Mohammed Siraj Net Worth: ମହମ୍ମଦ ସିରାଜ କେତେ କୋଟି ଟଙ୍କାର ମାଲିକ? ଜାଣିଲେ ଚକିତ ହୋଇଯିବେ ଆପଣ

Mohammed Siraj Net Worth: ମହମ୍ମଦ ସିରାଜ (Mohammed Siraj) ଜଣେ ଭାରତୀୟ ଯୁବ ବୋଲର, ଯିଏ ଖତରନାକ୍ ବୋଲିଂ ପାଇଁ ଜଣାଶୁଣା । ସେ ୨୦୧୭ରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଅନ୍ତର୍ଜାତୀୟ ଡେବ୍ୟୁ କରିଥିଲେ । ମହମ୍ମଦ ସିରାଜ ଆଇପିଏଲରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ପାଇଁ ଖେଳନ୍ତି। ୨୦୨୧ ମସିହାରେ ଅଷ୍ଟ୍ରେଲିଆ ବିପକ୍ଷ ଟେଷ୍ଟ ମ୍ୟାଚରେ ମହମ୍ମଦ ସିରାଜଙ୍କ ପ୍ରଭାବଶାଳୀ ପ୍ରଦର୍ଶନ ଦେଖିବାକୁ ମିଳିଥିଲା, ଯେଉଁଠାରେ ସେ ଭାରତୀୟ ଦଳ ପାଇଁ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ଆସନ୍ତୁ ଜାଣିବା ମହମ୍ମଦ ସିରାଜଙ୍କ ମୋଟ ସମ୍ପତ୍ତିର ମୂଲ୍ୟ ବିଷୟରେ...

ମହମ୍ମଦ ସିରାଜ ବିସିସିଆଇର ଗ୍ରେଡ୍ ବି ଚୁକ୍ତିରେ ଆସନ୍ତି, ଯାହାର ବାର୍ଷିକ ରୋଜଗାର ହେଉଛି ୩ କୋଟି ଟଙ୍କା । ତାଙ୍କର ମାସିକ ଆୟ ପ୍ରାୟ ୬୦ ଲକ୍ଷ ଟଙ୍କା ହେବ । ତାଙ୍କ ନେଟୱର୍ଥ ମୂଲ୍ୟରେ ବ୍ରାଣ୍ଡ ଏଣ୍ଡୋର୍ସମେଣ୍ଟର ମଧ୍ୟ ଏକ ବଡ଼ ଯୋଗଦାନ ରହିଛି । ତାଙ୍କର ଏଣ୍ଡୋର୍ସମେଣ୍ଟରେ କଏନସ୍ୱିଚ୍ କୁବେର୍, କ୍ରାସ୍ ଅନ୍ ଦ ରନ୍,  MyCircle11 ଏବଂ ମାଇଫିଟନେସ୍ (MyFitness) ସାମିଲ ରହିଛି । ତାଙ୍କର ସମ୍ପତ୍ତି ବିଷୟରେ କହିବାକୁ ଗଲେ, ହାଇଦ୍ରାବାଦରେ ତାଙ୍କର ଏକ ଡିଜାଇନର୍ ଘର ଅଛି । ଦେଶର ଅନ୍ୟାନ୍ୟ ସ୍ଥାନରେ ମଧ୍ୟ ତାଙ୍କର ସମ୍ପତ୍ତି ଅଛି ।

ରଣଜୀ ସିଜନରେ କିଛି ଭଲ ପ୍ରଦର୍ଶନ ପରେ ମହମ୍ମଦ ସିରାଜ ତାଙ୍କ ଘରୋଇ ଦଳ ହାଇଦ୍ରାବାଦ ପାଇଁ ଭଲ ଛାପ ଛାଡ଼ିଥିଲେ । ଏହା ପରେ ସେ ଆଇପିଏଲ୍ ୨୦୧୭ରେ ନିଜର ସ୍ଥାନ କରିନେଇଥିଲେ । ୨୦୧୭ରେ ତାଙ୍କୁ ସନରାଇଜର୍ସ ହାଇଦ୍ରାବାଦ ୨.୬ କୋଟିରେ କିଣିଥିଲା । ୨୦୨୨ ଆଇପିଏଲ୍ ନିଲାମରେ ସିରାଜଙ୍କୁ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଦ୍ୱାରା ୭ କୋଟି ଟଙ୍କାରେ ରିଟର୍ଣ୍ଣ କରାଯାଇଥିଲା ।

କେତେକ ପ୍ରମୁଖ ଗଣମାଧ୍ୟମ ରିପୋର୍ଟ ଅନୁଯାୟୀ, ୨୦୨୨ ସୁଦ୍ଧା ମହମ୍ମଦ ସିରାଜଙ୍କ ସମ୍ପତ୍ତି ମୂଲ୍ୟ ୪୭ କୋଟି (୬ ମିଲିୟନ୍ ଡଲାର) ଥିଲା । ଯେଉଁଥିରେ ବିସିସିଆଇର ବାର୍ଷିକ ଦରମା, ଆଇପିଏଲ୍ ଦରମା, ଘରୋଇ କ୍ରିକେଟ୍ ଆସୋସିଏସନ୍ ଏବଂ କିଛି ବ୍ରାଣ୍ଡ ଏଣ୍ଡୋର୍ସମେଣ୍ଟ ସାମିଲ ଅଛି ।

ଅଧିକ ପଢ଼ନ୍ତୁ:-୨ କୋଟି ଟଙ୍କାର କାରରେ ବୁଲନ୍ତି ଶୁଭମାନ ଗିଲ, ଜାଣନ୍ତୁ ଏହି ୨୩ ବର୍ଷୀୟ ଖେଳାଳି କେତେ ସମ୍ପତ୍ତିର ମାଲିକ

ମହମ୍ମଦ ସିରାଜଙ୍କର ଏକ ମିନି କାର୍ କଲେକ୍ସନ୍ ଅଛି । ଅଷ୍ଟ୍ରେଲିଆର ଗସ୍ତରୁ ଫେରିବା ପରେ ସେ ବିଏମଡବ୍ଲୁ ସେଡାନ କିଣିଥିଲେ । ଅଷ୍ଟ୍ରେଲିଆ ବିପକ୍ଷ ଗାବା ଟେଷ୍ଟରେ ତାଙ୍କର ଚମତ୍କାର ପ୍ରଦର୍ଶନ ପାଇଁ ଆନନ୍ଦ ମହିନ୍ଦ୍ରା ତାଙ୍କୁ ମହିନ୍ଦ୍ରା ଥର ଉପହାର ଦେଇଥିଲେ । ଆଇପିଏଲର ପ୍ରଥମ ଦରମା ପାଇବା ପରେ ସିରାଜ ଏକ ଟୟୋଟା କରୋଲା କିଣିଥିଲେ ।