IND vs AUS 1st Test: ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟରୁ ବାଦ୍ ପଡ଼ିବେ ଏହି ଘାତକ ବୋଲର! ହଠାତ୍ ସାମ୍ନାକୁ ଆସିଲା ବଡ଼ ସୂଚନା

India vs Australia 1st Test: ଫେବୃଆରୀ ୯ରୁ ନାଗପୁରରେ ହେବାକୁ ଥିବା ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟ ମ୍ୟାଚ (IND vs AUS 1st Test) ରୁ ଟିମ୍ ଇଣ୍ଡିଆର ଘାତକ ଚାଇନାମ୍ୟାନ ସ୍ପିନର କୁଲଦୀପ ଯାଦବ (Kuldeep Yadav) ଙ୍କୁ ବାଦ ଦିଆଯାଇପାରେ । ଭାରତ ଓ ଅଷ୍ଟ୍ରେଲିଆ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ୍ ଫେବୃଆରୀ ୯ରୁ ନାଗପୁର (Nagpur Test) ରେ ଆରମ୍ଭ ହେବ । କୁଲଦୀପ ଯାଦବଙ୍କୁ ଏହି ମ୍ୟାଚରେ ଖେଳିବା କଷ୍ଟକର । ନାଗପୁରରେ ଅନୁଷ୍ଠିତ ହେବାକୁ ଥିବା ପ୍ରଥମ ଟେଷ୍ଟ ମ୍ୟାଚ୍ ପୂର୍ବରୁ ଏକ ବଡ଼ ତଥ୍ୟ ସାମ୍ନାକୁ ଆସିଛି । ଭାରତୀୟ ଟିମ୍ ମ୍ୟାନେଜମେଣ୍ଟ କୁଲଦୀପ ଯାଦବଙ୍କୁ ନାଗପୁର ଟେଷ୍ଟ ମ୍ୟାଚର ଚୂଡ଼ାନ୍ତ ଏକାଦଶରୁ ବାହାର ରଖିପାରେ ।

ଭାରତୀୟ ଟିମ୍ ମ୍ୟାନେଜମେଣ୍ଟ କୁଲଦିଆ ଯାଦବଙ୍କ ବଦଳରେ ଚୂଡ଼ାନ୍ତ ଏକାଦଶରେ ବ୍ୟାଟିଂ ଅଲରାଉଣ୍ଡରଙ୍କୁ ଅଗ୍ରାଧିକାର ଦେବ । ଆପଣଙ୍କୁ କହି ରଖୁଛୁ ଯେ, କୁଲଦୀପ ଯାଦବ (Kuldeep Yadav) ଦୁଇମାସ ପୂର୍ବରୁ ବାଂଲାଦେଶ ଗସ୍ତରେ ତାଙ୍କ ଘାତକ ଫର୍ମର ଟ୍ରେଲର ଦେଖାଇଥିଲେ । ଚଟ୍ଟଗ୍ରାମରେ ଖେଳାଯାଇଥିବା ତାଙ୍କର ଶେଷ ଟେଷ୍ଟ ମ୍ୟାଚରେ କୁଲଦୀପ ଯାଦବ ୪୦ ରନର ଇନିଂସ ଖେଳିବା ସହ ୮ଟି ୱିକେଟ୍ ନେଇଥିଲେ, ଯେଉଁଥିପାଇଁ ତାଙ୍କୁ 'ମ୍ୟାନ୍ ଅଫ୍ ଦି ମ୍ୟାଚ୍' ଭାବରେ ଚୟନ କରାଯାଇଥିଲା । ଏହି ମ୍ୟାଚ୍ ପରେ କେବଳ କୁଲଦୀପ ଯାଦବଙ୍କୁ ଟେଷ୍ଟ ଦଳରୁ ବାହାର କରିଦିଆଯାଇଥିଲା । ବର୍ତ୍ତମାନ ଚିମ୍ ମ୍ୟାନେଜମେଣ୍ଟ ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟ ମ୍ୟାଚରେ କୁଲଦୀପ ଯାଦବଙ୍କୁ ଚୂଡ଼ାନ୍ତ ଏକାଦଶରୁ ଦୂରେଇ ରଖିପାରେ ।

