାରଣ ଅଷ୍ଟ୍ରେଲିଆ ଦଳର କେତେବେଳେ ଦୃଢ ପ୍ରତ୍ୟାବର୍ତ୍ତନ କରିପାରେ । ଯଦିଓ ଅଷ୍ଟ୍ରେଲିଆ ପ୍ରଥମ ଟେଷ୍ଟରେ ହାରିଛି, ତଥାପି ସେ ନିଶ୍ଚୟ ପ୍ରତ୍ୟାବର୍ତ୍ତନ କରିବାକୁ ଚେଷ୍ଟା କରିବ । ବର୍ତ୍ତମାନ ଦଳରେ କେ.ଏଲ୍ ରାହୁଲ ଦଳର ମୁଣ୍ଡବିନ୍ଧା ହୋଇ ରହିଛନ୍ତି । ପ୍ରଥମ ଟେଷ୍ଟରେ ମଧ୍ୟ ସେ ମାତ୍ର ୨୦ ରନ୍ ସ୍କୋର କରିବାରେ ସକ୍ଷମ ହୋଇଥିଲେ । ଏଭଳି ପରିସ୍ଥିତିରେ ଦିଲ୍ଲୀ ଟେଷ୍ଟରେ ରୋହିତଙ୍କ ଓପନର ପାର୍ଟନର ଶୁବମନ ଗିଲ ହୋଇପାରନ୍ତି ।

ପ୍ଲେଇଂ ଇଲେଭେନରେ ସ୍ଥାନ ପାଇବେ ଶ୍ରେୟସ୍ ଆୟର
ପ୍ରଥମ ଟେଷ୍ଟରେ ଚେତେଶ୍ୱର ପୂଜାରା, ବିରାଟ କୋହଲି, ସୂର୍ଯ୍ୟକୁମାର ଯାଦବଙ୍କ ଭଳି ବଡ ନାମ ମଧ୍ୟ ସୁପର ଫ୍ଲପ୍ ଥିଲା । ଏଭଳି ପରିସ୍ଥିତିରେ ଦ୍ୱିତୀୟ ଟେଷ୍ଟରେ ଭାରତର ପ୍ଲେଇଂ ଇଲେଭେନରେ କିଛି ପରିବର୍ତ୍ତନ ଦେଖିବାକୁ ମିଳେ । ଦ୍ୱିତୀୟ ମ୍ୟାଚରେ ଶ୍ରେୟସ୍ ଆୟରଙ୍କୁ ପ୍ଲେଇଂ ଇଲେଭେନରେ ଦେଖିବାକୁ ମିଳିପାରେ । ତାଙ୍କର ଏଣ୍ଟ୍ରି ହେଲେ ସୂର୍ଯ୍ୟକୁମାରଙ୍କୁ ବେଞ୍ଚରେ ବସିବାକୁ ପଡିପାରେ ।

ବୋଲିଂ ବିଷୟରେ କହିବାକୁ ଗଲେ ଭାରତ ବୋଲରଙ୍କ ଭଲ ବୋଲିଂ ଆଧାରରେ ଭାରତ ପ୍ରଥମ ମ୍ୟାଚ୍ ଜିତିଥିଲା । ଏଭଳି ପରିସ୍ଥିତିରେ ଭାରତ କେବଳ ସମାନ ବୋଲିଂ କ୍ରମ ବଜାୟ ରଖିବାକୁ ଚାହିଁବ । ଏହାର ଅର୍ଥ ଅକ୍ଷର ପଟେଲ, ରବିନ୍ଦ୍ର ଜାଡେଜା ଓ ଆର ଅଶ୍ୱିନ୍ ପୁଣି ଥରେ ହଇଚଇ ସୃଷ୍ଟି କରୁଥିବା ଦେଖିବାକୁ ମିଳିବ । ଅର୍ଥାତ କୁଲଦୀପ ଯାଦବଙ୍କୁ ବେଞ୍ଚରେ ଆହୁରି ଅପେକ୍ଷା କରିବାକୁ ପଡିପାରେ । ପ୍ରଥମ ଟେଷ୍ଟରେ ଜାଡେଜା ଦୀର୍ଘ ସମୟ ପରେ ଟିମ୍ ଇଣ୍ଡିଆକୁ ଫେରୁଥିବା ବେଳେ ହଇଚଇ ସୃଷ୍ଟି କରିଥିଲେ । ସେ ଉଭୟ ଇନିଂସରେ ମୋଟ ୭ ୱିକେଟ୍ ନେଇଥିଲେ ଓ ଏହା ସମତେ ୭୦ ରନ୍ ମଧ୍ୟ କରିଥିଲେ । ନାଗପୁର ଟେଷ୍ଟରେ ଜାଡେଜା ମ୍ୟାନ ଅଫ୍ ଦି ମ୍ୟାଚ୍ ହୋଇଥିଲେ ।

ଭାରତର ସମ୍ଭାବ୍ୟ ଏକାଦଶ
ରୋହିତ ଶର୍ମା, ଶୁଭମନ ଗିଲ, ଚେତେଶ୍ୱର ପୂଜାରା, ବିରାଟ କୋହଲି, ଶ୍ରେୟସ୍ ଆୟର, କେ.ଏସ୍ ଭାରତ, ରବିନ୍ଦ୍ର ଜାଡେଜା, ଅକ୍ଷର ପଟେଲ, ଆର ଅଶ୍ୱିନ, ମହମ୍ମଦ ଶାମି, ମହମ୍ମଦ ସିରାଜ ।

ଏହା ବି ପଢ଼ନ୍ତୁ: IND Vs AUS: ଦିଲ୍ଲୀ ଟେଷ୍ଟ ପୂର୍ବରୁ ପୁଣି ଆରମ୍ଭ ହେଲା ପିଚ୍ ବିବାଦ, ଅଷ୍ଟ୍ରେଲିଆ ଗଣମାଧ୍ୟମ ଲଗାଇଲେ ଏହି ସାଙ୍ଘାତିକ ଅଭିଯୋଗ

ଏହା ବି ପଢ଼ନ୍ତୁ: Prithvi Shaw Attacked: ପୃଥ୍ଵୀ ଶ' ଓ ଜଣେ ଝିଅ ମଧ୍ୟରେ ରାସ୍ତା ମଝିରେ ମାଡପିଟ୍, ଦେଖନ୍ତୁ ଭିଡିଓ