INDvsAUS 2nd Test: ଟେଷ୍ଟ ସିରିଜ ମଧ୍ୟରେ ଅଷ୍ଟ୍ରେଲିଆକୁ ଲାଗିଲା ଶକ୍ତ ଧକ୍କା, ସିରିଜରୁ ବାଦ ପଡ଼ିଲେ ଏହି ଘାତକ ଖେଳାଳି

INDvsAUS 2nd Test: ନୂଆଦିଲ୍ଲୀ: ସ୍ଥାନୀୟ ଅରୁଣ ଜେଟଲୀ ଷ୍ଟାଡ଼ିୟମରେ (Arun Jaitley Stadium) ଖେଳାଯାଉଛି ବର୍ଡର ଗାଭାସ୍କର ଟ୍ରଫିର (Border Gavaskar Trophy) ଦ୍ୱିତୀୟ ମ୍ୟାଚ। ଚାରିଟିକିଆ ମ୍ୟାଚ ବିଶିଷ୍ଟ ଏହି ସିରିଜର (Test Series) ଦ୍ୱିତୀୟ ମ୍ୟାଚରେ (2nd Match) ଅଷ୍ଟ୍ରେଲିଆ (Australia) ପ୍ରଥମ ଇନିଂସରେ ୨୬୩ ରନରେ ଅଲ ଆଉଟ ହୋଇଯାଇଛି। ଭାରତ (India) ତାର ପ୍ରଥମ ଇନିଂସ ଖେଳ ଜାରି ରଖିଛି। ଏହି ସମୟରେ ଏହି ମ୍ୟାଚ୍ ସହ ଜଡିତ ଏକ ବଡ ଖବର ବାହାରକୁ ଆସୁଛି। ଜଣେ ଘାତକ ଖେଳାଳି ଗୁରୁତର ଭାବେ ଆହତ ହେବା କାରଣରୁ (Injured Problem) ଟେଷ୍ଟ ସିରିଜରୁ ବାଦ ପଡ଼ିଛନ୍ତି। ବାଦ ପଡ଼ିଥିବା ଖେଳାଳି ହେଉଛନ୍ତି ଡେଭିଡ ଓ୍ୱାର୍ଣ୍ଣର।

ଅଷ୍ଟ୍ରେଲିଆ ଦଳ ସମୟରେ ଟିମ୍ ଇଣ୍ଡିଆର ଦ୍ରୁତ ବୋଲର ମହମ୍ମଦ ସିରାଜଙ୍କ ଏକ ବଲ ଡେଭିଡ ୱାର୍ନରଙ୍କ କାନ୍ଧରେ ବାଜିଥିଲା। ଡେଭିଡ ୱାର୍ନରଙ୍କ ଆଘାତ ହେତୁ ଫିଜିଓଙ୍କୁ ପଡ଼ିଆ ମଝିକୁ ଆସିବାକୁ ପଡ଼ିଥିଲା। ଓ୍ୱାର୍ଣ୍ଣର ବହୁତ ଯନ୍ତ୍ରଣାରେ ମଧ୍ୟ ରହିଥିବା ସେହି ସମୟରେ ଦେଖିବାକୁ ମିଳିଥିଲା। ଡେଭିଡ ଓ୍ୱାର୍ଣ୍ଣରଙ୍କ ଏହି ଆଘାତ ଗୁରୁତର ରହିଥିବା କୁହାଯାଉଛି। ଏହି ଇନିଂସ ସମୟରେ ମହମ୍ମଦ ସିରାଜଙ୍କ ଏକ ବଲ ମଧ୍ୟ ଡେଭିଡ ୱାର୍ଣ୍ଣରଙ୍କ ହେଲମେଟରେ ବାଜିଥିଲା। ଏହି ଘାତକ ବୋଲିଂ ଆଗରେ ୱାର୍ଣ୍ଣର ଗୋଟିଏ ରନ୍ ସ୍କୋର କରିବାକୁ ସଂଘର୍ଷ କରିଥିଲେ। ଦିନକ ପରେ ସେ ଭାରତୀୟ ବ୍ୟାଟିଂ ସମୟରେ ମଧ୍ୟ ଫିଲ୍ଡିଂ କରିନଥିଲେ। ଏପରି ପରିସ୍ଥିତିରେ, ତାଙ୍କ ଆଘାତ ଉପରେ ଏକ ବଡ ଅଦ୍ୟତନ ଦେଇ ଉସମାନ ଖାୱାଜା ନିଶ୍ଚିତ କରିଛନ୍ତି ଯେ ୱାର୍ଣ୍ଣର ଶତ ପ୍ରତିଶତ ସୁସ୍ଥ ନାହାନ୍ତି। ଫଳରେ ସେ ଦଳରୁ ବାଦ ପଡ଼ିଛନ୍ତି।  

