World Cup: ଜାଣନ୍ତୁ ବିଶ୍ୱକପରେ କେଉଁ ଖେଳାଳି ମାରିଛନ୍ତି ସର୍ବାଧିକ ଛକା...

ବିଶ୍ୱକପରେ ସର୍ବାଧିକ ଛକା ମାରିବାର ରେକର୍ଡ ୱେଷ୍ଟଇଣ୍ଡିଜ୍ ର ମହାନ ଖେଳାଳି କ୍ରିସ୍ ଗେଲଙ୍କ (Chris Gayle) ନାଁରେ ରହିଛି । ୨୦୦୩ ମସିହାରୁ ୨୦୧୯ ମଧ୍ୟରେ ସେ ୩୫ଟି ବିଶ୍ୱକପ ମ୍ୟାଚ୍ ଖେଳିଛନ୍ତି । ଯେଉଁଥିରେ ସେ ୪୯ଟି ଛକା ମାରିଛନ୍ତି।

ଏହି ମାମଲାରେ ଦକ୍ଷିଣ ଆଫ୍ରିକାର ଏ.ବି ଡି ଭିଲିୟର୍ସ (AB de Villiers) ଦ୍ୱିତୀୟ ସ୍ଥାନରେ ଅଛନ୍ତି। ଡି ଭିଲିୟର୍ସ ୨୦୦୭ରୁ ୨୦୧୫ ମଧ୍ୟରେ ୨୩ଟି ବିଶ୍ୱକପ୍ ମ୍ୟାଚ୍ ଖେଳଥିବା ବେଳେ ୩୭ଟି ଛକା ମାରିଛନ୍ତି ।

ଏହି ତାଲିକାର ତୃତୀୟ ସ୍ଥାନରେ ରହିଛନ୍ତି ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଙ୍ଗ (Ricky Ponting) । ପଣ୍ଟିଂ ୧୯୯୯୬ରୁ ୨୦୧୧ ମଧ୍ୟରେ ୪୬ଟି ଦିନିକିଆ ବିଶ୍ୱକପ୍ ମ୍ୟାଚ୍ ଖେଳିଥିବା ବେଳେ ମୋଟ ୩୧ଟି ଛକା ମାରିଥିଲେ।

ନ୍ୟୁଜିଲ୍ୟାଣ୍ଡର ବିସ୍ଫୋରକ ବ୍ୟାଟ୍ସମ୍ୟାନ୍ (Brendon McCullum) ମ୍ୟାକକୁଲମ୍ ମଧ୍ୟ ପଛରେ ନାହାନ୍ତି। ମ୍ୟାକକୁଲମ୍ ୨୦୦୩ ମସିହାରୁ ୨୦୧୫ ମଧ୍ୟରେ ୩୪ଟି ବିଶ୍ୱକପ୍ ମ୍ୟାଚ୍ ଖେଳି ଥିବାବେଳେ ୨୯ଟି ଛକା ମାରିଛନ୍ତି ।

ଦକ୍ଷିଣ ଆଫ୍ରିକାର ସିକ୍ସର କିଙ୍ଗ ଭାବେ ଜଣାଶୁଣା ହର୍ସେଲ ଗିବ୍ସ (Herschelle Gibbs) ପଞ୍ଚମ ନମ୍ବର ସ୍ଥାନରେ ରହିଛନ୍ତି। ୧୯୯୯ ମସିହାରୁ ୨୦୦୭ ମଧ୍ୟରେ ଗିବ୍ସ ଖେଳିଥିବା ୨୫ଟି ବିଶ୍ୱକପ୍ ମ୍ୟାଚ୍ ରେ ୨୮ଟି ଛକା ମାରିଛନ୍ତି ।