ଅଲରାଉଣ୍ଡର ରବିନ୍ଦ୍ର ଜାଡେଜା (Ravindra Jadeja) ଆହତ ଅବସ୍ଥାରେ ସୁସ୍ଥ ହେବା ପରେ ନାଗପୁରରେ ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟ ମ୍ୟାଚ୍ ଖେଳିବେ । ଟିମ୍ ମ୍ୟାନେଜମେଣ୍ଟ ତଥା ଅଧିନାୟକ ରୋହିତ ଶର୍ମା (Rohit Sharma) ପ୍ରଥମ ମ୍ୟାଚରେ ରବିନ୍ଦ୍ର ଜାଡେଜାଙ୍କୁ ୬ ନମ୍ବର ବ୍ୟାଟ୍ସମ୍ୟାନ୍ ତଥା ଦ୍ୱିତୀୟ ମୁଖ୍ୟ ସ୍ପିନର ଭାବରେ ଦଳର ଚୂଡ଼ାନ୍ତ ଏକାଦଶରେ ସ୍ଥାନ ଦେବେ । ଏଥି ସହିତ ରବିନ୍ଦ୍ର ଜାଡେଜାଙ୍କ ସହ ଭେଟେରାନ ଅଫ୍ ସ୍ପିନର ରବିଚନ୍ଦ୍ରନ ଅଶ୍ୱିନ୍ ଓ ବାମହାତୀ ସ୍ପିନ୍ ବୋଲିଂ ଅଲରାଉଣ୍ଡର ଅକ୍ସର ପଟେଲଙ୍କୁ ଚୂଡ଼ାନ୍ତ ଏକାଦଶ ଖେଳିବାକୁ ସୁଯୋଗ ଦିଆଯିବ । ଏଭଳି ପରିସ୍ଥିତିରେ କୁଲଦୀପ ଯାଦବଙ୍କୁ ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟ ମ୍ୟାଚରୁ ବାହାରକୁ ଯିବାକୁ ପଡ଼ିବ ।

ଅଧିକ ପଢ଼ନ୍ତୁ:-ଭାରତ-ଅଷ୍ଟ୍ରେଲିଆ ଟେଷ୍ଟ ସିରିଜ ପୂର୍ବରୁ ଖତରନାକ୍ ବ୍ୟାଟ୍ସମ୍ୟାନ୍ ତଥା ଅଧିନାୟକ ଅନ୍ତର୍ଜାତୀୟ କ୍ରିକେଟରୁ ନେଲେ ଅବସର

ଅଧିକ ପଢ଼ନ୍ତୁ:-ଦୁଇ ଗର୍ଭବତୀ ପତ୍ନୀ ଥିବା ସତ୍ତ୍ୱେ ତୃତୀୟ ବିବାହ କରି ଘରକୁ ଆସିଲେ ପ୍ରସିଦ୍ଧ ୟୁଟ୍ୟୁବର୍; ସଉତୁଣୀ ଉପରେ ରାଗି ଚପଲରେ...

ଅଧିକ ପଢ଼ନ୍ତୁ:-ଟେଷ୍ଟ ସିରିଜ ପୂର୍ବରୁ ଦଳକୁ ଲାଗିଲା ବଡ଼ ଝଟକା, ଏହି ୨ ମ୍ୟାଚ୍ ୱିନର୍ ଆହତ କାରଣରୁ ହଠାତ୍ ହେଲେ ବାହାର

ପ୍ରଥମ ୨ଟି ଟେଷ୍ଟ ପାଇଁ ଭାରତୀୟ ଦଳ

ରୋହିତ ଶର୍ମା (ଅଧିନାୟକ), କେ.ଏଲ୍ ରାହୁଲ, ଶୁଭମାନ ଗିଲ, ଚେତେଶ୍ୱର ପୂଜାରା, ବିରାଟ କୋହଲି, ଶ୍ରେୟସ୍ ଆୟର, କେ.ଏସ୍ ଭରତ (ୱିକେଟ କିପର), ଇଶାନ କିଶନ (ୱିକେଟ କିପର), ଆର ଅଶ୍ୱିନ, ଅକ୍ସର ପଟେଲ, କୁଲଦୀପ ଯାଦବ, ରବିନ୍ଦ୍ର ଜାଡେଜା, ମହମ୍ମଦ ଶୀରଜ, ଉମେଶ ଯାଦବ, ଜୟଦେବ ଉନାଦକଟ, ସୂର୍ଯ୍ୟକୁମାର ଯାଦବ