ଏହି ସିରିଜରେ ୱାର୍ଣ୍ଣର ସେଭଳି କିଛି ଆଖିଦୃଶିଆ ପ୍ରଦର୍ଶନ କରିବାକୁ ସକ୍ଷମ ହୋଇ ନାହାନ୍ତି। ସେ ତିନିଟି ଇନିଂସରେ ମୋଟ ୨୬ ରନ୍ ସଂଗ୍ରହ କରିବାକୁ ସକ୍ଷମ ହୋଇଛନ୍ତି। ତେବେ ସାଥୀ ଖେଳାଳି ତଥା ସାଥୀ ଓପନର୍ ଉସମାନ ଖାୱାଜା କହିଛନ୍ତି କି ଯେ ୱାର୍ଣ୍ଣର ଖୁବ ଶୀଘ୍ର ଫର୍ମକୁ ଫେରିବେ। ସେ ଏହି ସିରିଜରେ ଫିଟ୍ ହୋଇ ଫେରିବା ଉଚିତ୍। ଶୁକ୍ରବାର ଖେଳ ପରେ ଖାୱାଜା କହିଛନ୍ତି, 'ମୋ ପାଇଁ ତିନି ଇନିଂସ ଯଥେଷ୍ଟ ନୁହେଁ। ମୁଁ ଭାବୁଛି ଏହି ଟେଷ୍ଟ ସିରିଜରେ ଯିବାକୁ ବହୁତ ଦୂର ବାଟ ଅଛି। ଡେଭ୍ ଏତେ ଦିନ ଧରି ଜଣେ ଭଲ ଖେଳାଳି ରହିଆସିଛନ୍ତି। ପ୍ରତ୍ୟେକ ଥର ତାଙ୍କ ଉପରେ ପ୍ରଶ୍ନ ଉଠିବାବେଳେ ସେ ଏକ ଭିନ୍ନ ଢଙ୍ଗରେ ଜବାବ ଦେଇଥାନ୍ତି।

ମ୍ୟାଚ୍ ବିଷୟରେ କହିବାକୁ ଗଲେ ଟିମ୍ ଇଣ୍ଡିଆର ବୋଲରମାନେ ଚମତ୍କାର ବୋଲିଂ କରୁଥିବାବେଳେ ଅଷ୍ଟ୍ରେଲିଆ ଦଳକୁ ବଡ଼ ସ୍କୋର କରିବାକୁ ଦେଇନଥିଲେ। ଫଳସ୍ୱରୂପ ଅଷ୍ଟ୍ରେଲିଆର ପ୍ରଥମ ଇନିଂସ ୨୬୩ ରନରେ ସମସ୍ତ ଓ୍ୱିକେଟ ହରାଇଥିଲା। ଓପନର୍ ଉସମାନ ଖାୱାଜା ଅଷ୍ଟ୍ରେଲିଆ ପାଇଁ ୮୧ ରନ୍ ସଂଗ୍ରହ କରିଥିଲେ। ଏଥି ସହିତ ପିଟର ହ୍ୟାଣ୍ଡସକମ୍ବ ୭୨ର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। ଭାରତ ପାଇଁ ମହମ୍ମଦ ଶାମି ସର୍ବାଧିକ ଚାରିଟି ୱିକେଟ୍ ନେଇଥିଲେ। ଏଥି ସହ ରବିଚନ୍ଦ୍ରନ ଅଶ୍ୱିନ ଏବଂ ରବିନ୍ଦ୍ର ଜାଡେଜା ୩ଟି ଲେଖାଏଁ ୱିକେଟ୍ ନେଇଥିଲେ। ବର୍ତ୍ତମାନ ଭାରତୀୟ ବ୍ୟାଟ୍ସମ୍ୟାନ୍ମାନେ ବଡ଼ ସ୍କୋର କରିବେ ବୋଲି ଆଶା କରାଯାଉଛି।