ଇସେଲ ଗ୍ରୁପର ଅଧ୍ୟକ୍ଷ ତଥା ସାଂସଦ ସୁବାଷ ଚନ୍ଦ୍ର। ଏଥର ସେ ରାଜସ୍ଥାନରୁ ରାଜ୍ୟସଭା ଯିବେ। ଶେଷ ଦିନରେ ବିଜେପି ସମର୍ଥନରେ ରାଜ୍ୟସଭା ସାଂସଦ ନାମାଙ୍କନ ପତ୍ର ଦାଖଲ କରିଛନ୍ତି। ଗତ ଥର ସୁବାଷ ଚନ୍ଦ୍ରା ହରିୟାଣାରୁ ରାଜ୍ୟସଭାକୁ ନିର୍ବାଚିତ ହୋଇଯାଇଥିଲେ। ଅଗଷ୍ଟ ପହିଲାରେ ରାଜ୍ୟସଭାରେ ତାଙ୍କର କାର୍ଯ୍ୟକାଳ ସରୁଛି।
Trending Photos
5
6
12
5 "ଡିଜାଇନ୍ ଫଟୋ")
ଜୟପୁର: ଦ୍ୱିତୀୟ ଥର ପଇଁ ରାଜ୍ୟସଭା ଯାଇପାରନ୍ତି ଇସେଲ ଗ୍ରୁପର ଅଧ୍ୟକ୍ଷ ତଥା ସାଂସଦ ସୁବାଷ ଚନ୍ଦ୍ର। ଏଥର ସେ ରାଜସ୍ଥାନରୁ ରାଜ୍ୟସଭା ଯିବେ। ଶେଷ ଦିନରେ ବିଜେପି ସମର୍ଥନରେ ରାଜ୍ୟସଭା ସାଂସଦ ନାମାଙ୍କନ ପତ୍ର ଦାଖଲ କରିଛନ୍ତି। ଗତ ଥର ସୁବାଷ ଚନ୍ଦ୍ରା ହରିୟାଣାରୁ ରାଜ୍ୟସଭାକୁ ନିର୍ବାଚିତ ହୋଇଯାଇଥିଲେ। ଅଗଷ୍ଟ ପହିଲାରେ ରାଜ୍ୟସଭାରେ ତାଙ୍କର କାର୍ଯ୍ୟକାଳ ସରୁଛି।
ରାଜସ୍ଥାନ ନିର୍ବାଚନରେ ଉଦ୍ୟୋଗପତି ସୁବାଷ ଚନ୍ଦ୍ରାଙ୍କ ଏଣ୍ଟ୍ରୀ ହୋଇଛି। ଦ୍ୱିତୀୟ ଥର ପାଇଁ ବିଜେପି ତାଙ୍କୁ ରାଜ୍ୟସଭା ପଠାଇବାକୁ ନିଷ୍ପତ୍ତି ନେଇଛି। ମଙ୍ଗଳବାର ସୁବାଷ ଚନ୍ଦ୍ରା ଏଥିପାଇଁ ବିଧାନସଭା ଯାଇ ନାମାଙ୍କନ ପତ୍ର ମଧ୍ୟ ଦାଖଲ କରିଛନ୍ତି। ନାମାଙ୍କନ ପୂର୍ବରୁ ସେ ରାଜସ୍ଥାନର ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ଓ ବିଜେପିର ଅନେକ ବିଜେପି ବିଧାୟକଙ୍କୁ ସାକ୍ଷାତ କରିଥିଲେ। ସୋମବାର ରାତିରେ ହିଁ ରାଜ୍ୟସଭା ସାଂସଦ ଜୟପୁର ପହଞ୍ଚିଥିଲେ।
Also Read: Brajrajnagar Assembly Bypoll: ଆଜି ମତଦାନ, ୧୧ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ
ହରିୟାଣାର ରାଜ୍ୟସଭା ସାଂସଦ ଭାବରେ ସୁବାଷ ଚନ୍ଦ୍ରାଙ୍କ କାର୍ଯ୍ୟକାଳ ଅଗଷ୍ଟ ୧ରେ ଶେଷ ହେବ। ମଙ୍ଗଳବାର ରାଜସ୍ଥାନରୁ ଚାରିଟି ରାଜ୍ୟସଭା ଆସନରେ ନିର୍ବାଚନ ପାଇଁ ନାମାଙ୍କନପତ୍ର ଦାଖଲ କରିବାର ଶେଷ ଦିନ। କଂଗ୍ରେସ ବରିଷ୍ଠ ନେତା ମୁକୁଲ ୱାସନିକ, ପ୍ରମୋଦ ତିୱାରୀ ଏବଂ ରଣଦୀପ ସିଂ ସୁରଜେୱାଲାଙ୍କୁ ଟିକେଟ୍ ଦେଇଥିବାବେଳେ ବିଜେପି ପୂର୍ବତନ ମନ୍ତ୍ରୀ ନଶ୍ୟାମ ତିୱାରୀ ଓ ସୁବାଷ ଚନ୍ଦ୍ରାଙ୍କୁ ପ୍ରାର୍ଥୀ ଭାବେ ନାମିତ କରିଛି। ଜୁନ ପହିଲାରେ ପ୍ରାର୍ଥିପତ୍ର ଯାଞ୍ଚ ହେବାକୁ ଥିବା ବେଳେ ତିନି ତାରିଖ ସୁଦ୍ଧା ପ୍ରତ୍ୟାହାର ଓ ଜୁନ ୧୦ରେ ଭୋଟ ହେବ।
