AI: ୭ ବର୍ଷରେ ଅମର ହୋଇଯିବ ମଣିଷ, ଜାଣନ୍ତୁ ଏପରି କାହିଁକି କହିଲେ ପୂର୍ବତନ ଗୁଗୁଲ୍ ଇଞ୍ଜିନିୟର

ସେ ବିଶ୍ୱାସ କରନ୍ତି ଯେ ନିକଟ ଭବିଷ୍ୟତରେ, ନାନୋରୋବଟ୍ ସବୁବେଳେ ଆମ ଶିରାରେ ଚାଲିବ ଓ ଆମକୁ ଏକ ଅନନ୍ତ ଜୀବନ ହାସଲ କରିବାରେ ସାହାଯ୍ୟ କରିବ । ବର୍ତ୍ତମାନ, ଟେକ୍ ଭ୍ଲଗର୍ ଆଡାଗିଓଙ୍କ ଦ୍ୱାରା ଦୁଇ ଭାଗ ବିଶିଷ୍ଟ ୟୁଟ୍ୟୁବ୍ ସିରିଜରେ କୁର୍ଭିଜିଲଙ୍କ ମନ୍ତବ୍ୟ ପୁନଃ ପ୍ରକାଶ ପାଇଛି ।

ନିଜ ୨୦୦୫ ପୁସ୍ତକ 'ଦି ସିଙ୍ଗୁଲାରିଟି ନିକଟ' ରେ କୁର୍ଜୱିଲ୍ ପୂର୍ବାନୁମାନ କରିଛନ୍ତି ଯେ ୨୦୩୦ ସୁଦ୍ଧା ଟେକ୍ନୋଲୋଜି ମଣିଷକୁ ବହୁତ ଦୀର୍ଘ ଜୀବନ ଦେବାରେ ସାହାଯ୍ୟ କରିବ । 

ପୂର୍ବତନ ଗୁଗୁଲ ଇଞ୍ଜିନିୟର ଟ୍ରାନ୍ସହ୍ୟୁମାନବାଦୀ ଆନ୍ଦୋଳନର ସମର୍ଥକ ରହିଛନ୍ତି ଓ କୃତ୍ରିମ ବୁଦ୍ଧିମତା (AI) ସମେତ ବିଭିନ୍ନ ପ୍ରସଙ୍ଗରେ ପୁସ୍ତକ ଲେଖିଛନ୍ତି । ସେ ଅତୀତରେ ମଧ୍ୟ କିଛି ଭବିଷ୍ୟବାଣୀ କରିଛନ୍ତି, ଯାହା ସତ୍ୟ ହୋଇଛି । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ କୁର୍ଜୱିଲ କହିଥିଲେ ଯେ ୧୯୯୯ ସୁଦ୍ଧା ଗ୍ରାହକମାନେ ନିଜ ନିଜ କମ୍ପ୍ୟୁଟରରୁ ସଠିକ୍ ମାପ ଓ ଶୌଳୀ ସହିତ ନିଜ ପୋଷାକ ଡିଜାଇନ୍ କରିବାରେ ସକ୍ଷମ ହେବେ । ଏହା ଛଡା, ସେ ପୂର୍ବାନୁମାନ କରିଥିଲେ ଯେ ୨୦୦୦ ସୁଦ୍ଧା ଦୁନିଆର ସର୍ବୋତ୍ତମ ଚେସ ଖେଳାଳୀ ଏକ କମ୍ପ୍ୟୁଟର ଦ୍ୱାରା ପରାସ୍ତ ହେବେ ।

କୁର୍ଜୱିଲ ଏହା ମଧ୍ୟ ବିଶ୍ୱାସ କରନ୍ତି ଯେ ୨୦୪୫ ସୁଦ୍ଧା ମଣିଷ ଆମେ ସୃଷ୍ଟି କରିଥିବା କୃତ୍ରିମ ବୁଦ୍ଧି (AI) ଉପରେ ସମ୍ପୂର୍ଣ୍ଣ ନିର୍ଭରଶୀଳ ହେବ । କୁର୍ଜୱିଲ୍ ନିଶ୍ଚିତ ଯେ AI ଏକ ବୌଧ ଟୁରିଂ ପରୀକ୍ଷା ଦେଇ ୨୦୨୯ ସୁଦ୍ଧା ମାନବ ସ୍ତରୀୟ ବୁଦ୍ଧି ହାସଲ କରିବ ।

୧୯୯୯ ରେ ୭୫ ବର୍ଷୀୟ କମ୍ପ୍ୟୁଟର ବୌଜ୍ଞାନିକ କୁର୍ଜୱିଲଙ୍କୁ ୧୯୯୯ ରେ ଟେକ୍ନୋଲୋଜି ପାଇଁ ନ୍ୟାସନାଲ ମେଡାଲ ପ୍ରଦାନ କରାଯାଇଥିଲା ଓ ୨୦୨୨ ମସିହାରେ ତାଙ୍କୁ ନ୍ୟାସନାଲ ଇନଭେଣ୍ଟର୍ସ ହଲ୍ ଅଫ୍ ଫେମରେ ସାମିଲ କରାଯାଇଥିଲା ।