Indian Team: ୧୪୬ ବର୍ଷର କ୍ରିକେଟ ଇତିହାସରେ ଏଭଳି ବିରଳ କାରନାମା କରି ଇତିହାସ ରଚିଛି ଭାରତ, ପଢନ୍ତୁ ପୂରା ରିପୋର୍ଟ

Indian Team: ନୂଆଦିଲ୍ଲୀ: ୧୮୭୭ ମସିହାରେ ଆନ୍ତର୍ଜାତୀୟ କ୍ରିକେଟ୍ ଆରମ୍ଭ ହୋଇଥିଲା। କ୍ରିକେଟ ଖେଳାଯିବା ପରଠାରୁ ଭାରତ ୧୯୩୨ରେ ଇଂଲଣ୍ଡ ବିପକ୍ଷରେ ପ୍ରଥମ ମ୍ୟାଚ୍ ଖେଳିଥିଲା। ଟିମ୍ ଇଣ୍ଡିଆ ଆଜି ଦୁନିଆର ସବୁଠାରୁ ସଫଳ ଦଳ ମଧ୍ୟରୁ ଅନ୍ୟତମ। ୨୦୨୩ ବିଶ୍ୱକପ୍‌ରେ ମଧ୍ୟ ଟିମ୍ ଇଣ୍ଡିଆ ନିଜ ନାମ ଅନୁଯାୟୀ ପ୍ରଦର୍ଶନ କରିଛି। ସେ ଲଗାତାର ୮ଟି ମ୍ୟାଚ ଜିତି ସେମିଫାଇନାଲରେ ପ୍ରବେଶ କରିଛନ୍ତି। ଏହି ସମୟରେ ଆଇସିସି ସର୍ବଶେଷ ODI ମାନ୍ୟତା ପ୍ରକାଶ କରିଛି। ଏହି ମାନ୍ୟତାରେ ଭାରତୀୟ ଖେଳାଳିଙ୍କ ପ୍ରାଧାନ୍ୟ ଦେଖିବାକୁ ମିଳିଛି।

ଭାରତୀୟ କ୍ରିକେଟ ପାଇଁ ଐତିହାସିକ ଦିନ
ସର୍ବଶେଷ ଆଇସିସି ଦିନିକିଆ ମାନ୍ୟତାରେ ଶୁବମନ ଗିଲ ବିଶ୍ୱ ଏକ ନମ୍ବର ବ୍ୟାଟସମ୍ୟାନ ହୋଇପାରିଛନ୍ତି। ଅନ୍ୟପକ୍ଷରେ ମହମ୍ମଦ ସିରାଜ ଦିନିକିଆ ବୋଲର ମାନ୍ୟତାରେ ଏକ ନମ୍ବର ବୋଲି ହୋଇପାରିଛନ୍ତି। ସେହିପରି ଟିମ୍ ଇଣ୍ଡିଆ କ୍ରିକେଟର ସମସ୍ତ ତିନୋଟି ଫର୍ମାଟରେ (ଟେଷ୍ଟ, ODI ଏବଂ T20) ଶୀର୍ଷ ସ୍ଥାନରେ ପହଞ୍ଚି ପାରିଛି। ଭାରତୀୟ କ୍ରିକେଟ୍ ଇତିହାସରେ ଏହା ପ୍ରଥମ ଥର ପାଇଁ ଜଣେ ଭାରତୀୟ ବ୍ୟାଟ୍ସମ୍ୟାନ୍ ଏବଂ ବୋଲର ଏକକାଳୀନ ODI ମାନ୍ୟତାରେ ଏକ ନମ୍ବରରେ ପହଞ୍ଚି ପାରିଛି। ଯଦିଓ ଟିମ୍ ଇଣ୍ଡିଆ ସମସ୍ତ ତିନୋଟି ଫର୍ମାଟରେ ୧ ନମ୍ବର ସ୍ଥାନରେ ରହିଛି। ଏଥି ସହିତ, ଭାରତୀୟ ଖେଳାଳିମାନେ ଅନ୍ୟ ଫର୍ମାଟରେ ମଧ୍ୟ ବେଶ ଭଲ ପ୍ରଦର୍ଶନ ସହିତ ଶୀର୍ଷ ସ୍ଥାନରେ ରହି ପାରିଛନ୍ତି। 

ବିଶ୍ୱରେ ଭାରତୀୟ ଖେଳାଳିଙ୍କ ରାଜୁତି
ଆଇସିସି ମାନ୍ୟତାରେ ଭାରତୀୟ ଖେଳାଳିଙ୍କ ରାଜୁତି ଜାରି ରହିଛି। ଶୁବମନ ଗିଲ, ମହମ୍ମଦ ସିରାଜ ଦିନିକିଆରେ ୧ ନମ୍ବର ହୋଇ ପାରିଛନ୍ତି। ସେହିପରି ଟି୨୦ ଅନ୍ତର୍ଜାତୀୟରେ ସୂର୍ଯ୍ୟକୁମାର ଯାଦବ ଏକ ନମ୍ବର ବ୍ୟାଟସମ୍ୟାନ ମାନେ ରହିଛନ୍ତି। କେବଳ ଏତିକି ନୁହେଁ, ଟେଷ୍ଟରେ ମଧ୍ୟ ଟିମ ଇଣ୍ଡିଆ ଏକ ନମ୍ବର ସ୍ଥାନ ବଜାୟ ରଖିଛି। ଟେଷ୍ଟ ବୋଲର ଭାବେ ଆର ଅଶ୍ୱିନୀ ଏକ ନମ୍ବରରେ ରହିଥିବା ବେଳେ ଟେଷ୍ଟରେ ଅଲରାଉଣ୍ଡର ଭାବେ ରବୀନ୍ଦ୍ର ଜାଡ଼େଜା ଏକ ନମ୍ବର ସ୍ଥାନରେ ରହିଛନ୍ତି। ତେବେ ବର୍ତ୍ତମାନ ସମୟରେ ସମଗ୍ର ବିଶ୍ୱ କ୍ରିକେଟରେ ଭାରତୀୟ ଦଳ ରାଜୁତି କରୁଥିବା କହିଲେ ଅତ୍ୟୁକ୍ତି ହେବ ନାହିଁ। 

ଆସନ୍ତୁ ନଜର ପକାଇବା ମାନ୍ୟତା ତାଲିକା ଉପରେ
ଟେଷ୍ଟ ନମ୍ବର ୧ ଟିମ : ଭାରତ
ଦିନିକିଆ ନମ୍ବର ୧ ଟିମ : ଭାରତ
ଟି୨୦ ନମ୍ବର ୧ ଟିମ : ଭାରତ
ଦିନିକିଆ ନମ୍ବର ୧ ବ୍ୟାଟସମ୍ୟାନ: ଶୁବମନ ଗିଲ
ଦିନିକିଆ ନମ୍ବର ୧ ବୋଲର: ମହମ୍ମଦ ସିରାଜ
ନମ୍ବର ୧ ଟେଷ୍ଟ ବୋଲର: ଆର ଅଶ୍ୱିନ
ନମ୍ବର ୧ ଟେଷ୍ଟ ଅଲରାଉଣ୍ଡର: ରବୀନ୍ଦ୍ର ଜାଡ଼େଜା
ନମ୍ବର ୧ ଟି୨୦ ବ୍ୟାଟସମ୍ୟାନ: ସୂର୍ଯ୍ୟକୁମାର ଯାଦବ