Maharashtra Politics: ସିନ୍ଦେ-ଫଡନାଭିସ୍ ଏବଂ ଅଜିତଙ୍କୁ ରାତ୍ରୀ ଭୋଜନ ପାଇଁ ନିମନ୍ତ୍ରଣ ଦେଲେ ଶରଦ

Sharad Pawar Lunch Diplomacy: ଦେଶର ସର୍ବ ପୁରାତନ ତଥା ବହୁ ପୁରାତନ ଭେଟେରାନ ରାଜନେତା ଶରଦ ପାୱାର କେବେ କେଉଁ ପଦକ୍ଷେପ ନିଅନ୍ତି ତାହା କେହି ଜାଣନ୍ତି ନାହିଁ। ଏବେ ତାଙ୍କର ପରବର୍ତ୍ତୀ ପଦକ୍ଷେପ ଦେଖନ୍ତୁ। ମଧ୍ୟାହ୍ନ ଭୋଜନ ପାଇଁ ସେ ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ସହ ଉଭୟ ଉପମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ କରିୁଛନ୍ତି। ମାର୍ଚ୍ଚ ୨ ତାରିଖ ଶୁକ୍ରବାର ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ, ଉଭୟ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଏବଂ ଅଜିତ ପାୱାର ବାରାମତି ଗସ୍ତରେ ଆସୁଛନ୍ତି। ମୁଖ୍ୟମନ୍ତ୍ରୀଙ୍କ ସହ ଉଭୟ ଉପମୁଖ୍ୟମନ୍ତ୍ରୀ ବାରାମତି ସହରରେ ଅବସ୍ଥିତ ବିଦ୍ୟା ପ୍ରତୀକ କଲେଜ ପରିସରରେ ଆୟୋଜିତ ହେଉଥିବା ଏକ ନିଯୁକ୍ତି ମେଳାରେ "ନମୋ ମହାରୋଜଗାର ମେଳାରେ ଅଂଶଗ୍ରହଣ କରିବେ। 

ଏହି ଅବସରର ସୁଯୋଗ ନେଇ ଶରଦ ପାୱାର ସେମାନଙ୍କ ପାଖକୁ ନିମନ୍ତ୍ରଣ ପଠାଇଛନ୍ତି। ଆଶା କରାଯାଉଛି ସେମାନେ ସମସ୍ତେ ଶରଦ ପାୱାରଙ୍କ ନିମନ୍ତ୍ରଣ କରିବେ। ଦଳରେ ବିଭାଜନ ପରେ ପ୍ରଥମ ଥର ଶରଦ ପାୱାର,  ମୁଖ୍ୟମନ୍ତ୍ରୀ ଏକନାଥ ସିନ୍ଦେ, ଉଭୟ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଏବଂ ଅଜିତ ପାୱାରଙ୍କୁ ସର୍ବସାଧାରଣରେ ନିମନ୍ତ୍ରଣ କରିଛନ୍ତି।

ଏହି କ୍ରମରେ ମୁଖ୍ୟମନ୍ତ୍ରୀଙ୍କ ସହ ଉପମୁଖ୍ୟମନ୍ତ୍ରୀଙ୍କ ପାଖକୁ ପଠାଯାଇଥିବା ନିମନ୍ତ୍ରଣରେ (ଫେବୃଆରୀ ୨୮ ତାରିଖରେ ଲେଖା ଯାଇଥିବା ଚିଠିର ଏକ ଅଂଶ) ଶରଦ ପାୱାର କହିଛନ୍ତି ଯେ ସେ ଏବଂ ତାଙ୍କ ଝିଅ ତଥା ବାରାମତି ଲୋକସଭା ଆସନର ସାଂସଦ ସୁପ୍ରିୟା ସୁଲେ ଏହି ସରକାରୀ କାର୍ଯ୍ୟକ୍ରମରେ ଅଂଶ ଗ୍ରହଣ କରିବାକୁ ଚାହୁଁଛନ୍ତି। କୁହାଯାଉଛି ଯେ ଏନସିପି ବିଭାଜିତ ହେବା ପରେ ଅଜିତ ପାୱାର ବାରାମତି ଲୋକସଭା ଆସନରୁ ୨୦୨୪ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବାକୁ ଚାହୁଁଛନ୍ତି। ଯେଉଁଠାରୁ ଏବେ ତାଙ୍କ ସମ୍ପର୍କୀୟ ଭଉଣୀ ସୁପ୍ରିୟା ସୁଲେ ସାଂସଦ ଅଛନ୍ତି।