ସୁବାଷ ଚନ୍ଦ୍ରା ହରିୟାଣାର ଜଣେ ସ୍ୱାଧୀନ ରାଜ୍ୟସଭା ସାଂସଦ। ବର୍ତ୍ତମାନ ତାଙ୍କର କାର୍ଯ୍ୟକାଳ ଶେଷ ହେବାକୁ ଯାଉଛି। ଏଥର ହରିୟାଣାରେ ନମ୍ବର ଗେମ୍ ସପକ୍ଷରେ ନ ଥିବାରୁ ସୁବାଷ ଚନ୍ଦ୍ରା ରାଜସ୍ଥାନରୁ ରାଜ୍ୟସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ରଣନୀତି ପ୍ରସ୍ତୁତ କରିଥିବା କୁହାଯାଉଛି। ବର୍ତ୍ତମାନର ସଂଖ୍ୟା ଅନୁଯାୟୀ ରାଜସ୍ଥାନରେ ବିଜେପି ଗୋଟିଏ ଆସନ ଜିତୁଛି। ଦ୍ୱିତୀୟ ଆସନ ପାଇଁ ତାଙ୍କୁ ୧୧ ଭୋଟ ଦରକାର। କଂଗ୍ରେସ ତିନୋଟି ଆସନରେ ଜିତିବାକୁ ଥିବା ବେଳେ ବିଜେପିରୁ ଘନଶ୍ୟାମ ତିୱାରୀ ଓ ସୁବାଷ ଚନ୍ଦ୍ରା ମଧ୍ୟରୁ କିଏ ଜଣେ ରାଜ୍ୟସଭା ଯିବା ସ୍ପଷ୍ଟ ହୋଇଛି।
ରାଜସ୍ଥାନ ବିଧାନସଭାରେ ବିଜେପିରେ ୭୧ ଜଣ ବିଧାୟକ ଅଛନ୍ତି। ଗୋଟିଏ ରାଜ୍ୟସଭା ଆସନ ଜିତିବା ପାଇଁ ୪୧ ଜଣ ବିଧାୟକଙ୍କ ଭୋଟ୍ ଆବଶ୍ୟକ। ଦୁଇଟି ପ୍ରାର୍ଥୀଙ୍କ ପାଇଁ ୮୨ ଭୋଟ୍ ଦରକାର। ଦ୍ୱିତୀୟ ପ୍ରାର୍ଥୀ ଜିତିବା ପାଇଁ ବିଜେପି ୧୧ ଭୋଟ କମ୍ ହେଉଛି। ଯଦି ବିଜେପିକୁ ଆରଏଲପିର ତିନି ଜଣ ବିଧାୟକଙ୍କ ସମର୍ଥନ ମିଳେ ତେବେ ମୋଟ ଭୋଟ ସଂଖ୍ୟା ୭୪ ହେବ। ତେବେ ଦ୍ୱିତୀୟ ପ୍ରାର୍ଥୀଙ୍କ ପାଇଁ ଆଉ ୮ଟି ଭୋଟର ଅଭାବ ରହିଛି।
Also Read: World No Tobacco Day : ସାଇଲେଣ୍ଟ କିଲର୍ କବଜାରେ ରାଜ୍ୟର ଅଧା ପୁରୁଷ, ଏକ ଚତୁର୍ଥାଂଶ ମହିଳା
ସେହିପରି କଂଗ୍ରେସର ତିନୋଟି ସିଟ୍ ପାଇଁ ୧୦୮ ଦଳୀୟ ବିଧାୟକ, ୧୩ ଜଣ ସ୍ୱାଧୀନ, ଗୋଟିଏ ଆରଏଲଡି, ଦୁଇଟି ସିପିଏମ ଏବଂ ଦୁଇ ଜଣ ବିଟିପି ବିଧାୟକଙ୍କ ସମେତ ୧୨୬ ଜଣ ବିଧାୟକଙ୍କ ସମର୍ଥନ ଆବଶ୍ୟକ। ତେଣୁ ରାଜସ୍ଥାନରେ ରାଜ୍ୟସଭା ପ୍ରତିଯୋଗିତା ଅତ୍ୟନ୍ତ ଆକର୍ଷଣୀୟ। କଂଗ୍ରେସ କ୍ୟାମ୍ପରୁ କିଛି ସ୍ୱାଧୀନ ତଥା ଅସନ୍ତୁଷ୍ଟ କଂଗ୍ରେସ ବିଧାୟକ ବିଜେପିକୁ ଡିଆଁ ମାରିପାରନ୍ତି ବୋଲି ଆଲୋଚନା ହେଉଛି। ରାଜସ୍ଥାନ ସ୍ଥିତି ୨୦୧୬ ହରିୟାଣାର ଇଙ୍କ୍ କାଣ୍ଡକୁ ତାଜା କରୁଛି।