ଚିଠିରେ କ'ଣ ଲେଖିଛନ୍ତି ଶରଦ ପାୱାର?
ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କୁ ଲେଖା ଯାଇଥିବା ଚିଠିରେ କୁହାଯାଇଛି ଯେ ବିଦ୍ୟା ପ୍ରତିଷ୍ଠାନନ ଅଧ୍ୟକ୍ଷ ଭାବରେ ସେ ଶିକ୍ଷାନୁଷ୍ଠାନ ପରିସରରେ ମୁଖ୍ୟମନ୍ତ୍ରୀଙ୍କୁ ସ୍ୱାଗତ କରି ଖୁସି ହେବେ। ବିଦ୍ୟା ପ୍ରତିଷ୍ଠାନ କାର୍ଯ୍ୟକ୍ରମ ପରେ ଶରଦ ପାୱାର,  ଉଭୟ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଏବଂ ଅଜିତ ପାୱାରଙ୍କ ସହିତ ତାଙ୍କ ବାସଭବନ 'ଗୋବିନ୍ଦବାଗ' ଠାରେ ଭୋଜନ ନିମନ୍ତ୍ରଣ ଗ୍ରହଣ କରିବାକୁ ଅନୁରୋଧ କରିଛନ୍ତି।

ଶରଦ ପାୱାରଙ୍କ ଚିଠିକୁ ନେଇ ଆରମ୍ଭ ହୋଇଯାଇଛି ଚର୍ଚ୍ଚା
ଶରଦ ପାୱାରଙ୍କ ଚିଠିକୁ ନେଇ ଏବେ ସରଗରମ ହୋଇଉଠିଛି ମହାରାଷ୍ଟ୍ର ରାଜନୀତି। ସବୁଠାରୁ କୌତୁହଳର ବିଷୟ ହେଉଛି ଯେ ଶରଦ ପାୱାର ତାଙ୍କ ପୁତୁରା ଅଜିତ ପାୱାରଙ୍କୁ ମଧ୍ୟ ତାଙ୍କ ବାସଭବନକୁ ଡାକିଛନ୍ତି। ଏହି ନିମନ୍ତ୍ରଣ ଏପରି ଏକ ସମୟରେ ଦିଆଯାଇଛି ଯେତେବେଳେ ଅଜିତ ପାୱାରଙ୍କ ପତ୍ନୀ ସୁନେତ୍ରା ପାୱାର ବାରାମତି ଲୋକସଲା ଆସନ ତାଙ୍କ ନଣନ୍ଦ ତଥା ସ୍ଥାନୀୟ ସାଂସଦ ସୁପ୍ରିୟା ସୁଲେଙ୍କ ବିରୋଧରେ ପ୍ରାର୍ଥୀ ହୋଇପାରନ୍ତି। ଅଜିତ ପାୱାର ତାଙ୍କ ପତ୍ନୀ ସୁନେତ୍ରା ପାୱାରଙ୍କ ସପକ୍ଷରେ ନିର୍ବାଚନୀ ମାହୋଲ ବନାଇବାରେ ଲାଗିଛନ୍ତି। ବର୍ତ୍ତମାନ ପାଇଁ ଏହି ବୈଠକରେ କେଉଁ ବାତାବରଣ ସୃଷ୍ଟି ହୋଇଛି ତାହା ଦେଖିବାକୁ ବାକି ରହିଲା।